انا على وشك الزواج ساعدوني

الف مبروك اول اشي
ثاني اشي للأسف كنت حابة كتير اساعدك بس انا مش من بلدك معلش سامحيني حبيت احكيلك مبروك

لسلام
اشكر أختي زهور الشتاء على المرور والتهنئه...........الله يبارك فيك.......
وين بنات الرياض!!!!!!!!!!!!!!!!!!!!تكفون ساعدوني!!!!!!!!!!!!!!!!!!!!!!

حياك الله حبيبتي
والف الف مبروك على الزواج مقدماً
بالنسبة للعطور : اذا بتاخذين كمية افضل تروحين المحلات الكبيرة والثقة مثل قزاز ، الجماز ، محمودسعيد ، باريس غاليري للعطورات الخاصة ، أجمل للمخلطات ومحمد عالم جنيد ، عطورات الجسم واللوشن زهور الريف وبودي شوب ونكتار.
بالنسبة للملابس والسهرات : المحلات النسائية اللي بعماير السيركون ، السواني ، هارفي نكلز ، المملكة والفيصلية
المكياجات: انصحك بمحلات نسائية عشان تجربين وتاخذين راحتك مثلا دبنهامز بمملكة المرأة او ماك في الساكس وميك اب فور ايفر بعد في مملكة المرأة
قمصان النوم والملابس الداخلية : محل لانجري فيمنين في مملكة المرأة عنده تشكيلة رائعة ، ايتام ولاسنزا ونعومي ، السواني ، دبنهامز ، ماركس اند سبنسر
حبيبتي هذا الي في بالي الحين اذا عندك شي معين قولي لي واحاول افيدك

مبروك حبيبتي ..
.
بالنسبه للعود والعطورات الشرقيه والمخلطات : روحي للمعيقليه واشتري من عند الدخيل لأنه يعطيك العود الطيب الممتاز واطلبي بالتحديد العود الكمبودي المعتق روعه بخوره ودهنه .
بالنسبه للملابس الداخليه وقمصان النوم : روحي لمحلات الريس في الدور الثاني في الأندلس طريق العليا العام اهم شي خذي صدريتين وحده لونها اسود وحده لونها لحمي او بيج للسهره سيورها متحركه وفيها خاصية السيلكون على الأطراف لضمان الثبات ... وشكلي لك تشكيله حلوه من الدانتيلات والقطنيات ..
بالنسبه للمكياج : عندك محلات وجوه منتشره في كل مكان .
بالنسبه للأقمشه : عندك الأندلس ، طيبه ، اسواق مكه ،العليا مول .
بالنسبه للأحذيه : صحاري ، الأندلس ، العثيم مول .
بالنسبه لملابس السهره : فيه كذا محل على امتداد شارع العليا العام ، فيه بعد في سوق العليا مول محل او محلين عنده فساتين سهره حلوه .
بالنسبه للملابس السبور والسفر : زارا طريق العليا العام بجانب كنتاكي .. صحاري .. نكست النمر ..
هذا اللي يحضرني حالياً واتمنى لك التوفيق وادعي لنا .....

مرحبا ود ......
عالبركه عيوني وربي يوفقك ويسعدك
انا مثلك زواجي قريب بعد كم شهر
وللحين والله ماجهزت أي شي
لأني مثلك محتاره بالمحلات الزينه
بس ماقصروا البنات ربي يوفقهم والله استفدت منهم كثير
واذا زواجك مو قريب مره
انا بتفق وياك على شغله ,,, وهي اني كل مارحت محل حلو واعجبتني فيه شغلات اقولك
وانتي نفس الشي اذا شفتي محل حلو وفيه شغلات تنفع لنا قولي لي
وبكذا نستفيد من بعض ......... وش رأيك ؟؟
الهنوف

اشكركم مودموزيل وزهور الشتاء والوضوح الغامض(شكر خاص لكم لتعاونكم معي واريد المزيد إن امكن ذلك)
والهنوف...................................
اوكي حبيبتي الهنوف موافقه ........
طيب لو سمحتي هل وضعتي قائمة المشتريات......؟؟

هلا ود
ايوه كتبت قائمة المشتريات بس مو ثابته للحين كل يوم امسح غرض واكتب غرض يعني للحين مااكتملت
بس عندك موضوع اختي لوعة الحرمان لايفووتك موضوع شامل وفيه كل شي ممكن تحتاجينه
مري عليه وخذي منه نسخه ........
بالتوفيق

أأأأأأأأأأأأأأألف مبروك الله يتمم لك بالخير و بالرفاء و البنين و الذرية الصالحة يا رب أتمنى لك كل السعادة حبيت بس أبارك لك أنا مش من السعودية و عقبا لي يا رب
الفاتنة

الله مبروك وان شاء الله يكون زوج صالح يفهمك وتفهمينه وانا من الكويت بس اعرف بعض الشياء البسيطه انا رشريت من محل في السعوديه لي لمن عرست من مجمع الراشد الي بالدمام او الخبر والله ناسيت بس اسم المحل ايتمز بس بالنجليزي وسامحيني ما اقدر اساعدك اكثر وشكران