تبغي عجينه طريه وطعمها جنان تعالي شوفي السر

اسعد الله صباحكم وممساكم
كيفكم نشاء الله بخير ومبسوطين
اليوم جيبه لكم سر خطير
يمكن بعضكم يعرف واكثركم لا
انا جربته وحبيت افيدكم لانكم خوات غاليات علي
عجينتي المعتاده ,,,
بياله زيت
بياله حليب بودره
فنجان سكر
ملعقه صغيره ملح
ملعقه كبيره خميره
ملعقه كبيره بكينج بودر
كاس ماء دافي
دقيق حسب العجينه
والحين نجي لسر ؟؟؟؟؟
ظرف دريم ويب ينضاف معه العجينه
تخلط جميع المقادير بمضراب البيض الين ماتحسين ان الخميره والبكينج بودر بدا مفعولهم الحين تبدي بالتدريج تضيفي الدقيق الين تصير عجينه طريه بيدك خلاص خليها ترتاح ساعه او اقل بمكان دافي
انا اشغل الفرن الين يحمي شوي واطفيه وبعدين اربط الزبديه بكيس واحطها جوات الفرن
وسوي بها اللي تبي بتزاء فطائر سينبول اللي تبغي
وعليكم بالعافيه
لاتنسوني بدعواكم ان الله يفرجها ويوسعها علينا ويرزقنا بالذريه الصالحه
وياليت ترفعو الموضوع الله يرفع قدركم عشان الكل يستفيد
الله الله بالردور