عمايل الملفوف البنفسجي للتنحيف

1. الموهييم قبل ثلاث سنوات تقريبا" او اقل وصل وزني ل80 هنا بجد انهبلت


2. بين عشيه وضحاها وخصوصا" إن سمنتي بالارداف أكثر شي وإلا باقي جسمي

مساء/صباح الورد الملون
اليووم بسدح تجربتي أنا مع الملفوف البنفسجي يعني مو تجربت فلانه أو نقلته من علانه

الموهييم قبل ثلاث سنوات تقريبا" او اقل وصل وزني ل80 هنا بجد انهبلت

بين عشيه وضحاها وخصوصا" إن سمنتي بالارداف أكثر شي وإلا باقي جسمي

عادي مو ذاك الزياده وبنية جسمي اللي يكون الخصر منحوت والارداف بارزه وهذا أكثر شي معقدني وإنها وراثه وكل ماسالت أحد يقولي بينحف كل جسمك ماعاد الارداف>>شفتو التحطيم على أصوله.. لا وإلا اللي تقولي إذا تزوجتي بيروح يعني متخيلين معي يعني أنتظر ليما أتزوج عشان ينحفون>>أما حركات الناس ..
وأقعد أفكر وكمان أفكر وبجد ضاقت علي الوسيعه آخر شي فكرت تفكير صائب>>حلوه صائب..
الزبده قررت أروح حق إخصائية تغذيه
وقعدت أقولها مشكلتي وقعدت تضحك تقول وش دخل الوراثه بالنحافه>>اشوى إنها سعوديه يعني ماتشلت حيل عندها..
الموهيم أعطتني نظام غذائي عادي فطور غداء عشاء
وقالتلي أمشي يوميا بالتدريج ليما توصلين ساعه
مربط الفرس//الملفوف البنفسجي قالت قبل لاتنامين
خذي ورقة من الملفوف وصبي عليها ماي تقريبا كوب وحطيهم عالنار يطبخ ليما يصير لون الماي بنفسجي ونامي
وفعلا مشيت صح على النظام الغذائي اللي أعطتني مع المشي وشرب الملفوف مع إن كان فيه مرات تخبيص بالاكل بس مو حييل بس والله يابنات إني نزلت حيل ووصل وزني ل68 تقريبا
وأيقنت إن مع الاصرار وقوة الاراده كل شي بيكون بمتناول اليدين..
إذا أردت حقا" أن تغير من واقعك نحو الأفضل,,ف أعمل بما عملت,, والتزم بما خططت له,,وأصبر فإن النصر مع الصبر وأستعن بالله دائما" وأخلص نيتك له فهو مسبب الأسباب ومجيب الدعاء وهو على كل شي قدير..
وبالتوفيق لكل العسولات
والله الله بالردود الحلوه اللي ترفع المعنويات
وكتبت تجربتي عشان غييري يستفيد مثل ماأستفدت
والله الله بالدعوات الحلوه للي تستفيد واللي ماأستفادت لاتدعي علي
وأعذوني إذا كان فيه أخطاء أو حروف ناقصه من عمايل الرجيم
وتساهيل للجميع أمورنا.