حكاية عشق بقلمي

الجزء التاني
عبد العزيز وهو داخل البيت ::السلام عليكم
وراح باس راس امه وابوه :: ام عبدالعزيز :: وعليكم السلام ورحمة الله هلا بوليدي شكلك تعبان حبيبي ايشبك :: سلامتك يالغاليه مافيني شي شوية ارهاق بس
ابو عيدالعزيز :: فكرت في الموضوع ؟
عبدالعزيز وهو يجلس ع الكنب بإرهاق :: ولله يبه طول اليوم وانا افكر
ابو عبدالعزيز :: ياولدي انت اعطيت عمك كلمه وماتقدر تتراجع عنها
عبدالعزيز يقاطعه :: بس يبه هو حطني قدام الامر الواقع مايصير يبه اتزوح فتون
ابو عبدالعزيز :: وايش المانع ليش ماتتزوجها قلت انو حطك قدام الامر الواقع
بس بنت عمك ماشالله عليها ومن لحمك ودمك ومابتحصل عروس احسن منها
ام عبدالعزيز :: يمه عزوز خلاص حبيبي لازم تتزوج قربت تصك الثلاثين وانت ماتزوجت يمه بفرح بعيالك
عبدالعزيز وحاسس بالضغط مو عارف إيش الحل لمصيبته :: مايصير يمه مايصير انا مأفكر في الزواج حاليا
ابو عبدالعزيز بحزم :: انت اعطيت عمك كلمه وماتقدر ترجع فيها خلاص انتهى الموضوع
عبدالعزيز :: بس يبه البنت مخطوبه و
ابوه يقاطعه :: كانت ... كانت مخطوبه وانتهى الموضوع
عبدالعزيز :: يبه ماانتهى الموضوع البنت مخطوبه لاعز اصحابي واسمحلي مو بكيفه عمي يغير رايه ويورطني انا
ابوه بعصبيه :: عبد العزير ... ايش هذا الكلام عمك ورفض الولد خلاص
وخطبلك بنته قدام الرجال وانت اعطيته كلمه
انتهينا خلاص الاسبوع الجاي بنروح لعمك نتفاهم ع الملكه
عبد العزيز وهو يوقف :: اسمحلي يبه انا ماراح اتزوج فتون لو مهما يصير ومايهمني شي
ابو عبد العزيز :: تكسر كلمة ابوك ؟
عبد العزيز :: لا يبه لا عاش ولا كان مين يكسر كلمتك بس افهمني انا ماقدر
ام عبدالعزيز تهدي الجو :: خلاص عزوز اطلع غرفتك دحين بعدين نتفاهم
عبد العزيز طلع غرفته بدون ولا كلمه وهو شايل هموم الدنيا فوق راسه
من وين طلعتله الزواجه دي بس
الله يسامحك ياعمي ورطتني ... يعني مالقيت غيري
لا ومين فتون ... بتزوجني فتون خطيبة صاحبي
ههه ياربي هذا كابوس ولا حقيقه
الله يعين بس مستحيل اتزوجها لو انطبقت السماء ع الارض
قام محمد من النوم اخيرا ع المغرب حاسس بثقل في جسمه وتعب غريب
بس الم قلبه يغلب عليه
فتون حبيبتي بتضيع مني وانا واقف اتفرج
بس لا مستحيل عزوز يتزوجها .... صاحبي واعرفه
بس هو اعطى عمه كلمه في مجلس رجال ومايقدر يتراجع عنها
مو عبد العزيز اللي يتراجع عن كلمته
بس كمان مو عبد العزيز اللي يغدر بصاحبه
اي غدر يامحمد وهو ايش ذنبه هو انحط قدام الامر الواقع ماعمره خطط لهذا الشي
وعبد العزيز اخر واحد يفكر في الزواج
بس هو وعدني يحل الموضوع
استغفر الله استغفر الله انا ايش اللي بسويه هذا بدال مأقوم اصلي اللي فاتني وانا نايم
استغفر الله العظيم سامحني يارب اول مره اضيع صلاة الجماعه
قام محمد يصلي وهو يستغفر ربه ويطلبه يفرج كربته
في غرفة دارين الاغاني بأعلى صوت والغرفه مقلوبه كأنها مر عليها تسونامي
داربن جالسه فوق السرير وحوالينها ورق ودفاتر واقلام من كل الاتجاهات على اساس بتذاكر
شي غريب كيف تجي المذاكره والازعاج سوا بس هي كده لازم تشغل تلفزيون ولا شي عشان تذاكر
جالسه على سريرها وشعرها مليان اقلام
لابسه بيجامه برمودا وماسكه دفتر جالسه تتعرف على اللي فيه
داربن معروفه بأنها ماتذاكر الا قبل الاختبار مباشرة من يومها صغيره
بس مع ذلك دايما متفوفه في دراستها
دخلت عليها امها معصبه :: دارين
دارين وهي توطي صوت الاغاني :: هلا مامي :: صارلي ساعه اناديكي :: سوري ماما ماسمعت كنت اذاكر :: تذاكري واصوات الاغاني :: يامامتي ياحبيبي كم مره اقولك انا كده اذاكر اركز على الازعاج :: ايه هين يالتركيز نشوف في درجاتك :: بتشوفي ياأم محمد برفع راسك زي كل سنه :: انشالله ... نسيتيني ايوه انا رايحه لخالتك موضي عشان ابارك لسماهر بتجي معايا ولا لا
:: اكيد مامتي وهاذي فيها كلام بروح :: ايوه عشان ساره مو عشان سماهر
:: لا يامامي افا عليكي الا عشان اشوف بيبي سماهر طالع حلو عليا ولا شين على ساره ههه
:: ههه حرام عليكي هذا وهي صاحبتك تقولي شينه .... المهم يلا البسي بسرعه السواق مستنينا بره
دارين وهي تنط من السرير :: ثواني

بدآيه روعه ,, تحمست لهآ
..
يآليت تكملي يالغلآ = )

عوا افي خيتو
حماس
تابعي موفقه

انا بجد اسفه ع التأخير بس ظروف ماقدرت انزل الجزء الجديد بس ان شاء الله كمان ساعتين وانزله

^^
موفقه عزيزتِِِِي .. بدآيه رآئع’ة وآصلي إبدآعكك
اهم شي اسمي موجود ب الروآيه
ويآليت تكمملين حت’ى لآ يتوقف الموضوع ويضي’ع حمآس البنآت ونضطر نقفل الموضوع
دمتِ مبدع’عه ,’~

اتطمني حبيبي شويتين وبنزل الجزء حتى انا مليت من التأخير

الجزء الثالث في بيت ابوعبدالعزيز ( بيت الخاله موضي) يرن جرس البيت ... وتفتح الشغاله .. دارين وهي تشوف ساره في الصاله متربعه قدام التلفزيون وتتابع بحماس داخله دارين بدفاشه وهي تقول :: مساء الخير ع المهابيل ساره تقوم من مكانها مبسوطه وزعلانه عشان خربت عليها البرنامج ماكانت متوقعه دارين تجي :: اهلين ولله مامهابيل غيرك وتحضنها وتبوسها مع سب وشتم وهبال بنات بس متعودين على كده ومايقدرو يتكلمو بأدب ابدا ولا بيصير شي في مخهم تروح ساره تسلم على خالتها وتدخلها المجلس وتطلع تنادي امها بينما بدأ شغل الحريم وحركاتهم وسلامهم راحت دارين وهي تجر ساره وراها لغرفة سماهر تسلم عليها وتشوف النونو تعريف بالشخصيات : ماأحب التعريف بشخصية الاباء والامهات لانهم ماراح يدخلو كثير في الروايه خاصة اني بتكلم عن الشباب اكتر بس راح نتعرف عليهم مع الروايه اتعرفنا على اهم ابطالنا عبد العزيز ودارين ومحمد لكن لسه باقي البطله الرابعه فتون وهاذي راح تعرفونها مع تسلسل الاحداث في القصه ساره اخت عبد العزيز الصغيره 19 سنه تدرس ادب انجليزي في جامعة الملك عبدالعزيز ومخطوبه لولد عمها من سنتين برغم صغر سنها ومملكه بعد تخرجها من الثانوي تتمتع بكتير من صفات دارين في هدوؤها وجنونها شقيه لابعد الحدود لانها اخر العنقود ومدلعه اكيد سماهر الاخت الاكبر عمرها 24 سنه متزوجه من خارج العائله ودوبها ولدت وجابت بنت وتقضي هاذي الايام عند اهلها نرجعلهم دخلت ساره ودارين على سماهر دارين:: مبروك مبروك مبروك مبروك عليكي طبعا تعزفها وتغنيها بهبل سماهر وهي تضحك وتسلم عليها :: الله يبارك فيكي حبيبي عقبالك ساره تنط في الموضوع :: مو عقبالي انا اولى يااختي سماهر :: ايوا صح باقيلك شهر وشوي ونخلص منك اخيرا اووف مابغيتي ياشيخه ساره :: وين تخلصي مني انتي اللي روحي بيتك ايش جايبك عندنا اصلا ولودي حبيبي انا بروحله ايش ابغا فيكم دارين :: مالت عليكي بالله تسيبي بيت اهلك وتتجوزي ياهبله ساره:: وليش مااتزوج وبعدين في ايش حيفيدني بيت اهلي بيت زوجي اولى فيني سماهر :: ههه وربي مطفوقه دارين :: دحين سيبينا منها وين النونوو سماهر :: يو نسيتي بنوتتي نايمه في سريرها هناك دارين وهي تطل ع البيبي : ياعمري انا تجنن ياحياتي طالعه قمر زيي سماهر :: ههه تصدقي من جد فيها شبه منك وهم يتناقرو دخلت عليهم ام محمد سلمت على سماهر وباركت لها وطلعت وتركتهم في هبالهم نرجع للحريم بعد مارجعو المجلس ام محمد ( فاطمه) :: ايش اخبارك موضي صايره ماتسألي عن الناس وينك ام عبدالعزيز (موضي) :: اعذريني ولله لكن الله اعلم بحالي فاطمه :: خير ايشبكم ؟ موضي :: ولله مادري ايش اقولك ابوعبدالعزيز موصيني ماحد يعرف بس عاجلا او اجلا الناس راح تعرف وانتي مو غريبه والله العالم بمعزتك في قلبي فاطمه :: موضي ايش صاير خوفتيني ؟؟ طمنيني موضي :: عبد الرحمن اخو ابو عبدالعزيز فاطمه وابدا مو مرتاحه لسيرة الرجال ده :: خير ايش مسويلكم ؟؟ مو كفايه عليه اللي سواه في ولدي موضي :: ولله مادري ايش اقول ولله الشاهد ان اللي عمله في محمد مايرضيني ولايرضي احد ابدا بس الزواج قسمه ونصيب فاطمه :: موضي ايش صاير احكيلي موضي :: عبدالرحمن خطب عبدالعزيز ولدي لبنته فتون حطه قدام الامر الواقع في مجلسه وقدام الرجال وعبدالعزيز رافض يقول مابيتزوج خطيبة صاحبه فاطمه والصدمه على وجهها :: يعني ماكفاه فسخ خطبة بنته من ولدي كمان جاي يكمل عليه ويخطبها لصاحبه .. قلبه حجر هذا الرجال مايحس .. اعذريني ياموضي بس بجد قلبي محروق على ولدي لو تشوفي حاله لا اكل ولاشرب ولانوم وكل مااساله يقولي تعبان ولامشاكل الدوام اللي صاير طبعا ان عبد الرحمن اخو ابوعبدالعزيز هو شريك في العمل مع ابو محمد وعيالهم الثلاثه متربيين سوا ومحمد يحب فتون من طفولته ولما كبر قرر انه يتزوجها ووافق عبدالرحمن على الزواج وتمت الخطوبه فقط بدون ملكه حتى واللي كانت مقرره تصير في اجازة الصيف يعني بعد شهرين من دحين لكن بسبب خلاف في العمل بين عبدالرحمن وابومحمد انفسخت الخطوبه وقرر عبدالرحمن انو هو بنفسه يخطب بنته لعبدالعزيز قدام الرجال حتى مايعطيه فرصه يرفض او يعترض لانه عارف ان عبدالعزيز رجال ومستحيل يخجله قدام الناس وكمان عارف انه مستحيل يوافق يتزوج بنته بعد ماكانت مخطوبه لصاحبه جالسه في غرفتها طافيه الانوار وحاضنه نفسها على السرير حاسه بظلم وقهر ابوها جالس يبيعها ويشتري فيها وهي مابيدها حليه هذا اللي تحسه فتون احساس بالقهر والعجز قاتلها فتون بنت حساسه جدا ورقيقه في العشرين من عمرها تدرس علم نفس وطبعا مو برغبتها برغبة ابوها لانه رفض ان بنته تدرس طب طول عمرها مالها في الحب لكنها عارفه من طفولتها بحب محمد ليها صح عمره ماعترف لها لانها عمرها ماسمحتله انه يتكلم معاها بعد ماكبرو لكنها عارفه والكل عارف بكده وحبته بجد حبته من كل قلبها عشقته بجنون وخبت حبه جواها ولا اعترفت بيه لاحد لكن البنات حولها ساره ودارين عارفين بالموضوع باين عليها ووافقت عليه لما خطبها مع ان ابوها مااعطاها خيار توافق او ترفض اصلا بس كانت مبسوطه وطايره من الفرحه بخطوبتها زيها زي أي بنت راح تتزوج حبيب عمرها لكن كلها فتره قصير واتدمرت فرحتها على يد ابوها طبعا واللي كان له الفضل دايما في انه يدمر أي فرحه في البيت منذ طفولتها ماستوعبت صدمة خطوبتها اللي انفسخت الا وابتليت بصدمه اكبر وهي خطوبتها من عبدالعزيز ولد عمها اللي طول عمره اخ كبير لها لااكتر ولا اقل من كده تعرف بعلاقة عبدالعزيز ومحمد وانهم اكتر من الاخوان ومو متصوره كيف راح تكون حياتها لو تم الزواج قربت توصل للجنون من كتر التفكير وتحس بقهر وحيره ولخبطه مو فاهمه ايش صايرلها في سيارة عبدالعزيز رن جواله وشاف اسم على الشاشه وجع قلبه : محمد يتصل بك عبدالعزيز:: هلا ولله محمد بنبره حزينه يحاول يخفيها :: اهليين عزوز كيفك عبدالعزيز :: حمدلله تمام انت كيف حالك محمد بتنهيده :: حمدلله على كل حال ... عزيز ؟؟ عبدالعزيز :: اامر محمد ايشبك ياخوي محمد :: بقابلك ضروري دحين ممكن ؟؟ عبدالعزيز :: وهذا سؤال تساله تحت امرك وين تبغى نتقابل محمد :: تعال عندي البيت انت فاضي دحين ؟ عبدالعزيز :: ربع ساعه واكون عندك محمد :: بانتظارك .. في امان الله عبدالعزيز :: في امان الكريم قفل محمد وهو مقرر شي في راسه ولازم ينفذه لاجاء عزيز يعرف انه راح يتخطى حدود الصداقه وبيورط صاحبه بس ماعنده حل تاني ولايقدر يفكر بشيء تاني حاليا عبدالعزيز محتار ومبسوط بنفس الوقت ان محمد كلمه لانه من يوم صار اللي صار ومحمد مقفل جواله وماكلمه ولامره ولايرد حتى في الدوام عند البنات في غرفة ساره ساره :: دارين بقولك شي بس امانه امانه لاتقوليه لاحد دارين :: وانا من متى ياخبله اطلع اسرارك قولي ساره :: فتون دارين :: ؟؟؟؟؟؟؟؟؟؟؟؟؟؟؟؟ ساره :: عمي خطب فتون لعبدالعزيز دارين :: كيف ؟؟ مافهمت ساره حكت لها كل اللي صار دارين :: من جدك انتي اما يخطبها لعزيز ايشبو ده عم عبدالرحمن بصراحه صاير لعقله شي يعني يفسخ خطوبتها من محمد عشان يزوجها لصاحبه؟؟؟ ساره :: ولله حتى انا قلت كده والبيت مقلوب حريقه من يومها ماشوفتي امي وابوي وعزوز كل يوم يتضاربو بسبب الموضوع دارين وقلبها ناغزها :: وعزيز ايش رايه ؟ ساره :: هبله انتي اكيد مو موافق يقول كيف اتزوج خطيبة صاحبي وكمان مقعهور من عمي على اللي سواه فيه وانه فاجأه كده دارين ارتاحت وبنفس الوقت خوفها زايد :: وعمك ليش يسوي كده حرام عليه ليش ماحست الابدموعها تنزل وتحاول تمسحها بس ماتقدر دارين برغم قوتها الا ان دموعها سهل جدا تنزل وهاذي نازله على ناس غاليين عليها ساره مصدومه منها تحضنها وتهديها :: داريين ايشبك بسم الله عليكي ليش تبكي حبيبي ؟ دارين وهي تبكي :: مافي شي بس زعلانه على فتون ايش ذنبها ماتتزوج اللي تحبه ساره بتشكيك :: بس فتون اللي زعلانه عليها ؟؟ دارين صارحيني في شي انا ماعرفه ؟ دارين حست بالخطر :: لا لا أي شي يابنت مافي شي يعني ايش بيكون فيه غير كده ساره :: دارين انا اعرفك فيكي شي انا متاكده دارين :: مافيني شي اتطمني بس مقهوره عليهم وعارفه ان طالما صار كده فاكيد راح يتزوجو عزيز وفتون عشان صارو شبه مخطوبين رسمي بس كده ورجعت تبكي ساره :: دارين قولي الصدق ايشبك دارين زادت في البكاء وماقدرت تمسك نفسها اكتر من كده واتكلمت ب ............ رن عبدالعزيز جرس بيت محمد وفتحت الشغاله ودخلته على المجلس اول مافتح عزيز الباب اتفاجأ باللي قدامه وانصدم وظل واقف بمكانه

كرهت عم عبد العزيز>>عبد الرحمن رفع ضغطي
يسلمو ياعسل
انتظرك