الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
فراشه حلوه وصغيرونه
12-12-2022 - 11:26 pm
بنات ياحلوين هذي طريقه تشبه العجه ممكن نعملها دايت مثل مانا عملتها وممكن تقلونها بالزيت
لكن هالطريقه طبعا مش دايت وهذي سوتها قريبه لي صحيح طعمها لذيذ بس اللي يتبعون الحميه
لازم تكون بمسحه خفيفه زيت
المقادير كالتالي :-
بيضه
ثلاث ارباع كاس طحين
ملعقه صغيره بيكنج بودر
نص مكعب ماجي مذوب في ربع بياله ماي
فلفل وكمون وملح وممكن اذا تحبين تضيفين بهار حار او تضيفين فلفل اخضر حار مقطع صغيرر ومفروم
حبه كوسه
حبه جزر
حبه بصله صغيرره او نص حبه بصل متوسطه
شوي خس
شوي بقدونس
شوي كزبره(( ماضفته لانه ماعندي))
شوي كراث(( ماضفته بعد لانه ماعندي ))
ممكن اذا تحبين تضيفين طماطم شوي (( على حسب الرغبه انا ماضفته ))
الطريقه : تبشرين الجزر والكوسه بالمبشره والخس والبقدونس والكزبره والكرات والبصل تفرمينهم صغار مره وحطينهم بزبديه كبيره وتخلطينهم تضيفين الطحين والبيكنج بودر وبعدين جيبي زبديه صغيره كسري فيها بيضه
وحطي عليها فلفل وملح شويي وكمون والبهارات المفضله لكن لاتكثرين عشان مايتغير طعمها ويصير طعمها مر بعدين جيبي بياله وخطي فيها الربع او النصف مكعب ماجي ومذوبته بشويي ماي (( ربع البياله بس ))
وضيفيه للبيض وخفقيه جيدا ثم اضيفي البيض للزبديه الكبيره ووخلطي كل المقادير مع بعض
ثم جيبي مقلى تيفال ونقطه مثل دمعه العين زيت بعدين لمن يبدا يسخن المقلى
بالملعقه اضيفي الخليط مثل الاقراض ومسحي الخليط (( سطحيه )) عشان يستوي اسرع بحيث لمن يستوي عندك يصير مثل المطبق وانتبهي له لانه ماياخذ وقت واقلبيه وحمريه زين وكرري هالطريقه مع الباقي
وهنا وعافيه وهذي الصوره معليش مستعجله مازينتها عدل
جربوها مره دايت بنفس طريقتي وجربوا وحده بالزيت كمان لذيذه وبتتنفخ عندك بيصير شكلها مختلف ولكن خليكم بالدايت بس لحبيتوا تغيروا او تسووها لضيوف عملوها بزيت ولاتنسون تزينونها بالليمون
لاتنسوني من دعواتكم يابنات والله محتاجه لها ادعولي بتفريج الكروب وتحقيق الاحلام


وجبات دايت انقاص الوزن
التعليقات (8)
ع ـذبة الإح ـساس~
ع ـذبة الإح ـساس~
واو ماشاءالله تبارك الله شكلها لذييذه
عوواافي عليك وننتظر الجدييد

فراشه حلوه وصغيرونه
فراشه حلوه وصغيرونه
الله يعافيك حبيبتي
وننتظر تجربتك ياعسل

فراشه حلوه وصغيرونه
فراشه حلوه وصغيرونه
معقوله كل هالمشاهدات ولافي الا رد واحد !!!!!!!!!!!!!!!!!!!!!!!!!!!!!!!!!!!

فراشه حلوه وصغيرونه
فراشه حلوه وصغيرونه
الله يعافيج حبيبتي

(نانا)
(نانا)
تسلم يدينك حبيبتي
شككلها مره تشهي بالعافيه ياقمر

فراشه حلوه وصغيرونه
فراشه حلوه وصغيرونه
الله يسلمك حبيبتي
مرورك اكثر من رائع ......

%3E%3Eدودي%3C%3C
%3E%3Eدودي%3C%3C
يمي يمي شكلها مغرية لعابي سال هع
يعطيك العافية ان شاء الله اجربها

فراشه حلوه وصغيرونه
فراشه حلوه وصغيرونه
ههه الله يعافيج حبيبتي
ويلا شدي الهمه وسويها عشان تاكلنيها وتتذوقينها ومايصير فيك كذه خ

قاطع للشهية ويحرق الدهون خلال اسبوعين وبا الصور تجربتي روعة روعة روعة
بنات الي جربيت كريم الزنجبيل او الزنجبيل تدخل عندي سؤال