الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
أم ياسر***
07-12-2022 - 09:29 am
السلام عليكم ورحمة الله وبركاته
لكل من يعانون من الوزن الزائد ابي مساعداتكم وخبراتكم
في تقديم سفرة كاملة للضيوف
من حلويات ومن موالح
لاني زي مو شايفين في توقيعي لازم انزل 14 كيلو
وبيجوني ضيوف يوم الاثنين ونفسي اني اقدمها بطريقة تكون ماتزيد في وزني
واحراج عليه اني اقدم شي وماكل منه <<<< الا قولي النهمه
وابي لو على القليلة صنفين حلا <<<<< ما كثرت
وصنفين مالح <<<<< ماطلبت شي
وطبق رئيسي
طولت بس اكيد لو كل فراشة كتبت لي
لو صنف واحد بسوي سفرة حلوه
تكفون
في انتظار كم ومشكورين جميعاً


وجبات دايت انقاص الوزن
التعليقات (8)
عذب الكلام2
عذب الكلام2
فيه هنا وصفات كثيره حاولي تنسقين منها شي يناسبك وبعدين بالنسبه للحلا فيه طريقه بسبوسه بدون دهون تلاقينها موجوده وانا زيك ادور طبخات للضيوف بطني اللي بصوصو

أم ياسر***
أم ياسر***
جزاك الله خير بس كان ودي كل وحده تسدح لي طريقة اختصار من عنا البحث
up

لين الورد2007
لين الورد2007
اهلين ياعسل
حلو فكرة انك تسوي سفرة دايت
انا مره سويت اكله رئيسيه وطبعا سلطة لاهلي وجاتنا عمتي وكنت صايمه اصلا
فانبسطت مره خاصه انه معها القلب وكثير اشياء ممنوعه عنها وياحرام ماكانت تاكل كويس
فوقت شافت اكلي مرره انبطست وتقول كل خميس بجيكم اذا صمتي قولي لي ههه
طيب الحين بقولك على كم وصفه وان شاء الله يعجبوك
والافضل تجربيها قبل عشان تعرفي طعمهم يمكن مايعجبك او شي
طيب بنبدأ بالوجبات الرئيسية
اول شي فيه مكرونه هنا بالقسم مره لذيذه وجربتها بنفسي
وتنفع للضيوف حيل
وانتي سوي كل شي فيها دايت يعني الجبن والحليب والخ وحتى المكرونة اذا تحبي هاتيها بالبر وانا جربتها بالبر ومره هبلتني لدرجه رحت اشتريت كم كيس مكرونه خفت تخلص علي ههه
وحتى اهلي حبوها رغم انهم مالهم باكل الدايت عصاقيل ها وترى طعم المكرونة الدايت مو مره يفرق عن العادية
وانتي مثل ماقلت لك تقدري تسويها بمكرونه عادية ولاتكثري منها انتي اوكي
هذا رابط الوصفه
http://alfrasha.maktoob.com/alfrasha106/thread778008/
وهذي صورها وقت سويتها بشهيك ها
وكمان ممكن تسوي المشكشك عباره عن قطع دجاج وخفيفه ولذيذه سوي معها طحينه ( زبادي وطحينه وشوية ملح وخل وزينها بسماق ) ومع الخبز ياسلام سلم ولو تبين سوي بطاطس مقلي معها بس لاتاكلي ها ياويلك ههه
شوفي طريقته هنا
http://alfrasha.maktoob.com/alfrasha106/thread1319178/
وطبعا سوي سلطات والسلطات ادري ماانتي شايله همها وفيه كثير سلطات فيها افكار حاولي تسويها اوكي
وبالنسبة للحلا
ترى الكل يضحك علي وقت كنت اقولهم ابي حلا دايت ههه
بس فيه حلا انا احبه اصلا من زمان قبل الدايت وسوه اهلي لهم وقعدت في نفسي قلت لازم اسويه لنفسي ضروري بس بدايت
فسويته اسمه ماادري والله بس احنا نسميه حلا البف بستري وفيه ناس تسميه البقلاوة الكذابه وهو من كتاب النخبه
طريقته مرره سهله تجيبي بف باستري بر وتقطعي القطعه اربع مربعات وبعدها تجيبي صينية الكب كيك الوسط وتحطي هالقطع فيها
وبعدين تجيبي كيري وتقطعيه مربعات وتحطيه فوقه وتدخليه الفرن
<< طبعا الكيري ماتعتبر دايت فانا حطيت لي جبن مثلثات دايت وطلعت طعمه بس مو مثل كيري للأمانه وجربت كمان فيلادلفيا وماطلعت طعمه معه وجربت كذا جبنه بس احس شي جبن مثلثات
المهم بعد ماتخرجيه من الفرن على طول تكوني مجهزه فستق مجروش
اهلي يحطوا شيرة وبعدها يحطوا الفستق عليها عشان يلصق ويجي الذ
بس انا عشانها دايت حطيت عسل وفوقه الفستق طبعا ههه
وانتي عاد شوفي براحتك ياعسل وش تحبي تسوي لضيوفك من هالخيارات سوي
وخليني اقولك بصراحه ترى ماهي مره خفيفه حيل بس والله لذيذه
وانا ماصورتها لاني ماحسبت اسويه اكلته ونسيت ابو التصوير ههه واذا تبين اسويه قريب واصور لك ابشري
وفيه حلا ثاني هنا بالقسم اعجبني بس ماسويته للان
ماادري وين رابطه بس بنزله بالرد التالي ها لاني حافظته بالكمبيوتر عندي
وبالنسبة للمعجنات فيه معجنات دايت وخفيفه
سوي اي طريقة عجينه عندك وسويها بدقيق بر بدل الدقيق العادي
واذا تحبي انا جربت يوم الخميس طريقة مره حلوه
وتنفع للبيزا مره وحتى اهلي حبوها ماحسوا بالفرق
وطبعا تحطي كل شي من الحشوات ولا الجبن كله لايت وصحي
وش رايك؟
ان شاء الله اكون افدتك
واذا عندي اي شي ثاني بقولك وان شاء الله افدتك
وسوري طولت بالرد احس هرجي كثير عاد تحملي ههه

لين الورد2007
لين الورد2007
المقآادير :
دايجستيف الخالي من الكوليسترول الحجم الصغير او نصف الكبير
3 م ك سكر فركتوز (سكر الفواكه )
علبه قشطه 1/2 كوب جوز مجروش
2 م ك بودرة الكاكاو
3 كيري
قالب ميلك شوكليت خام << عادي لو فيه سكر لانه مجر قشره خارجيه للكرات
الطريقه :
في محضرة الطعام نطحن الدايجستيف ثم نضيف بودره الكاكاو والسكر ونستمر بالطحن
في وعاء نضيف الخليط ثم الجوز والقشطه ونعجن
نشكل كرات بحجم كرة القولف
في حمام مائي نذيب نص كوب او 120 غرام من الشوكليت
نغمس الكرات ونتركها تبرد على ورق زبده او صحن مغلف بنايلون تغليف الطعام
ناخذ كميه من الشوكليت الذائب ونضعها في كيس نثقب فتحه صغيره ونزين الكرات بعد ان تجمد طبقة الشوكليت ونعيدها لتبرد وتتماسك الحشوة مدة 3 ساعات وتقدم
وبالعافيه عليكم
صور الحلا
وفيه كم حلا
بس ماجربتهم لقيتهم بالنت وقت دورت زمان
اذا تبين اجيبهم لك ابشري
واخيرا
دعواتك ياعسل

أم ياسر***
أم ياسر***
يالبى قلبك على ذي الوصفات يسعدك

أم المفهين
أم المفهين
موفقه
اللهم صل على نبينا محمد

نواره المدينه
نواره المدينه
روعه يالغلا
تسلمي ياقلبي

أم المفهين
أم المفهين
موفقه
اللهم صل على نبينا محمد

همبرغر البرغل لذيذ للرجيم
الصرآحه لفت إنتباهي