الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
خشف ريم
21-10-2022 - 12:47 pm
مرحبا خواتي الفراشات
ابداع المعجنات قصدي هم المعجنات جد هم وعقده بالنسبه لى
احب السينابون والفطاير بانواعها وعاجبني شغل معجنات الشيف الى بالدمام شكلها حلو احب اسوي بيدي بس ما تضبط معاي اما يابسه يعني ناشفه ما تطلع هشه وخفيفه ليش وين المشكله وانا احب تكون ملح العجينه باين ماحبها ماصخه ياليت تساعدوني بليز


التعليقات (6)
رمش الخليج
رمش الخليج
هاذي طريقتي معتمدتها في معجناتي
ملعقة سكر كبيره
ملعقة خميره كبيره
3 ملاعق حليب نيدو
ذرة ملح
فنجان قهوه زيت
2كوب دقيق الكويتي
كوب مويه
الطريقه :تخلطين المقادير الجافه مع بعض بعدين تحطين المويه وتذوبينها
وبعدين الزيت واخر شي الدقيق واعجينيها حتى تتماسك واذا احتجتي زياده دقيق زيدي
وكل ماطولتي تعجنينها زادة طراوتها وخليها تخمر ساعه ونصف
وبالعافيه

فتافيت2008
فتافيت2008
بالتوفيق

((rama))
((rama))
بالتوفيق

خشف ريم
خشف ريم
شدعوه تدخلون وبس رد واحد
ما كان هاذا العشم

منتهى~الرقه
منتهى~الرقه
هذي الطريقة معتمدتها بالفطاير وربي ان الكل تعجبه فطائري ويحسبوها جاهزة,, ابوي لما ذاقها ماصدق انو مسويتها انا ع باله جايبتها من برا
حتى اختي تقول لي افتحي لك محل فطائر وبيعي
المقادير ..
3 كاس دقيق
3 ملاعق حليب بودرة
1ونصف ملعقة سكر كبيرة
ملعقة ملح صغيرة
2 خميرة فورية كبيرة
2 ملعقة صغيرة بكنج باودر
1 بيض
ربع كاس زيت
كاس وشوي ماء (عاد انتي اللي تحكمين زيديها ماء حتى تتماسك )
وبس
مقادير سهلة جداً ومتوفرة في كل بيت ..
الطريقة :
ضعي المقادير ال6 الأولى مع بعض ( النواشف ) وحركيها كويس
وبعدين ضعي المقادير الباقية وحركيها لمُدة ربع ساعة تقريباً ..
وبعدين خليها ترتاح لمُدة 1 ساعة ..
ملاحظة / لا تزيدين ماء حتى تعجنيها وتحركيها كويس وبعدين أذا شفتي العجينة تمسك بيدكِ
وتمسك بالصينية معناه إنها تبغى زيادة دقيق
وإذا لا حظتي أن العجينة متماسكة جداً بحيث أن الدقيق يتناثر منها معناها إنها تبغي شوية موية ..
وإذا لاحظتي إن العجينة متماسكة بحيث أن القدر مافية أي أثر من الدقيق وتتحرك معاكِ بسهولة
معناه إن العجينة ضبطت معاكِ
********
للمعلومية الطريقة هذي كانت كاتبتها وحده بمنتدى ثاني الله يجزاها خير
,
,
,
جربيها وادعي لي

خشف ريم
خشف ريم
تسلمين توليب على الطريقه تقريبا نفس طريقتي بس انا احط ملعقة كبيره خميره لان اذا كثرتي تطلع لها ريحه بالعجين

حلويات معجنات مقليات شعبيات يوجد صور لاهالي الرياض
نصائح لنجاح المعجنات