صديقتي بتزورني وناسة وش الاكلات الحلوة والسريعة المناسبة افكاركم

البف باستري
قطعيها صغير ودخليها الفرن وبعدين رشي عليها نستلة وقرفة
الموالح
عجينة الرقاق قطعيها امسحيها بجبن سايل او زبدة
بعدين رشيها بالزعتر او السماق او الحبة السوداء

يالبى قلبك ياراجية ماحد عبر بي غيرك
الله يسلم هالايادي ويوفقك ياعسل

ام..بقولي من الحلويات و اذا فيه ورق عنب الله لا يهينكم حطولي 4 في صحن و لا تنسون الليمون..نههه امزح الله يوفقك..

ههه
ياحليك ياعسل جيت طيران احسبك فازعة
يالله حياك الله معنا اقلطي

ههه اب لعيونك وعيوني انا بتجيني صديقتي وكنت مفكره اجيب من بره لكن الحين افكر اطبخ اسوي مثلك هع

لبى قلبك المشكلة محد عبر فينا خ

عندك حلى المالتيز
المقادير ..
1/بسكويت شاي
2/علبة نستله (حليب مركز ..محلى)
3/ملعقه كاكاو بودره >>>>
........
مالتزيزر
هيرشي
7
7
للتزيين
الطريقه ..
تكسرين البيسكويت ..ومن ثم ..تحطين الحليب المركز (النستله ) عليه :وتظيفين ملعقة الكاكاو
بعدين تكورينها ..وتضغطين عليها من فوق بالأصبع ..تحطين نقطة .هيرشي
بعدين تحطين المالتزيزر وتحطينها بأوراق الحلى ...
تراه موب شيء ..
وبالهنا والعافيه على قلوبكم
ابشري بعزك ولو نطنشك << الا معبرينك ^^

خذي لك لفه في قسم الحلويات
والاطباق الخفيفه الا ماتلقين اللي يجوز لك
بالنسبه لي لو جتني صديقتي اسوي::
ميني بيتزا::
عجينتك اللي معتمدتها وتفردينها وتقطع صغار
وتوزع في الصينيه ثم ::
تدهن بالكتشاب
ثم قطع دجاج او مشروم
زيتون اسود شرايح
فلفل بارد قطع صغيره
ملعقه من الخلطه الخطيره
خلطه: 3 م جبن سايل + 1 م مايونيز + 2 م قشطه + 1 م ماء
واذا حابه شوية جبن مبشور
وكراساون بالنوتلا << لذيذ
طبعا انا اسويه من نفس عجينة البيتزا يعني اسوي كميه تكفي البيتزا والكراسون
بس انا احشيه بكاكاو نوتيلا يطلع شي يهوس
في التقديم ارشه بشوية هيرشي
عشان يبين انه مو زعتر او جبن زي العاده
ممكن اسوي ورق عنب
طبعا الفه قبلها بكم يوم وافرزنه
يوم تجي بس اصف في القدر حلقات بصل ثم حلقات بطاطس
ثم ورق العنب
واحط تمر هندي ( اهرس مع مائ حار واشخل الما واصبه على ورق العنب )
وعلى نار هاديه لحد مايستوي
حلا حلقات السمسم
الطبقة الاولى ::
بسكوت شاي مطحون + زبده
**يخلط معا ويرص في قاع صينيه بايركس او صينية الشيز كيك(المفتوحه)
الطبقة الثانيه ::
6 كيري + 1 حليب محلى كبير
** بالخلاط ويصب فوق البسكوت ثم يدخل الفرن يحمر من اعلى فقط حتى يتماسك
الطبقه الثالثه ::
بعد اخراج الصينيه من الفرن مباشرة نصف // حلقات بسكوت السمسم وتترك قليلا
الطبقة الرابعه ::
1 سفن اب + ظرف كريم كراميل
** في قدر على النار حتى يغلي ويصب بحذر ورفق على حلقات السمسم
& عند التقديم يقص حلقات &&
الصوره من النت تقريبا نفس الوصفه اعلاه بس حبذا كل قطعه بصحن او بورق بيلسيه احلى
وبالنسبة لكيكة الجزر
ايضا معتمدتها عندي من سنين ولذيذه جدا
وكثير خذوا الطريقه مني بس للامانه انا اخذتها من كتاب مطاحن الكويت
كيكة الجزر الاصليه
3 بيض
ا ونص كوب سكر
3/4 كوب زيت
1 م ص ملح
3 كوب جزر مبشور بشر ناعم (تقريبا 7 جزرات وسط)
2 كوب طحين كويتي
1 م ك بكنج بودر
1 م ك دارسين ناعم ( قرفه )
1 م ص فانيلا
** يخلط الطحين + السكر + البكنج بودر + الدارسين + الملح
** ثم يضاف البيض بعد خفقه مع الفانيلا الى الطحين ويخلط
**ثم يضاف الزيت ثم الجزر ويخلط باليد
**ممكن اضافة جوز مجروش ويخلط قليلا
** الخليط نوعا ما ثقيل تقريبا مثلا البسبوسه او اثقل شوي
**يصب في صينيه مدهونه بقليل من الزيت وتخبز في الفرن حتى تستوي
وبالعافيه
وفي ناس تحط محلبيه بيضا .. وتزين بهذه الطريقة :-
الصوره اعلاه من النت لكن تقريبا نفس اللي اسويه بس انا بدون المهلبيه ...يمي يمي
<<مجرب مني شخصيا ومعتمدته في دفتري المتواضع
واذا تبين زود قولي لي
,,

على ضماانتي سوي حلى الاناناس الكذاب اللي فوق كاتبته اوركيد!!
طعمه خرافي
+معمول جاهز
وهذار رابط حلى الروفايلوا
للامانه ماجربته بس شكله حلو
http://www.fialakaa.com/showthread.php?t=8603
ام مع الشاي حطي معجنات كبه ورق عنب ام شاابوره