دليل الشركات والاماكن. فالويب


المسافرون العرب




ابغى رد لزوجي على موضوع المصروف الشهري بليز

00ام اسيل00 00ام اسيل00
ابغى رد لزوجي على موضوع المصروف الشهري بليز
17-04-2014 - 05:02 pm

السلام عليكم

طبعا خليني اعرف لكم عن حياتي


انا متزوجه من سنه ونص وعندي بنت عمرها 8 شهور

زوجي الحمدلله مو مقصر عليي بشي ابد
لكنه من ناحي السوق يطفشني بلندره يودييني اتقضى ودايم يسالني وين تودين الملابس الي شريتيها
وليش هلكثر

مع العلم يروح احيانا معاي ويشوف الاسعار بس اذا نزلت عند اهلي ورحت مع خواتي يقول انتي ضيعتي فلوسك وماشريتي الا شوي

طبعا بما اني عايشه بغربه عن اهلي معاه فانا ماحطيت براسي المصروف الشهري عشاني ماراح اسوي فيه شي دام هو موجود بس اذا نزلت يعطيني ومايقصر بس من جبت بنتي مازاد المصروف مع الطفل الرضيع يحتاج له مصرف قوي عشانه من لبس و حليب وحفايظ وغيره
واحيانا اسافر لاهلي لوحدي انا وبنتي ويعطيني نفس كميه المصروف الي لي وحدي
واحتاااج ملابس لبنتي تعرفون الطفل ينمو بسرعه كل شهرين تجديد ملابس
وهو ماشاء الله راتبه مو شووويه

والحين سافرت انا وبنتي وتخيلو كم عطاااني والله بتنصدمون




































500 ريال بس


انا بنتي فيها وبقضي عند اهلي شهر كامل
لظروف عمل زوجي


كلمته قلت له بالله عليك هاذا مصروف هو انا بشتري فيه حليب لبنتك ولا حفايظ و احتياجات خاصه لي وقلت لك ابغى ملابس لهاااا والملابس مو بريالين عشان تعطيني 500 بس


قال اذا نزل الراتب بشوف ارسل لك > يعني ما اكد

على قوله ااخاااف اعطيك وانزنق مع العلم اني خلال الفتره الي طااافت مارحت لاسوق ولا غيره ولا طلبته شي
غير انه يجيب حليب لبنتي ومع ان المطبخ فاضي ماشريت عزبه
كنت اطبخ باللي عندي لدرجة اني ما اطلبه كثير يشتري خضار للسلطه تخيلو بس عشان اني بسافر ومايستدعي اني اقضي للبيت ويخرب


وفي النهايه بس 500 ريال


والله يابنات بنت بس جيت مرضت بسبب تغير الجو وابو زوجي هو الي وداها المستشفى وطبعا خاااص ودفع حواااالي 300 ريال مع الدواء
تخيلو اني انا الي دافعه وش باقي لي صير بس 200
الحمد لله الي ابو زوجي ماقصر

ومن شوي رحت شريت لها حليب وحفايض وكريم تسلخات وكلها ب100 ريال وكمان من عند ابو زوجي

هههههه واحسب على نفسي لو انا الي دافعه كان ماباقي لي غير 100 ريال


والله يابنات مش مستوعب ان الدنيا مصاريف وقاهرني من هاذي الناحيه

غير اني نفسي باشياااء واسكت عنها عشان اوفر فلوسي في السفر

وغير انذكرى يوم ميلاده بشهر صفر ونفس اشتري له هديه واسوي له حفله بسيطه لي وله بس ماعندي


والحين قررت انو خلاص لازم يعطيني مصروف رضى ام ابى
الموهم

انا ابغى منكم تساعدوني على الرد عليه عشان يقتنع انو مصروف المراه ضروري بجانب الملبس والمأكل والسكن

ابغى رد مقنع و واااضح على انه غني بس اذا سافرت لحالي احس اني فقيره بجانب اهلي
الله يهيه بس كفايه انه قاهرني قبل لا اسااافر زاد الطين بله ويعطيني مصروف 500 ههههههه والله حاله




المشاركات

حبيبة زوووجها 2010 حبيبة زوووجها 2010
ابغى رد لزوجي على موضوع المصروف الشهري بليز


بخ


بخ



بخ


كفشتكـ أنتي هنــي يا دوووووبـــه وانا من أوووول مسويه بلاغ مروري عنكـ خخخخخخخخ


< اخلصي


الموهم ياقلبـــي

انتي لاتعاندين ويـــآآآآهـ

ألحين أنتي قولـي لي له انه بنتك عبت ووديتها مستشفى وخذوا مني 300 ريال

وشريت من الصيدليه يعني اضرب حسابك الفلوس ماتكفي

حااااول ترسل مصرووووف

وابي اقولك على شئ افضل لكـ ولـه

ماتروحين لأهلك الا انتي مشتريه الحليب والحفائظ والسيريلاك واشياء تخصك

يعني يصير تروحين يعطيك مصروف في يدك لو خرجتي او تسوقتي تتقضين فيها

مو تاخذين الفلوس وتروح في مصاريف حفائظ وحليب هذي هو مسؤول عنها

بس طبعا ماتقولين له

لا بس انه ما الاقي احد يشتري ان اشتري لها احسن عشان ما اطلب احد

واشتري من كل شئ كبير يصير يكفيك

وبالنسبه للمصروف المفروض ياقلبي بطريقه حلوه لا رجعتي بيتك

اطلبيه مصروف شهري في يدك ان شاء الله 300 ريال مو بس لا جيتي تروحين بيت اهلك لا

قولي ابيها لي ما استاهل انا اخدمك واخدم بنتك وبيتك كثيره علي يعني حنني قلبه عليك وبنفس الوقت تغنجي عليه

وقولي له كل الحريم ياخذون مصروف لهم يعني رجالهم يحبونهم اكثر من انك تحبني ..؟؟!!!!


< قلبتها محاضره خخخخخخخخخخخخخخخخخخخخخخخخ


الموهم انتظري رسالتي على الخاص ابيك من اول ادورك خخخخخ


أحلام ورردية أحلام ورردية
ابغى رد لزوجي على موضوع المصروف الشهري بليز


ياقلبي فيه كثير كذا رجال عندهم خير بس يجيون عند الحريم ويشوفونهم لعبات ويصرفون الفلوس في شغلات مالها داعي
بس أنتي غلطانه المفروض من أول ماتزوجتي تزنين على رأسه تبين مصروف وتعودينه على طبعك وأنك تصرفين
الموهم الي فآت فآت
أبدي الحين قولي له ليش تخليني أخجل من نفسي
أحكي له شلون تعانين وتنحرجين
وقولي أنا في وجهك ترضى أحد يحرجنا ومن هالكلام

وأوصيك بالأستغفاااااااااااااااااااار كثير
مافيه زيه وشوفي النتيجة


ملاك ضيعوها البشر ملاك ضيعوها البشر
ابغى رد لزوجي على موضوع المصروف الشهري بليز


اختي انت تنزلتي عن ابسط حقوقك
كلميه قولي اب فلوس مصروف شهري لي انا ماله دخل في بنتي
انا اشتري من ملابس وكملياتي وحسبي حسابك انا المبلغ الي تطلبينه يكفيك تشترين ملابس طول السنه
يعني اذا جمعتيه يقضيلك ملابس لك وهدايا لاهلك ممكن 500
او600 ونتي كل شهر خذيلك لبس وكمالياته وهديه لامك
والشهر الي بع\ه لبس وهديه لابوك وكذا مره مكياج ومره عطور والله يوفق الجميع ولاعياد هوالي يحاسب


00ام اسيل00 00ام اسيل00
ابغى رد لزوجي على موضوع المصروف الشهري بليز


اب


متكرفسه في حبه متكرفسه في حبه
ابغى رد لزوجي على موضوع المصروف الشهري بليز


شوووفي قبل ماتنزلين عند اهلك خليه يشتررريك لك اغرااض بنوتتك

حليب حفااايظ ......الخ

وخذي مصرووفك وقوولي له ابغاا زياده انت عارف تقلابات الجوو والبيبي مايتحمل لاسمح الله


يعني قوولي له عطني زياده لي وووللززمن


sareh sareh
ابغى رد لزوجي على موضوع المصروف الشهري بليز


مثل ماقالو لك البنات أشتري أغراض البيبي قبل لاتروحين
المصروف يجلس لك وقت ماتحتاجين
أنا أسوي كذا وأموري ماشيه تمام


Pяίηçεsš « Pяίηçεsš «
ابغى رد لزوجي على موضوع المصروف الشهري بليز


ااااب لعيييونك


غلطانه من البدايه وربي ماينعطون وجـه يعني من البدايه المفروض لك مصروف ومع البيبي يزيد المصصرووف واصلا شغلات البيبي عليه كلها عشان يحس بالمصاريف وخذيه معاك السوق خليه يشوف الاسعار بنفسـه


قولي له 500 ريال بس شغلات البيبي يعني انا مسافره اكييد يبي لي مصروف كبييير



الله يسخره لك يارب .. موفقه ياقلبي .. ادعي لي بالزوج الصالح والذريـه الصالحه عاجل غير اجل ياااااارب اميييين


قصه لم تنتهي قصه لم تنتهي
ابغى رد لزوجي على موضوع المصروف الشهري بليز


الله يعين (معتمد على اهلك)
دام اهله بنفس المنطقه خلاص لاحتجتي مصروف
خليه يكلم ابوه يعطيك فلوس سلف لحد مايجي
انا مره سويتها سافر وما كفت الفلوس
دقيت قلت والله انا مفلسه واهلي ماقصرو معاي
ومحتاجه المستوصف كلم اهلك يجيبون لي فلوس
ودق عليهم وعلى طول جابو الفلوس
صحيح زعلو اهله ليش تطلبنا ؟ واهلها عندها؟ ومرتاحين اهلها؟
بس ماهموني عشان يتأدب ولدهم


ليلات ليلات
ابغى رد لزوجي على موضوع المصروف الشهري بليز


والله ما ادري ايش اقولك بس انا نفس حالتك والله يعين


موضوع مغلق

تم غلق المشاركة على المواضيع القديمة، ولكن يمكنك فتح موضوع جديد للمناقشة او الاستفسار والمشاركة.


Share

ابغى رد لزوجي على موضوع المصروف الشهري بليز




بشرى سارة لكافة عضوات ورواد منتديات العرب الفراشة حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق elfrashah.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وسوف يتم نشر 500,000 ألف موضوع 5,000,000 مليون مشاركة وأكثر من 2,000,000 مليون صورة ما يقرب من 5,000 GB من المرفقات وهي إجمالي محتويات منتديات الفراشة للاستفادة منها والتفاعل معها كحق اساسي لكل عضوة قامت بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, منتديات الفراشة على Facebook