الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
هاديه بجنوون
11-12-2022 - 05:27 am
  1. ناظرت ريم بسرعه لقيتها منزله راسها وساكته

  2. ردت رنيم بعصبيه : ماراح نروح

  3. سامي : حياكم ياخالتي تفضلوا

  4. دخلت امي وجلست اسولف مع سامي هو راعي سوالف وطيب يدخل القلب بسرعه


السلام عليكم ورحمه الله وبركاته
اولا اتشرف اني انزل موضوع بهذا القسم الي اموت فيه
هذي روايه كتبتها انا واختي وان شاء الله تعجبكم
نبدا بسم الله
بسم الله الرحمن الرحيم
عدنا بعد روايتنا الاولى
مغامرات التوأم (m&l)
الى روايتنا الثانيه
لأنك أغلى من عروقي .... والوريد الي في الدمي
في هذي الروايه كل شخصيه راح تعرفكم على نفسها بنفسها
خلونا نبدا وندخل اول بيت بسم الله
ياعبدالله عبودعطني اياه بسرعه عطني
عبدالله: تحلم
عبود عفيه عندي مشوار مهم عطني المفتاح
عبدالله : مو اهم من اهلك بدر
بدر : اوف
رقيت غرفتي وانا منقهر ابي اروح مع الشباب بس عبود معه مفتاح السياره اوه ماعرفتكم بنفسي اسمي بدر الولد البكر بلافخر احم
عمري 25 متخرج من جامعه هارفرد واشتغل مع الوالد بالشركه
خلوني اعرفكم ع اهلي
ابوي رجال طيب وحنوون بس احيانا يطلع قرارات غريبه مادري كيف طلعت
امي تحبنا كثير بس لما كنا صغار أي غلط نسويه تجيب العصا حتى أنها موسمه في ظهري الى الان
رناد اختي عمرها 23 متزوجه وعندها ولد اسمه مشاري دلوع العائله وطلباته كلها اوامر
بعدها اخوي عبدالعزيز عمره 22 اخر سنه بالجامعه قسم ادارة اعمال
رنيم 18 اخر سنه بالجامعه قسم علمي
اما عبدالله وريم هذولي اخواننا من الرضاعه بس عايشين معنا من كنا صغار اهلهم ماتوا ومالهم احد واخذهم ابوي لانهم اولاد اعز اصدقائه واولاده بالرضاعه بعد
عبدالله بنفس عمر مشاري ونفس القسم بعد
وريم في نفس مدرسه رنيم وتجلس جمبها في الفصل وياويله الي بيفرقهم عن بعض
اوف جلست اقولكم عن عائلتنا ونسيت الطلعه ياربي مالي الا اكلم خالد يجي يمرني
رفعت الجوال وكلمته
خالد: هلا والله بالنسيب
نسيت اقولكم خالد هو زوج رناد وابو مشاري // احلف يعني زوج رناد اكيد بيصير ابو مشاري كمل بس كمل
بدر: هلا فيك اقول
خالد : امر
بدر : تعال مرني نروح للشباب
خالد: وسيارتك وينها
بدر: عبود الدب اخذ المفتاح ومو راضي يرجعه
خالد: خ احسن اجلس عند اهلك خلهم يشوفونك
بدر: خويلد بتجي ولا لا
خالد: خويلد بعد بس يالهل دامك خال الغالي حبيبي بوافق
بدر : ايوا خال الغالي ولا اخو الغاليه
خالد: ههه انا في الطريق سلام
بدر : ههه سلام
في غرفه ثانيه
ريم
عزوز الله يخليك نبي نطلع
عبدالعزيز: يا اختي ياحبيبتي مليون مره اقولك انا مشغول
رنيم تستهبل : عايزين من وقتك ثانيه وانتا مش حاسس بينا دنتا عندنا بالدنيا ووجودك بيهنينا
كملت عن رنيم: سيبك بقى من الانترنت وافتكرنا وخلينا على بالك ثانيه بثانيه دا واجبك
قاطعني عبدالعزيز : خلاص خلاص بس وش هالنشاز
قلت بغرور لاني عارفه صوتي حلو: اصلا انا لو يسمعوني المنشدين اعتزلوا
عبدالعزيز: ياعيني
رنيم : عبدالعزيز الله يخليك طلعنا
عبدالعزيز : روحوا مع بدر ولا عبدالله
رنيم: بدر بيطلع وعبدالله ابوي قاله يروح الشركه يخلص اغراض
عبدالعزيز: انتظروا لين يرجع
مثلت الحزن لاني عارفه نقطة ضعف عبدالعزيز : عبدالعزيز يهونون عليك اخواتك يترجونك طفشانين ماعندهم احد وانت فاضي وما توديهم
عبدالعزيز: خلاص استسلمت 10 دقايق اذا ماشفتكم بالسياره مافي طلعه
بلمح البصر اختفوا خواته وطاروا كل وحده على غرفتها
عبدالعزيز
هه ياحبيلهم خواتي ما اقدر ارفضلهم طلب يالله الله يعيني الحين وين بوديهم
بدلت ملابسي واخذت المفتاح ونزلت شفت امي عند الدرج لابسه عبايتها
حبيت راسها
ياهلا باحلى ام في الدنيا
امي ابتسمت: هلا فيك يمه
ناظرت عبايتها وسألت : طالعه؟؟
امي: أي والله ياولدي ام سامي تعبانه وودي اروح ازورها تعرف بعد زياره المريض واجب وهي جارتنا وماعمرها قصرت علينا بشي
تذكرت سامي رجال من ظهر رجال وامه دايم عندنا حتى اننا احيانا نناديها يمه بس ليه هي مريضه
سالت امي: شفيها يمه
امي : ابد ياولدي ارتفع عندها السكر ووداها سامي المستشفى تعرف بعد هذي الغاليه وماله غيرها بعد وفاة ابوه الله يرحمه
انا: الله يرحمه طيب يمه من بيوديك
امي : راجو عند الباب
انا: افا يمه راجوا وانا موجود
امي: اله يخليك لي ياولدي شفتك مشغول مابغيت ازعجك
في هذي اللحظه نزلوا اخواتي وهم يضحكون بس سكتوا لما شافوا امي لابسه عبايتها وناظروني وكانهم يستفسرون وين بتروح
طنشتهم وقلت لامي : كان عطيتي من بناتك شوي من الذوق يمه ازعجوني فوق لين غصبوني اوديهم
قالت رنيم بدلع: عزوز انت اخوي اذا ماتحملتنا مين يتحملنا
امي :ههه ماعليك ياولدي منهم توهم صغار
ريم: يمه الله يهديك وش صغار بعد احنا بنخلص الثانوي الحين وبنروح الجامعه وانتي تقولين صغار
امي : ايه الله يعين لفت علي ها يمه توديني
انا: اكيد يمه يالله مشينا
ركبنا السياره والبنات فتشوا لان السياره كلها مظلله يعني ماحد يشوف من برا
قال امي فجأة : عمكم ابو فهد عازمنا بكره ع العشا

ناظرت ريم بسرعه لقيتها منزله راسها وساكته

ردت رنيم بعصبيه : ماراح نروح

امي : لا بتروحون وناظرت ريم وكملت بحنان يمه ريم لاتحسبين اني مو عارفه عن مضايقات هيفاء لك و كلامها ع الطالعه والنازله بس يمه الهروب عمره ماكان الحل المناسب خذي النصيحه من وحده جربت الدنيا وعاشت مع اصناف من الناس البسي واكشخي وروحي وطنشي كلامها لاتهمك صدقيني كذا بتقهرينها اكثر بس اذا مارحتي راح تتشمت فيك وماراح تعديها
عجبني كلام امي ردت ريم بصوت الشخص الي اقتنع : ان شاء الله يمه الي تامرين فيه بيصير
قالت رنيم باستهبال : يمه ليه ريم بس الي تعطينها نصايح حتى انا يمه بنتك
ردت امي : قولي لا اله الا الله وعن الغيره
شهقت رنيم : انا اغار ومن اختي يمه الظاهر السكر ارتفع عندك
عصبت وصرخت : رنيم
ضحكت امي : ههه ايه بسم الله وش دراك انه مرتفع
ضحكت رنيم وقالت بالمصري : مانا بنتك ياماما
وصلنا المستشفى نزلت امي وهي تقول : لي كلام معك لارجعت وكملت بالمصري يابتي يا حبيبتي
ضحكنا كلنا على امي ونزلنا معها نسلم على ام سامي بعد عيب وصلنا المستشفى ونرجع واحنا ما سلمنا
سالت عنها في وقالولي في الدور الثالث غرفه 111
ضحكت ريم وقالت : ماشاء الله رقم غرفتها مميز
ركبنا المصعد للدور الثالث وكان معنا ممرضه تطالعني مصدومه كنت عارف السبب // سعودي واشقر وجميل انا ما اقوله غرور بس كل الي يشوفوني يقولون كذا وهذا الي مسبب لي مشاكل راح تعرفونها
ضحكت في نفسي وقلت اجل لو شافت عبود وشافت عيونه الرماديه شبتسوي
وصلنا الدور الثالث شفت سامي في الممر رحت له
الحمدالله على سلامة الوالده يا سامي
سامي: الله يسلمك ليه تعبتوا نفسكم وجيتوا
انا : ولو ياسامي هذي بمقام الوالده وزيارتها واجب علينا
سامي: طول عمركم راعيين واجب ما تقصرون
جت امي : الحمدالله على سلامة الوالده يمه
سامي: الله يسلمك ياخالتي ماتقصرين
امي : عندها احد ؟
سامي : في حرمه دخلت تو
قالت امي : اجل نستأذن ياولدي بندخل نسلم عليها

سامي : حياكم ياخالتي تفضلوا

دخلت امي وجلست اسولف مع سامي هو راعي سوالف وطيب يدخل القلب بسرعه

بعد نص ساعه طلعت امي وخواتي استأذنت من سامي ونزلنا واحنا بنطلع كان فيه بنتين يراقبوني من كنت اتكلم مع سامي الى الان انا انتبهت لهم بس طنشتهم وكاني ماشفتهم ومن زود الوقاحه ركبوا معنا في المصعد قالت رنيم : ابي اروح المطعم ودني الله يخليك
انا مضايقني وجود البنتين وحبيت اختصر قلت : ان شاء الله على خير
شهقت وحده من البنتين : سعودي!!!
ناظرتها ريم باستحقار ومسكت يدي بتملك وقاالت : خير قلتي شي
انفتح باب المصعد وقالت وحده من البنتين : حساافه شكله متزوج
الثانيه : أي وشكل زوجته تحبه ماشفتي يوم مسكت يده
الاولى : ياحظها فيه والله
اما انا كتمت ضحكه قويه جواي لما ركبت السياره ناظرت رين بامتنان : مشكوره ريمي نردها في الافراح ان شاء الله ههه
ريم غمزت : احنا في الخدمه ولو
ثواني وكل السياره انفجرت ضحك ولما سكتنا قالت رنيم: بتودينا مطعم؟؟
ردت امي عليها: انا طابخه العشا وشوله مطاعم
زعلت رنيم وقالت : احنا طلعنا عشان المطعم
قلت لها: خلاص رنوم المره الجايه ان شاء الله نروح مع رناد المطعم الي تبينه
فرحت رنيم وصرخت: جد!!!!!
قلت استهبل : لا عم
ريم : هاهاها بايخه
طنشت ريم ونزلنا لقينا عبود عند التلفزيون صرخ اول ما شافنا
: اوه العائله الكريمه رجعت وين رحتوا
ردت ريم : رحنا نسلم على ام سامي ورجعنا
عبدالله ناظر اخته وقال : بتروحين بكره
ريم بقوة : أي بروح
عبدالله : براحتك متى ما تبين تطلعين اتصلي علي
ريم : بطلع مع اهلي
عبدالله : كفو هذي اختي القويه
ريم: اقو لانا في غرفتي اذا جا العشا نادوني
انتهى الجزء الاول
يا ترى شراح يصير في بيت العم ابو فهد بكره؟؟
عجبتكم فكره ان الشخصيه تتكلم عن نفسها ولا نرجعها الطريقه العاديه؟؟


التعليقات (9)
ريتال برستيج
ريتال برستيج
ماشاء الله
لاحول ولاقوة الا بالله

تفــ نيوتن ــاحة
تفــ نيوتن ــاحة
رواية رائعة جدا مشكورة أختي

رغد*-*
رغد*-*
^^
مشكورةة عزيزتِِِي ع الطرح
متآبعه جميلهه للجميع
,’~

هاديه بجنوون
هاديه بجنوون
اشكركم على ردودكم المشجعه وراح انزل بارتين لعيونكم الحلوه ^^

هاديه بجنوون
هاديه بجنوون
البارت الثاني
الصباح
رنيم
صحيت وانا احس بشي على وجهي فتحت عيوني لقيت ميشو حبيبي معاه منديل ويمسح على وجهي ما انتبه اني صحيت قلت انبهه : ميشو ليه تمسح وجهي فيه شي
قام ميشو بسرعه وقف خايف بعدين جلس يضحك وجا في حضني ضميته بقوة وقلت بصوت عالي : تلوومووني اذا قلت احبه احبه ياناس احبه
صحت ريم الي نايمه في غرفتي وشكلها فيها النوم حتى عيونها مافتحتها قالت بصوت نايم : مين هذا الي داعيه له امه الي تحبينه
قلت وانا اتنهد : اه لو تشوفينه يا ريوم يجنن يجن شوفي شعره الاسود كانه الليل ولا عيونه اه من عيونه هذي حكايه ثانيه وسااع وسوداء واو لو تشوفينه ياريم تخقين على طول
طبعا انا من بديت اوصف والانسه ريم طار عنها النوم وجالسه تسمع بتركيز ههه
قالت : الله الله الله مين هذا الي بكل هالجمال شسمه
قلت وانا اكمل تمثيل وانا ناويه اهبلها جد : اه اسمه يجنن مثل صاحبه فيه كذا شي مميز خلاني احبه
قالت ريم : اييه طيب درينا انك تحبينه بس مين هو
سكت شوي وانا يالله اكتم ضحكتي بعدين قلت بحزم : مالك دخل
سكتت ريم شوي وفجاه ملامحها كانها انصدمت من شي بعدين ابتسمت وقالت : طيب
وانسدحت مره ثانيه تبغى تنوم
حسيت وجهها فيه شي غريب سالتها : ريموو شفيك
قالت : مافي شي خليني ابغى انام
قلت وانا ابغاها تقوم : طيب ماتبين تعرفين مين حبيبي
قالت بصوت ناعس: عارفه حبيبك وعلى طاريه شوفيه وش قاعد يسوي عند التسريحه
لفيت لقيت السيد ميشو مطلع علبه المكياج وجالس يرسم على نفسه ومبسووط
صرخت من قلب : ميشو
ريم : ههه ههه ههه
ميشو فز بسرعه وراح يركض وهو يصيح
رحت اجمع المكياج الي اغلبه خرب وانا اقول : الله يهديك يا ميشو البله يصلحك مالقيت الا المكياج الجديد حرام عليك
تذكرت شي ركضت ع السرير وقلت : هي ريم وش دراك ان حبيبي ميشو
رجعت ريم وجلست وقالت : سؤال يا عبقريه الحين بدر وعزوز وعبادي وابوي وش لون عيونهم
قلت وانا اتذكر عيونهم ومو فاهمه شي : ابوي و بدر بني عزوز عسلي فاتح عبود رمادي
قالت : يعني في هالبيت مافيه احد عيونه سودا غير ميشو ياذكيه
ضربت راسي وقلت : ايه نسيت المره الثانيه لما اوصف ماراح اقول لون العين
ضحكت ريم ورجعت بتنام
بعدت الفراش وانا اقول : هيي ريم بسك نوم خلاص قومي
تاففت ريم وراحت الحمام _الله يكرمكم _
لفيت ع التسريحه وتذكرت مصايب ولد اختي العزيز
نزلت تحت بسرعه اركض وما اشوف احد قدامي واصارخ : رناد رنود رناد يا بنت وينك
فجاه لما وصلت اخر درجه حسيت اني صقعت في جدار وخشمي انكسر صرخت بقوة وبرد فعل تلقائي نطيت بسرعه ع الدرج وانا ارجع انتبهت اني صدمت في خشبه كبيره رميتها ع الارض وانا اقول : مين الغبي الي جايب هالخشبه الغبيه معه
جتني آني الشغاله تناظرني وكاني مجنونه او فيني شي
طنشتها ورحت ادور رناد
دورتها بكل مكان مالقيتها طلعت في الحوش ومالها اثر
نزلت الدور الارضي عند مواقف السيارات لقيت سيارات اخواني وابوي وسياره جديده لما ركزت فيها تذكرت انها سيارة زوج رناد رقيت فوق بسرعه ورحت لغرفه امي بسالها عن رناد لقيتها جالسه مع رناد وميشو
سلمت على امي وناظرت رناد بنص عين
قالت رناد : خير مس رنيم شعندك
قلت وانا احس نفسي بانفجر : قولي وش ما عندك ولدك يا اختي الكريمه لعب بالمكياج الجديد في غرفتي وحااسه كله وش اسوي ها
ضحكت رناد وقالت : وانا اقول مين الي رسم هالابداعات والله صار ولدي مبدع وانا مادري
قهرني برودها قهههرني قلت بصراخ : مبدع على حسااب اغراضي اذا ولدك مبدع ليه ماتعطينه مكياجك انتي ليه بس انا
ناظرتني رناد : رنيم شفيك ليه الصراخ تراها علبة مكياج ماتستاهل واذا على كذا انا الحين اروح واشتريلك بدال المكياج ثلاثه
هديت شوي وفكرت انه مافي شي يستاهل اني اعصب حبيت راس امي وقلت : اسفه يمه انا مادري كيف رفعت صوتي بوجودك اصلا كنت متوتره ومادري
قال امي : رنيم يمه وش فيك
قلت بصدق لاني متعوده ما اخبي عن امي شي : متوتره من الروحه اليوم خايفه على ريم يمه هيفاء تمادت ولازم توقفونها عند حدها
رناد قالت : وريم تقدر توقفها عند حدها انا الي مستغربه منه الى الان عبدالله ما سوى شي لهذي هيفاء
قلت : لان ريم ماتبغى تفرق العائله
قالت رناد باستغراب : تفرق
قلت : سألتها مره قالت انها تخاف توقفها عند حدها وهيفاء تروح تكلم عمي وتصير مشاكل انا السبب فيها ومو معقوله بعد كل الي سويتوه لي انا واخوي اجازيكم باني افرقكم عن بعض
قامت رناد معصبه : لا انا اشهد ان هالبنت عقلها مو في راسها وش تفريق وما تفريق هي منا وفينا الى متى تقعد حاطه هالحساسيات في راسها
قالت امي : ماتنلام دام ان هيفاء عندها بس اسمعي يارنيم
قلت : لبيه يمه
قالت : لين رحنا بيت عمك لاتخلين ريم دقيقه وحده حتى لو بتروح تشرب مويه روحي معها لو بتروح الحمام اقعدي عند الباب لا تخلينها لحالها ابدا
قلت : صار يمه ان شاء الله
ضحكت رناد بصوت عالي : ههه والله حس حسيت اننا ههه نخطط للحرب ههه ههه
ضحكنا معها وحاولنا نغير جو وننسى طلعة اليوم
المغرب
عبدالله
يا بنات يلا يا بنات
نزلت رناد : شفيك تصارخ
قلت : اني كل دقيقه لا كل ثانيه تتصل وين خواتك وفهد كل ثانيتين يتصل وينك وابوي كل ثلاث ثواني يتصل وينكم يلا تاخرنا
قالت رناد : خلاص عبدالله هد نفسك قربت مني وقالت بهمس: كلنا متوترين بس نهدي نفسنا تمالك نفسك عبدالله حاول تسيطر على اعصابك
خذت نفس وانا احاول اهدي نفسيي هذي الهيفاء ماحد يرفع ضغطي مثلها
نزلت ريم اخيرا انا بدون ما احس صفرت على شكلها كان روعه
قالت ريم : عبود حلو لبسي
تاملت فستانها كان لونه غريب مو احمر ولا فوشي عاد انا ما اعرف الوان البنات كان قماشه قريب للمخمل ناعم وهادي مره فيه حركات ولف ومادري ايش لابسه معه جاكيت قصير ابيض وصندل ابيض لابسه ساعه بيضاء وفاكه شعرها وماسكته من جنب با كسسوار نفس لون الفستان
قالت ريم مره ثانيه : عبود حلو ولا اغيره
قلت : ريم اول مره اعرف ان عندي اخت جميله
رناد: قل اعوذ برب الفلق قل ماشاء الله
قلت : ماشاء الله تبارك الله ريم تجننين
ريم استانست : عبود انت احسن اخ بالعالم دايم ترفع معنوياتي
قالت رناد : ريموو قريتي الاذكار
قالت ريم : ايه قرت علينا ماما قبل ما تروح
رناد: اسمها يمه
ريم بعناد: ماما
رناد: يمه
ريم : ماما
صرخت فيهم : بس بس خلاص رنيم تعالليي
ريم : اقول ماما مع مين رايحه
رناد : يممه
قلت بملل من هواشهم : راحت مع ابوي وبدر وعبدالعزيز راحوا وما بقى الا انا اوديكم يا خواتي المصونات
جا ميشو يركض عندي وهو يقول : حاالو حالو في هناك دارور
قلت : الحين حالو فهمناها خالو بس وش يعني دارور
ميشو عصب لاني مافهت كلامه : هناك داروور دارور ريم تدول ا
يوم فهمت مت ضحك علييه وريم عصبت : ميشو الحين انا اصارخ
ميشو ببراءه : أي اذا سفتي الدارور
ضحكت رناد وقالت لريم : يقصد الصارور انتي تصارخين اذا شفتيه
رناد قالت صارور من هنا وريم طارت من هناك ما شفناها الا فوق وهي تقول : ميشوو وينه
ميشو : هنااك عند الحيل
قلت له : ميشو امووت بس تنطق حرف الخاء اسمه خيل مو حيل
ميشو : انا كيفي اثميه حيل انت مالك دحل
قلت : خلاص استسلمت ... يارنيم
نزلت رنيم مستعجله : خلاص جيت جيت
قلت : لاا كان جلستي زياده ماتاخرنا ابدا
رنيم : مو مني الاستشوار كل دقيقه يطفى شتبغاني اسوي
قلت : يلاا بس انا وميشو بنطلع السياره ويا لاتتاخرون وقبل ما اطلع لفيت على رنيم : وعلى فكره لبسك مره شيي
رنيم بان عليها استحت : احم غرثيس ماي براة // شكرا اخي / طبعا هي ماخذه من كل لغه اسباني وانجليزي وبوسني
قالت رناد : عارفين انك تعرفين لغات بس يلا مشينا
رحنا انا وميشو للباركنج تحت ركبت سيارتي بس ميشو رفض يبغاالبورش فهمته ان المفتاح مع بدر بس مارضى وضل يبكي لين اقنعته اني بوديه البقاله والملاهي بكره وسكت
رحنا لبيت عمي وفي الطريق كنا نحاول نضحك ونسولف عشان ننسى مصدر التوتر الدائم (هيفاء) يا اني ابغى اذبح هذي البنت وقحه لاخر درجه استغفر الله العظيم
وصلنا نزلوا البنات وانا سميت ودخلت عند الرجال
ريم
دخلت وانا اهدي نفسي استقبلتنا ام فهد هذي انسانه طيبه مرره وبسبب طيبتها الزايده ماصار لها شخصيه عند عيالها فهد وهيفاء
ماعرفتكم عليهم
فهد ما اعرفه بس يقولون انه اكبر من عبادي وعزوز بسنه يعني عمره تقريبا 23 ماعرف عنه كثير احسه انسان غامض مادري ليه
هيفاء بعمرنا انا ورنوم دائما تذب علي كلام وتلميحات والكل صار يدري بافعالها ويقول انها غيره لاني اجمل منها بشهادة الجميع تاملت شعري الاشقر الطويل وعيوني الي لونها رمادي على سماوي على بحري لون غريب ماما تقول ان جدتي من امي اجنبيه عشان كذا انا وعبود ملامحنا اجنبيه
تطمنت على شكلي وسميت بالله ودخلت لقيت نجد ومجد بنات عمي ابو ابراهيم وامهم سلمت عليهم وجلست جنب نجد
قلت : كيفك نجد
نجد ردت وهي تضحك : الحمدالله
قلت بابتسامه : شفيك؟؟
قالت : الحريم حمدالله اذا جو يسلمون كيفك واخبارك وكل شي واذا جلسوا سالوا مره ثانيه واذا ماعندهم سوالف بعد سألوا وفي كل مره نفس الجواب
ضحكت عليها هذي البنت مرجوجه لاخر درجه بايعتها بقووة تقول كل شي عادي واختها نفس الشي يعني الله يعين اذا اجتمعوا
قلت : طيب خلاص ماراح اسال اقول الحين انتي الاكبر ولا مجد
قالت : انا اكبر من مجد بسنه انا ثاني ثانوي وهي اولى بعدين ناظرتني بنص عين وكملت ماشاء الله عليك ريومه يضرب فيك المثل بصلة الرحم والدليل انك ماتعرفين مين اكبر انا ولا مجد
ضحكت مره ثانيه : موذنبي اساميكم متشابهه وش نسوي
قالت : خلاص هالمره سماح بس المره الجايه ياوليك تنسين
قلت باستهبال : حاضر عمتي على امرك
هدا المجلس فجاة وسمعت اكثر صوت اكرهه في حياتي
.... : كيفك ريم
جاوبت بهدوء وحاولت اكون لبقه قد ما اقدر : الحمدالله بخير كيفك انتي
قالت هيفاء بدلع : نشكر الله
مارديت قالت مجد الي كانت جنب اختها : يا اني اكره هذي الانسانه اصلا لو ما امي غصبتنا ولا ماجيت
اما نجد جلست تستهبل وقالت بهمس : كيف الحال نشكر الله عال العال نشكر الله
وكملت اختها : يا اطفال نشكر الله على كل حال بنشكر الله
قالت هيفاء بنفس الدلع : ريم اخبار اخوانك ما خطبتولهم
ناظرتها وانا احس اني بانفجر وش تبي باخواني بعد رديت : الله يكتب مافيه الخير
كملت هي : ايه بس يعني غريبه بدر ماتزوج واخوانك بيخلصون الجامعه وما خطبتولهم
ردت رنيم : ربي ماكتب لهم
قالت هيفاء : ايه بس يعني لان عمي عنده كل هالخير ما اتوقع وحده ترفض اخوانك
كل المجلس سكت من وقاحتها
قال رناد : بمعنى ثاني انتي تقولين ان اخواني ماعندهم شي يأهلهم للزواج غير فلوس (وشددت ع الكلمه ) ابوي
قالت هيفاء : لا مااقصد اخوانك والنعم فيهم
قالت امي : يمه ريم روحي شوفي اخوك عند المطبخ شوفي وش يبي
قمت : ان شاء الله يمه
رحت اشوف عبدالعزيز الي عطاني ميشو وقال اعطيه امه تغير له ملابسه كلها مويه
اخذت ميشو وانا برجع سمعت نفس الصوت الي اكرهه : كيفك ولد عمي
ناظرها عبدالعزيز باستحقار وبصراحه معه حق لابسه تنوره لحد ركبتها وبلوزه كمها قصير واقرب للكت
نزل عيونه بسرعه وقال : استري نفسك يا بنت العم بعدين سلمي
قالت هيفاء بدلع : يووه شفيك عادي انت ولد عمي ليه التعقيد
طنشها عبدالعزيز بعد مارمى عليها نظرت استحقار قوويه خلت كل جسمها يرجف طنشتها انا بعد واخذت ميشو عشان اعطيه امه
هيفاء
اخخ قهرني المشكله انه مملوح اه يخقق عيونه ولا شقاره ولا غميزته الي تبان لما يضحك بس تفكيره معقد انا لك يا عبدالعزيز ان ما وريتك شغلك وخليتك تمووت فيني ما اكون هيفاء ههه
انتهى البارت الثاني
الاسئله اعتبروها وااجب / وحده تبي تذكركم بالمدرسه غصب خ
وش يدور في راس هيفاء يا ترى؟؟
وليه بدر ما تزوج الى الان؟؟
تراها سؤالين يعني سهله يا ويلها الي ما تجاوب / مسويه قويه خ

هاديه بجنوون
هاديه بجنوون
البارت الثالث
بدر
في المجلس كان الجو ضحك واستهبال لين راح ابوي الحمام _الله يكرمكم _ وقال عمي : بدر يبه
قلت : امر
قال : كم عمرك
استغربت سؤاله قلت: ليه
كرر سؤاله مره ثانيه : كم عمرك
قلت: 25
قال : خالد يبه // نسيت اقولكم ان خالد جا عشان ياخذ رناد بس عمي اصر عليه انه يتعشى معنى وجلس
قال خالد: سم
قال عمي : كم عمرك
قال خالد: 25
قال عمي : بدر انت وخالد بنفس العمر
قلت وانا احس اني فهمت عمي شبغى: ايه
قال عمي :بس الفرق ان خالد متزوج وعنده ولد
قلت: والمطلوب يا عمي
قال : تزوج
تزوج .... تزوج .... تزوج....كلمته فتحت جروح اصلا ما تسكرت حسيت اني انتفض اتزوج مستحيل
وقفت بسرعه وانا احس بنار تشتعل في جسمي قلت بصوت عالي : مستحيل
الكل وقف قال عمي : ليه مستحيل الحياه ماشيه وانا عمك لازم تتزوج
كررها مره ثانيه تتزوج .... تتزوج ..... تتزوج اخذت مفتاحي الي على الطاوله وطلعت بسرعه لما طلعت الشارع ابي افتح سيارتي ماتنفتح انتبهت ان المفتاح الي في يدي مفتاح عبدالله سمعت صوته : مفتاحك معي
ناظرت عبدالله وانا احس الغضب يعمي عيوني : عبدالله مالي خلقك تفهم وكملت بصراخ عطني المفتاح
قال عبدالله ببرود وكاني ماقلت شي : كنت عارف انك بتطلع اصلا كنت عارف الي بيقوله عمي اول ما سأل عن عمرك و توقعت ردة فعلك عشان كذا بدلت المفتاحين اخذت مفتاحك وعطيتك مفتاحي
قلت وانا اغلي : عبود عطني المفتاح
فتح عبدالله سيارتي وركب مكان السائق فتح الباب الي جنبه وقال : اركب
عرفت اني ما اقدر اقنعه عبدالله عنيد ركبت وقال عبدالله : اربط حزامك
ربطته وحرك عبدالله
الجو كان هادي في السياره مشينا ومشينا كنت مغمض عيوني ومادري عبدالله وين يروح بس كان واضح انه قاصد مكان محدد وقفت السياره فتحت عيني كنا واقفين عند حديقه قال عبدالله : انزل
نزلت وانا مو مستوعب المكان بس لما ركزت تذكرتها (( حديقة الطفوله )) الحديقه الي كنا نلعب فيها لما كنا صغار قبل ماننقل لبيتنا الجديد والي ساكنين فيه حاليا وقفت اتأمل لكن عبدالله ماخلاني مسك يدي واخذني معه بدا قلبي يدق وكل شوي يسرع الدق لين وقف عبدالله هذا هو هذا هو الكان نفسه ماتغير هنا بالتحديد كنا نلعب كانت الحديقه كبيره وكنا نقول لما احد يضيع يجي لهذا المكان وبعديت حفظنا الحديقه وصار هذا المكان المفضل بالنسبه لنا وقفت ووقف عبدالله يتأمل شجره قلت وانا مو فاهم ليه جابني لهذي الحديقه بالذات : عبدال
قاطعني : في هذا المكان قبل 12 سنه لما كنت بعمر 10 سنوات طحت من الشجره والتوت رجلي اذكر اني بكيت وقلت ما ابغى ارقى الشجره مره ثانيه لكنك اصريت علي اني ارقى مستحيل انسى كلامك ذاك اليوم (( لو كل الناس ضلوا على موقفهم بعد اول فشل كان الحين ماعندنا كهرب ولا تلفزيون ولا تلفون ولا مسجل الفشل مو عيب لكن العيب انا نستمر من الفشل ويعني اذا طحت من شجره جرب شجره ثانيه واذا طحت من الثانيه جرب الثالثه مو مشكله اهم شي ماتقعد جبان لازم تتغلب على مخاوفك ياعبدالله لازم ))
تذكرت هذاك اليوم وكانه امس عبدالله حافظ الكلام الي قلته بدون ماينقص أي حرف قطع عبدالله افكاري وكمل وهو يلتفت لي : والحين دوري اقولك هالكلام لازم تعيش حياتك يابدر مو عشان تجربه وحده من انسانه ماتخاف ربي ((انتفضت عند هالنقطه كنت ابي اقول عبدالله بس وقف لاتكمل لكن لساني انشل وما قدرت اقول شي وكمل عبدالله ))تقول خلاص مابي اتزوج انت ما تشوف امي وابوي ماتشوف عيونهم كل ما شافوك يمربعيونهم حزن يحاولون قد ما يقدرون يخفونه بدر الحياه ماوقفت ان
قاطعته بصراخ : بس بس يكفي خلاص طحت ع الارض
مسكني عبدالله بسرعه قال : بدر بدر تسمعني
كملت بنفس الصراخ وانا ابعد عنه : انت ماتعرف شي انت ما تحس بعذابي كنت اتعذب اموت في اليوم مليون مره تفهم شيعني اموت انت ماتحس اصلا ماعندك شي تتعذب عليه كل شي متوفر لك اما انا خسرت سنتين من عمري بسبب وحده ماتخاف الله وتبغاني اعيدها انا مو مستعد اخسر عمري اكثر تفهم اذا انت عنذك استعداد اخسر كيفك اما انا لا تفهم لا
فاجأني برود عبدالله الي قال ببرود الكون كله : خلصت
انقهرت منه وبدون احساس ضربته كف
ماسوى شي بنفس البرود قال : خلصت
زاد قهري صرت اضرب فيه اطلع حرتي كلها فيه وهو ساكت يستقبل الضرب بهدووء يقهرني ويخليني ازيد ضربت وضربت وضربت وهو سااكت لحد ماحسيت اني اشفيت غليلي جلست ع الارض وانا مو مستوعب شي احس الدنيا مظلمه في عيني حتى ححتى ماكنت عارف انا اضرب مين صدقوني كل شي اسود في عيني اضرب وانا مو مستوعب كان فيداخلي حرره وكان هو الي قدامي جلست وانا احس اني ضايع مو عارف شصار مو عارف ايش اسوي
سمعت نبرته الحزينه لما قال : غلطان يا بدر _رفعت راسي بسرعه _ ناظرني بقوه وقال ايه غلطان تقول كل شي متوفر لي عندك اشياء انا ما امتلكها وما قدر احلم فيها اصلا نزل راسه للارض وقال بحزن عميق خسرتها لما كان عمري 4 سنوات خسرت حنانها وعطفها لما كنت اسألهم ماما وين كانوا يبكون ويقولون ماما عند ربي في السماء واذا قلت متى ترجع يبكون زياده ومايردون كنت اشوف حريم كثير يجون بيتنا واذا شا فوني بكوا وهم يقولون الله يرحمك يا ساره الله يرحمك ماكنت افهم شي كنت اركض بسرعه عند بابا واقوله يوديني لاختي في المستشفى وبابا يقول بعدين واطلع واروح لعبدالعزيز العب معه قالي عبدالعزيز ذاك اليوم : عبادي تدري وش سمعت قلت له : ايش قال : سمعت ماما تبكي وتقول الله يرحمك يا ساره كانت حاسه حتى الدكتوره تقول في خطر على حملها بس هي رفضت قالت اموت انا ويعيش الي في بطني وماتت بعد الولاده الله يرحمك الله يرحمك سألت عبدالعزيز : يعني وشو ماتت بعد الولاده ووشو الي في بطنها قال : مادري انا سمعت ماما تقول كذا _تغير صوت عبدالله وصار كانه يبكي _ لما سالت بابا بكى بس ضمني وقال شتبغى نسمي اختك قلت رنيم زي اخت عزوز قال بابا شرايك بريم يشبه رنيم قلت طيب وسميناها ريم وبعد شهر رحت مع بابا للملاهي واحنا راجعين وصلت البيت قبل بابا لانه وقف في الطريق يربط جزمته وو صار كل شي قدامي طار بابا في الهواء وطاح على الارض وكله دم خفت كنت طفل صغير عمره 4 سنوات كنت صغير ركضت لبابا وانا اصارخ تجمعوا الناس كنت احرك بابا كأني مجنون اناديه واصارخ يمكن يسمعني قلت له بابا بابا بس مارد علي فتح عيونه شوي وقال بصعوبه عبدالله ريم امانه في رقبتك لا تخليها حافظ عليها وصيتي لك ياعبدالله الصلاه وطاعه ربك وانتبه لاختك و تشهد وغمض عينه صرخت بكل قوتي بابا ا بس مارد _بكى عبدالله وصار يبكي بقووة كنت ابيه يوقف لكنه كمل بصراخ _ وتقول ماخسرت شي انا خسرت ثنين كانوا اغلى علي من حيااتي خسرتهم والفارق بينهم شهر خسرتهم وانا طفل عمري 4 سنوات خسرتهم وخلوا لي مسؤليه طفله عمرها شهر كل هذا وتقول ماخسرت شي ماخسرت شي بكى عبدالله ونزلت دموعي معه ماتوقعت ابدا ان هذا كله في نفسه عبدالله الي دايم يستهبل كل هذا في نفسه ماتوقعت ابدا حسيت ان خسارته اعظم مني بكثيير اصلا خسارتي ولاشي قدامه خسرت سنتين من عمري اما هو خسر ثنين اغلى من حياته والفارق بين وفاتهم شهر واحد هدا عبدالله وسكت كانت الحديقه فاضيه مافيها احد انتبهت لجروحه كان في دائره بنفسجيه على خده ودم نشف من شفايفه ودائره حمراء على يده قربت عند خده ولمست الضربه كشر عبدالله حسيت بندمم فضيع قلت : اسف
ابتسم وقال : ماصار شي لاتشيل هم ورجع لطبعه الاستهبالي بس ها ابي تعويض
قلت وانا ابتسم هذا عبدالله مهما صار يرجع عبدالله الاستهبالي : اطلب الي تبي
فز عبدالله وقال : الي ابي
قلت وانا فيني فضول ابي اعرف طلبه : الي تبي مره
قال : وعد
قلت : وعد
قال : تزوج
ماندمت على شي كثر ماندمت على هالوعد قلت : ان شاء الله يصير خير
قال : لا انت وعدت يعني بتتزوج
قلت: طيب خلاص بفكر في الموضوع بجديه والله يكتب مافيه الخير
باسني عبدالله على خدي وضمني وقال : الله يوفقك ..... يا أخوي
الله عجبتني كلمة اخوي حسيت بمعنى الاخوه الحقيقيه فيها حسيت بمعنى كلمه اخوي الاخوه مو بس كلمه الاخوه فعل بعد
قلت له : تصدق اليوم احسن يوم في حياتي بعدته عني وناظرت وجهه وكملت او تقريبا احسن يوم
ضحك عبدالله لانه فهم قصدي مسكته ورجعنا لسياره واحنا ساكتين وكل واحد يفكر في شي لما وصلنا السياره ركبت مكان السائق وقلت : الحين دوري اسوق
ركب عبدالله جنبي وهو يضحك مشيت وانا قاصد اروح المستشفى عشان عبدالله
في نص الطريق قال لي : تصدق انا صحيح خسرت لكني كسبت اكثر –ناظرته وكمل – كسبت ام واب ثانيين كسبت اخوان لو الف العالم كله ما القى مثلهم
قلت ابي اغير الجو : طبعا ما راح تلقى مثلهم انا مال شبيه احم
رمى علي المنديل وقال : لاتصدق نفسك
وخرت المنديل وقلت وانا احذره : عبيد تراني اسوق ذا صار حادث لاسمح الله انت بتشتري لي سياره
ضحك عبدالله وماعلق وصلنا المستشفى وعالج الدكتور عبدالله كان يبغى يكلم الشرطه لكن عبدالله رفض وعصب لين اقنع الدكتور طلعنا من المستشفى وقال عبدالله انه جوعان وقفنا عند مطعم تعشينا واحنا في الطريق للبيت ضرب عبدالله راسه وقال : نسيت
انا خفت من صرخته وقفت السياره : وش نسيت
طلع عبدالله جواله وقال : انت غبي ما سالت نفسك ليه اهلي ما اتصلوا يشوفون وين احنا
قلت وانا توني اتذكر : أي والله غريبه
قال عبدالله : يالفالح انا مقفل جوالك قبل لا نطبع بدون ماتحس وانا جوالي مافيه شحن الحين
طلعت جوالي ولقيته مقفل فتحته لقيت 22 مكالمه انصدمت او بالاصح صعقت دقيت على امي الي ردت من اول رنه
سمعت الخوف بصوتها وهي تقول : الو بدر يمه وينك وين رحت
قلت ابي اهديها :اسف يمه انا بخير وعبدالله معي كلنا بخير وبنروح البيت الحين
قالت امي : طيب ليه ماتردون على جوالاتكم دامكم بخير
قلت : يمه والله اسف بس جوال عبود مافيه شحن وجوالي كنت ناسيه وكان مقفل اسف يمه حقك علي
قالت امي : دامكم بخير الحمدالله انتبهوا لنفسكم وتغطوا زين وانتوا نايمين
ضحكت على امي قلت لها : يمه الله يهديك احنا مو اطفال
ضحكت امي وقالت : قلب الام ياولدي وبجديه كملت لازم تجي تعتذر من عمك طلعت من بيته معصب ورفعت صوتك بوجوده
اخذت نفس : ان شاء الله يمه بكره بروح له الحين ابي انام
قالت امي : زين يالله انتبهوا على نفسكم مع السلامه
قلت : مع السلامه
طنشت عيون عبدالله الفضوليه ووصلنا البيت رقيت غرفتي واول مالمست السرير رحت في ساابع نومه
انتهى البارت الثالث
اسفين ع البارت القصير والحزين نوعا ما ان شاء الله الجايات تعجبكم
الواجب // لاتحسبوني نسيت
شراح يصير لما يروح بدر يعتذر لعمه؟؟
مين هذي الي ماتخاف الله؟؟؟
وكيف ضاعت سنتين من عمر بدر؟؟؟

هاديه بجنوون
هاديه بجنوون
وين التفاعل والردود ينات؟؟؟؟

رووونااا
رووونااا
روعه كتير يعطيك العاافيه ياارب

هاديه بجنوون
هاديه بجنوون
تسلمي روونا نورتي

كذإ حسسيت إحسإس غير عن كل إحسإإس
رواية جرحني وصار معشوقي كامله