الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
ليال الخير
09-12-2022 - 09:28 pm
عشاء صحي و مفيد و طبعاً سريع
السلام عليكم .... اليوم عندي لكم وصفة سريعة و ما يبيلها مجهود وما تاخذ وقت ... لما تكونين يوعانة و ودج تاكلين اكل مفيد و بسعرات حرارية أقل مالج إلا هالوجبة ...
المقادير:
  • قطعة همبرجر أو فيليه دجاج
  • شريحة جبن سلايز قليل الدسم
  • خضروات متنوعة ( زهرة - جزر - بصل أبيض - كوسا - بروكلي ) و أي نوع تحبينه بس ابتعدي عن البطاط لان يمتن
  • ملعقة صغيرة أوريغانو (زعتر البيتزا).
  • ملعقة صغيرة نعناع مجفف.
  • ملح

الطريقة:
1- في البداية تقطعين الخضروات.
2- إذا كان عندج جدر البخار صفي الخضروات فيه ... و اذا جدرج خربان نفس جدرنا ... صفي الخضروات في مشخال مسطح شوي .. و رشي عليهم الملح و الأوريغانو و النعناع .
3- حطي بالجدر شويه ماي و خليه يغلي و حطي فوقه المشخال اللي فيه الخضروات و غطيه.
4- اشوي الهمبرغر أو الفيليه على شواية أو مقلى من غير زيت مع التقليب إلى أن ينضج و بعد ما ينضج تحطين شريحة جبن السلايز على الهمبرغر و تخلينها تذوب .
5- بعدها تحطين الخضار في صحن مع قطعة الهمبرغر ... وانا لاني مو وايد متينه سويت لي بطاط مهروس مع صلصة كريمة.
و عليكم بألف عافية


وجبات دايت انقاص الوزن
التعليقات (5)
روعة إحساس
روعة إحساس
يسلمو ياقلبي

moon15&
moon15&
مشكورة يااعسوولة

ريميــــــــــه
ريميــــــــــه
يسلمو الايادي ياعسل

الخيال السارح
الخيال السارح
يعطيج العافيه

لـــــوتـــــس
لـــــوتـــــس
مشكوره

مين اللي سوت رجيم وصار لها مثلي
مشتهيه بيتزا ومسويه رجيم تعالي