غمآزتك بالخد يآهي مصيبه لآ ورب البيت رآآس المصآآيب روآيتي الأولى

بسم الله الرحمن الرحيم
السلام عليكم ورحمة الله وبركاتة ..
فكرة راودتني من فترة طويلة وهي أن أقوم بكتابة رواية من نسج أفكاري وخيالي
مع مزجها بالواقع بالتأكيد .. فالرواية تفقد كيانها وروعتها اذا اطال الكاتب من الخيال
ونسي أننا نعيش على أرض الواقع .. وهي أول رواياتي وبإذن الله لن تكون الأخيرة
أثق إن شاء الله أن تعجبكم الرواية وتنال على رضاكم واستحسانكم ,, لأنني تعبت جدا
في حصر الأفككار وكتابتها .. أرحب بالنقد البناء والهادف .. وأؤمن بوجهات النظر واختلاف الآراء
عذرآ أطلت عليكن بالمقدمة .. ولكن كما يُقال حاجة في نفس يعقوب =) ..
إسم جديد سينظل إلى عقد اللؤلؤ الناصع لأسماء كاتبات متألقات آمل من الله أن أكون منهن
(أنجAngelل)
روايتي الأولى:
(غمازتك بالخد يآهي مصيبة .. لا ورب البيت راس المصآيب )
للكاتبة / أنجل - Angel
~ البارت الأول ~
جوري : يمه حبيبتي قلت لك هالمريول مايصلح علي شوفي كيف عريض والله مضيعني ومخرب جسمي
حرام عليك تكفين أبي أفصل ما أبي جاهز
أم جوري : يابنتي تعبتيني أنتي لو بأفصل لك بتتشرطين وبتخليني أنام عند باب الخياط بدل ماني رايحه راجعه
خذي هالجاهز وفكيني هي كلها 5 ساعات بالمدرسة وبترجعين البيت وتبدلين
جوري : تكفين يالغالية طلبتك عاد هاذي أخر سنة لي بالثانوي خليني أكشخ عدل زي البنات
وتقوم تبوس راس أمها طلبتك يمه تكفين تكفين
أم جوري : خلاص طيب أمري لله .. بعد المغرب أدق على خالك خالد أخليه يودينا السوق وياويلك لو تسوين لي قلق
أنا ماني نااقصة ياجوري
جوري : كلولولولويش أبشري يالغالية كم أم جوري عندي انا وحدة بسس امواح > ترسل لها بوسة طايرة بالهوا
أم جوري : يالله كمل بنتي بعقلها .. استخفيتي ادري ..
وراحت تكمل شغلها بالمطبخ ..
جوري طيران على غرفتها وفتحت الاب توب .. وفتحت المسن وحصلت صديقة
روحها لجين .. نطت عليها
~ الحياة حلوة بس نفهمها ~
لجين باركي لي
~ تعلمت أكتم العبرة ولله أرفع يديني ~
هاه خير وشو انخطبتي مبروك مقدما هو بيفكنا منك بس
~ الحياة حلوة بس نفهمها~
وجع لا وش انخطبت ماانخطبت بسم الله علي .. أمي وافقت افصل مريول للترم الثاني
واو واخيرا بأصير كشخة بعد غربله 12 سنه
~ تعلمت أكتم العبرة ولله أرفع يديني ~
ههه والله رحمتك ههه
~ الحياة حلوة بس نفهمها ~
يلا عطيني موديل أبغى شي غير وكشخه
~ تعلمت أكتم العبرة ولله أرفع يديني ~
إلا جوري شرايك نفصل مراييل مثل بعض ؟ .. ونكلم دانه تفصل مثلنا ونسير أحلى ثلاثي
~الحياة حلوة بس نفهمها~
والله فككره بطله خصوصا إن أجسامنا تتشابه .. أوك موافقه
~ تعلمت أكتم العبرة ولله أرفع يديني ~
خلاص أنتي يا أم الذووق صممي لنا موديل نفصله
~الحياة حلوة بس نفهمها~
طيب أوك .. يلا امي تناديني باي
~ تعلمت أكتم العبرة ولله أرفع يديني ~
بااي
أم جوري من تحت : جووري جوري وينك فيه لي ساعه أناديك الله يهديك
جوري : إيوا يالغالية جايه جايه
أم جوري : يلا حبيبتي الغداء جهز وبرد بعد وانتي تهذري على هالصندوق
جوري : ههه لا تسمعك دانه ترى ماترضى عليه ههه
أم جوري تبتسم لبنتها : والله أنتم يابنات هالأيام ماسحب عقولكن غير هالالكترونيات لاب توب وبلاك بيري ومادري شنو
جوري : يا أمي يااحبيبتي .. الحين حنا ماعدنا زي أول صغار ولعب الملاهي يكفينا .. بالعكس نطفش ولولا هالالكترونيات
كان متنا طفش ..
جوري ترفع يدهآ " الله يخلي لنا اليابان لولا الله ثم لولاهم ماندري وش سوينا من الطفش"
أم جوري : كلي بس وخلي عنك هالكلام الفاضي
وراحت تحط لجوري اكلها وتوزع بالصحون وبدأو بسم الله ياكلون غداهم ..
في مكان ثاني
راكان : أنتي وبعدين معاك ترى طفشتيني كل مره جايبه لي سوق تبغينه ماتلاحظين مسختيها
راما : راكان تكفى أنت أخوي الوحيد لو ماتوديني مين يوديني يعني ؟ السواق ومسافر
راكان : لاحول ولاقوة إلا بالله بس ماهو يوميا سوق ارحميني ياراما ماصارت أغراض مدرسة
راما : ركون حبيبي تبغى أغراض البنات احلى من أغراضي ,, يرضيك يعني
وتبوز وتصد عن أخوها > تتدلع عليه
راكان : خلاص تجهزي بعد المغرب بس ياويلك لو تأخرتي والله لاروح واخليك هذاني حذررتك
راما : تبشر تبشر يا أحلى أخو بالدنيا
قامت وتبوس راسه يلا تلاقي الوالد والوالده ينتظرونا تحت على الغداء
نزلو تحت ..
أم راكان : لا كان تأخرتوا بعد زيادة
راما : ماعليه ماما بس كنت أبي منه خدمه يسويها لي
أبو راكان : أكيد مافيه غير هالفلفه بالاسواق
راكان : ههه وانا وش اللي جايب لي المغص غير هالموضوع تكفى يبه لا عاد تسفر السواق
أبو راكان : عاد لا جات إجازته ماني ماسكه
أم راكان : سموا بالله واكلوا لاحقين على النقاش
أبو راكان : جاتنا المديرة ترانا ماحنا طالباتك
راما : ههه والله ماما شخصيتك بطلة بس ليش كذا جاادة تكت ايزي باللهي
أم راما : عن الكلام الزايد و اسكتي مافيه كلام على الطعام
وفي مكآن أأخر
دانه : ميساء بليز ردي علي أشتري هالشنطة والا الوردي ؟؟
بسرعه قبل امي تنادينا واسكر الابتووب
ميساء من عز نومها : هم دانه ياهبلا اسكتي خليني أنام
دانه : ايوا ماهو حضرتك طول الليل سهرانه تكلمين حبيب القلب
ميساء قامت بسرعه : هو وش يدريك ؟؟؟؟
دانه : حبيبتي أنا دانه مافيه شي يتخبى عني
ميساء : لا والله العجوز الساحرة على غفله ههه
دانه عصبت : حدك التزمي حدودك معاي
ميساء : اقول يلا يلا اقلبي وجهك عني أشوف خليني أكمل نوم
دانه تنرفزت : الحين أقول لك اختاري معاي شنطة وتقولين بأكممل نوم !
أمحق أخت والله
وقامت متنرفزه لقت طلال على طريقها .. مرت من جنبه بسرعه وهي زعلانه من أختها
وماكلمته ولا كلمه طلال مد رجله ودانه كانت مسرعه طاحت دانه بقوه على الأرض
وتألمت وقعدت تبكي بقوه ومن القهر تصارخ وا اء اهئ اهئ اهئ
يمه تعالي شوفي عيالك جننوني اهئ اهئ وتصارخ ..
طلال : ههه قومي يا بنت الحلال ماشفتك .. أنتي ماكلمتيني زي دايم قلت البنت فيها شي ومديت رجولي بأنبهك اني موجود الا عشانك مسرعه طحتي >>كذاب
دانه : اسكت عني مالي كلام معاك يالحيوان اهئ اهئئئئئئئئئئئئئئ يمه
ميساء قامت من النوم مفزوعه : بسم الله وش فيه
طلال : أبد ذي مدلعه بس مديت رجلي وعثرت وطاحت !!!
ميساء فتحت عيونها لآخر شي وتطالعه : بس !
طلال ضحك : ايه بس فيها شي !
جاء صوت من وراه
أم طلال : طلال والله ان ماتركت هالحركات وتركت خواتك بحالهن لأوريك الشغل
طلال : ههه يايمه أمزح معها كان هالثور تطيح بقوه مين قال لها تسرع !!
أم طلال تجي عند دانه .. خلص حبيبتي قومي بسم الله عليك قومي والله لاوريك فيه
دانه : اهههئ اهئئئئئئئئئئئئ يمه رجلي تعورني
ام طلال : انحنت وجلست عند بنتها وتمسج رجولها خلاص ياقلب امك شوي وبيروح الألم بس لا تصيحين
ميساء : ياعيني على الرقه والنعومه .. اقول دانوه قومي اشوف عن العيااره
طلال : يمه أنا جوعان الغداء خلص ؟ >> ماهمه شي
دانه تناظر طلال بعصبيه .. : صدق من قال ماتستحي على دمك ووقح و...
طلال عصب : دانوه عن طولة اللسان لا اقص لك لسانك فاهمه ماهو لعبت معك خلاص
وصد عنها ببرود ونزل ..
أم طلال : يلا تعالن الغداء تجهز وتسند دانه على كتفها ونزلو الثلاثة ..........
بمكان ثاني
لجين : فطوم وين العائلة الكريمة ؟
فاطمة بملل : أمي تشيك على الغداء .. وفارس ناايم .. و فيصل يلعب بلايستيشن .. و أسيل تتفرج على فيلم
لجين : أحسن مايناسب مودي حاليا أتفرج مع أسيل على فيلم
فاطمة : اف طفش وش ناويه تسوين اليوم ؟
لجين : شرايك نتعشى مع أبوي بالمطعم اللي مره رحنا له
فاطمة : والله فكرة حلوة بس مو يجي أبوي من الدوام تعبان ؟ ظنك بيوافق ؟؟
لجين : ماعليك هالشي خليه عليه وغمزت لفاطمه
فاطمه : ههه .. طيب يلا انا باكلم صديقاتي اللي بالمعهد وأنزل للغداء
لجين : أووك اراكي فيما بعد
خالد : يمه ماليتي بالله من هالسيرة ؟؟؟؟
أم خالد : ولا راح أمل أبي أشوف عيالك قبل اموت ياوليدي
خالد: ياأمي بسم الله عليك جعل يومي قبل يومك .. لا تقولين هالكلام إن شاء الله بس الين اتوظف ويحلها ربك ..
أم خالد : الله يرزقك الوظيفة الزينة وبنت الحلال اللي تسعدك
سديم: أمين يارب وتفكنا منه
خالد : ههه والله عمري ماشفت وحده ماتستحي على وجهها مثلك ..
سديم : أدري أدري .. وش الجديد يعني
أم خالد : صكي حلقك يامال الوجع صوتك واصل لاخر الحي
سديم : يمه انا صوتي عاد كذا ياربي وش اسوي
خالد : كلي سكر نبات يمدحونه للي حالتهم ميتعصيه مثلك هاهاها
سديم مدت بوزها اف : يعني مستحيل يمر يوم ماتتكلمون علي
خالد : البادي أظلم
الشخصيآت :
(عائلة فهد بن صالح بن جاسم ال ...)
أم جوري : وإسمها عايشة عمرها 37 سنه حنونه حيل وتخاف على جوري مره مره .. ماعندها غير هالبنت ..
جمالها خليجي بحت .. طلقها زوجها لما كان عمر جوري 7 سنوات ..
وسمح لها تاخذ جوري وتربيها ولا فكر ببنته طول هالسنوات .. بس يرسل لجوري مصروفها مع خالها خالد ..
جوري : عمرها 18 سنة .. جسمها متوازن مع طولها بيضاء وشعرها قاصته الأناناسه الى نص ظهرها
ولونه أسود .. وعيونها بني ..جذاابه حيل عيونها وساع وخشمها صغير وفمها صغيروجميله من يوم كانت صغيرة
وفيها غمازه على خدها اليمين ^_*.. تهتم بنفسها وكشختها حيل
بس هالشي يمنعها احيانا بحكم ظروفهم المادية .. يعني ماتلبس ماركات عالمية وكذا لا عادي لبس حلو وشيك أهم
شي عندها .. أمها مانعتها تحط مكياج و هالخرابيط .. والباقي تعرفونه من خلال الروايه ..
( عائلة أبو طلال " عبدالعزيز بن ناصر ال .." وهم جيران أم جوري ويعرفونهم من قبل لا أبو جوري يطلق أمها)
أبو طلال : متوفي
أم طلال : وإسمها نورة عمرها47 .. حنونة حيل على عيالها وطيوبة وقلبها كبير
.. توفى زوجها وحزنت عليه كثير ..وقررت ماتتزوج وتربي عيالها ..جمالها عادي جدا ومحليتها اخلاقها
وطبيتها اللي يشهدون لنا بهالشي اعدائها قبل احبابها
طلال : أكبر عيالها عمره 24 سنه ,, يدرس بالسنة الأخيرة من الجامعة تخصصه تمريض ..
طويل وجسمه رياضي .. بشرته سمراء سمار خليجي بحت .. وعيونه واسعه ونظرته حااده اللي مايعرفه زين يقول
هذا شراني وراعي مشاكل وهو بالعكس حنون مره بس مايوضح .. ..
يعشق كرة القدم ..شخصيته قوية حيل .. لأنه تحمل مسؤوليته أمه وأخواته من يوم كان
صغير .. باارد ومايهمه شي .. بس لا عصب أبعدو عنه ,, وغيور على خواته وأمه
والباقي تعرفونه من الروايه
ميساء : عمرها 21 سنه .. تدرس بمعهد كمبيوتر .. لأنها ماجابت نسبة بالثانوية العامة ,,
ومملكة لولد خالها محمد ..وخطبتهم كانت عن حب من طرف واحد (محمد) .. طيووبه حيل
جمالها نعوم ,, كأنها أسبانيه ماكأنها خليجية أبدا .. شعرها طويل وقاصته مدرج ,, عيونها
صغيرة وخشمها سيف ,, لون عيونها عسلي فاتح .. وجسمها خيال ورومانسيه لأبعد درجة
دانه : أختهم الصغيرة والمدلعه .. عمرها 18 سنة صديقة جوري من يوم كانوا أطفال وقضوا أيام
الابتدائي والمتوسط والثانوي كلها مع بعض ,, وتعتبر جوري اختها الثالثه .. دانه ملامحها طفوليه حيل يعني
جمالها طفولي ..وناعمه ,, بس لا تعربجت ابعدو عنها واتحاديه من الصميم مثل جوري ..
( عائلة أبو راكان .. اللي هو !!!!!!)
!!!!!!!!!!!!!!!!!!
فهد بن صالح بن جاسم ال ...
عرفتوه ؟؟؟
أيوا صح أبو جوري
وعنده من حرمته الثانيه راكان وراما
فهد : أبو راكان وعمره 55 .. غني مره ومو واضحه عليه علامات كبر السن لوسامته و اهتمامه بنفسه
شديد مره ولا يهمه شي .. بس همه فلوسه ومصالحه ..
أم راكان : واسمها حنان مديرة ثانوية .. عمرها 45.. جميلة مرره .. شعرها قصير و ملامحها جذاابه
وتهتم برشاقتها ونفسها .. أهم لا عندها شغلها وعيالها ..
راكان : عمره 23 .. يدرس بالجامعة سنة ثالث قسم تمريض .. وسيم مره
طويل و جسمه متناسق .. يهتم بالرياضه وصحي مره .. شعره كثير وعيونه وساع و فيه غمازه على اليمين
مثل خوااته ..
راما : عمرها 18 سنة .. تدرس بمدرسة أمها .. دلووعة حيل .. وحبيبة الكل أمها وأبوها وأخوها
حساسه مره ,, وآخذه الجمال من أمها .. جميله بالرغم من صغر سنها .. شعرها قصير فكتوريا
وملامحها جذابه خشمها سيف وصغير وفمها صغير وعيونها وساع ورموشها كثيفه .. وفيها غمازه مع اليمين
مثل غمازة جوري !!! ^_*
( عائلة سعود بن سالم ال ... )
صديق أبو راكان الروح بالروح
سعود أبو فارس: عمره 60 سنه .. رجال غني مره وطيوب وقلبه كبير ويهتم بمسؤولياته بعكس أبو راكان
.. ويحب زوجته ويقدرها .. ويعتبر جوري من ضمن بناته .. وجوري ماتدري انه يصير صديق أبوها !!
أم فارس : اسمها فاتن ,, طيبه وعلى نياتها .. أهم شي عندها راحة زوجها وعيالها .. طويله
ونحيفة .. جمالها بسيط بس تهتم بحاالها ,, وبينها وبين أبو فارس حب ^_*
فارس : عمره 27 سنه .. وسيم وسيم وسيم أتعب وأنا أقول وسيم ,, يشتغل بشركة أبوه
معه بكالريوس إدارة أعمال وهو مدير أعمال أبوه .. حنون على خواته حيل وحريص عليهم ,, بس عصبي
واذا عصب لا حد يجي بوجهه ! ..
فاطمة : عمرها 23 .. متخرجه من الجامعه تخصص عربي وداخله معهد حاسب ..فاطمة جمالها طبيعي مره
ماتحب تحط ميك اب الا بالزواجات واساسا ماتحتااج لهالشي .. شعرها بني غاامق - صبغه- وعيونها عسلي غامق
وقصيره وجسمها روعه ..خشمها سيف و فمها مثلث صغنون يدنن .. وحواجبها كثيفه .. والكل يناديها النجلاء
لان عيونها وسآع ..
لجين : عمرها 18 سنه .. تدرس مع جوري و دانه صف 3 ثانوي .. عربجيه حيل بس لا تنعمت أبعدو عنها
وتحب الاكشن ودايما يسير لها مواقف بسبب خبالها تابعونا وتعرفون كل شي ^_*
فيصل : عمره 17 سنه .. 1 ثانوي لانه يرسب وكسلان ودمه بارد فوق ماتتخيلون .. يحب يعاند خواته
ودايم هو ولجين يد وحده .. ينكدوون على أسيل .. وكل البلاوي من تحت راسهم خ ..
أسيل : عمرها 15 سنه .. ثالث متوسط .. دلوعه وحساسه .. ودايما لجين ترفع ضغطها وتنكد عليها
هي وفيصل ,, دمعتها جاهزة ,, بس دلوعة فارس ومايرضى على زعلها ,, ملامحها طفوليه
وناعمه ,, لو احد يدفها تموت من النعومه خ .. والباقي تعرفونه بأحداث الروآية ^_*
( عائلة عبدالوهاب بن خالد ال ... )
الجدة أم خالد : عمرها 80 سنة حنونه وقلبها كبير وعندها العوايد والأصول لازم تنطبق بكل بشي
وهالشي مجنن سديم ,,
وعندها بنتين وولد
البنت الأولى : أم جوري - سبق التعريف بهآ-
خالد : عمره 28 سنة .. متخرج بكالريوس حاسب من الجامعه .. ومثل غيره من الشباب يستنى التعيين .. شخصيته حلوة حيل .. وهو حبيب البنات ع مايقولون يعرف من وين يجيهم ,, متفااهم
مرره ,.. بس اللي بيجننه يقول له تزوج !!! شفتو هالتناقض خخ ..مقهوور على ابو جوري ويفكر بالانتقآم !!!!
جماله روعه ,, بشرته بيضاء وعيونه واسعه ,, لون عيونه عسلي غامق
شعره كثير وأسود ,, طويل بزيادة .. وجسمه خقق..
سديم : عمرها 21 سنة ,, تدرس إدارة أعمال بالجامعة ,,دبدوبه حبتين ,, بس فيها جممال من جمال
أخوها ,, وشعرها قاصته مثل جوري الاناناس ,, وخدودها تهبل .. وعيونها وسآع وعسلي غامق ,,
وفيها شبه كبير من خآلد ..
والباقي تعرفونه بالروآيه ...

• رأيكم مقدمآ بالروآيه ؟
• درجة الحماس عندكم وصل كم من 10 ؟؟
• الكاتبه تقبلتوني وإلا أنا ثقيلة دم ؟؟
• توقعآتكم مبدأيآ ؟؟

وإن شاء الله قريبا أنزل البارت الثآني
( لآتحرموني من روعة ردودكم وتشجيعكم لي )
أختكم / أنجل ..