لاتيه

ياقلبي انتي
انا عاد من عشاق اللاتيه
انا عندي لك طريقه تجنن مره
وهي احسن طريقه من بين كل الطرق اللي جربتها
بس دقايق اكتبها لك برد ثاني وانزلها لك

نصف كوب ( كوفي ميت )
ربع كوب سكر .....اختياري ...اللي يشرب مر لا يحط سكر ...يكفي سكر من الحلاوه
كوب حليب بودره ( نيدو )
ثلثين كوب نسكافيه
نصف كوب حلاوة الزبده werther"s original
(الحلاوه هذي اهم شي بالوصفه لان الطعم كله معتمد عليها)
الطريقه:
كسري الحلاوه بالهاون ( النجر ).........مادري ايش يسمونه البعض
بعدين اخلطي جميع المقادير مع بعض
يعني اخلطي الحلاوه اللي كسرتيه مع باقي المقادير
وبعدين حطيهم بطاحونة القهوه واطحنيهم
بتصير الكميه عندك كثير
احفظيها بعلة زجاج لوقت الحاجه
واذ جاء في يوم من الايا على بالك تسوين ألذ كوفي لاتيه
واذا حسيتي انك تبغين تبحرين في عالم من اللذه والخيال>> صار فلم مو كوفي
المهم كل اللي عليك تحطين ربع الكوب من الخلطه هذي وتصبين عليه حليب حار
وحركيه زين واشربيه واستمتعي بأحلى لاتيه
وياويلك مني لو مادعيتيلي ان الله يحقق لي كل اللي نفسي فيه

نسيت اقولك شي مهم
بالعافيه على قلبك

اب

الله يحقق لك اللي ببالك يارب
بس ممكن تحطين لنا صوره حلى الزبده ذا عشان اعرف شكله اذا رحت اجيبه
لاهنتي حبيبي

حبيبه كتكوتها
ام بصراحه احرجتيني بطلبك
لاني بصراحه ماعرف طريقة رفع الصور
ولا كان حطيته لك من البدايه
طيبي عنوني خبريني الطريقه بالضبط ومالك هم ان شاء الله
بعدين الحلاوه هذي قديمه اللي تجي كأنها بالتوفي دوائر بقرطاسه مو شفافه >>> يمديك على هالوصف

يمي شكلة لذيذ
ان شاء الله ابجربه
وبالنسبه للصورة هذي هي
ومعليش اذا يااخت NaMy San
اذا تلقفت ونزلتها
واذا كنتي تبغين طريقة التنزيل روحي شوفي موضوعي اللي عنوانه صور واخ من الصور
وبتلاقين رد للاخت عصير مانجو الله يوفقها
طريقة شرح تنزيل الصور

مسس حواء
لبى قلبك ياعسل
واذا كانت هذي لقافه عادي دايم تلقفي على كيفك
يازينها من لقافه
يابعد عمري انتي ماقصرتي والله
وتمام عليك هذا هو حلاوة الزبده
احبك كثير

اها عرفتها هذي حلاوى بابا المفضله الله يذكره بالخير
مشكورين حبايبي عالموضوع وللاخت اللي رفعت الصور باذن الله اجربها
لاهنتوو