لا تلبسون ثوب غير ثوبكم

1. مر حبا اخواتي العزيزات

مر حبا اخواتي العزيزات

والله حاله ... شوفوا هالموقف الي وقفته صحيح المثل القائل " من يلبس ثوب ماهو ثوبه يجئ بليس ويهزه " والله مادري اذا كان المثل صحيح ولا لا لالالالا
بيوم من الايام وانا برفقة وحده من الاهل وصلني مسج من صديقتي المقربه تدعووني لحضور معرض فيه كل مستلزماات العيد وهي ايضا مشاركه بها المعرض " ضحكت من قلبي بكل صراحه وقلت ياه حبيبتي انا وين وهالمعرض وين ؟ الله يسعد اوقاتك .. المهم رديت عليها ع الفور وابلغتها بانني لا استطيع الحضور لاني اعرف الاسعار فالمعرض فخم جدا واسعاره رهيبه وانا الحمدالله مستواي موا لذيك الدرجه .. ضحكت وقالت بس خاطري تحضري واشوفك امامي وهذا يكفيني خير وبركة ومابي منك تشتري انتي بس تعالي وتكوني ع راسي ... المهم قلت بفكر وتسلمي حبيبتي ع الدعوة ... سألتني الانسانه التي معي . وش السالفه ؟ قلت هذا صديقتي تدعووني لحضور معرض مقام بقاعه فخمه جدا ولكن تكلفة المشتريات رهيبه ... صرخت واو ياربي خاطري ارووح .. قلت ترى الدخوول بمبلغ .. قالت ماعليه .. قلت يابنت الناس بهالوقت ماعندي اشتري ... قالت عشان خاطري اقبلي تروحي هالمكان ... المهم اخبرت ابو اولادي باني ناويه اروح المعرض واخبرته بالقاعه المقام فيها المعرض ... ضحك عليه ونظرات الاستغراب ع وجهه ... رديت عليه ياخي " الدنيا نظر عين " وبالمره اسلم ع حبيبتي فهي التي ارسلت الدعوه ... المهم وافق وقال سوف اصطحبك وابلغي الاخت التي تروح ان تبلغ زوجها ونكوون معا وننتظر حضوركم تمام ... فقلت تمام
المهم اخذت بناتي وهي ايضا برفقة بناتها وما ان وصلنا لقرب باب القاعه ورأت العالم قالت ياربي وش ذا ؟؟؟
قلت يابنت الحلال ... ادفعي رسووم الدخول ومن ثم تكلمي ... دخلنا ... وكنا مثل الاطرش بالزفه .. كنت قاصده اتصل بالغاليه حتى اراها بس الزحمه والرجال المصورين جعلني لا ارفع وجهي سوى لرؤية الاغراض فقط ... المهم .. وقفت الاخت لتسأل البائع عن سعر جنطه عاديه " فابلغها بالقيمه فوقفت تنظر الي مما جعلني لا اتوقف عن الضحك وقلت لها فشلتيني الله يسامحك لاتصارخين وهي تردد كلماات البائع ... وتقوول قسم بالله اشتريتها بمبلغ 5 ريال عماني والبائع يقولها 119 ريال ... فقلت لها طيب تريدي تشوفي سعر الجلابيات العاديه فقط فقالت يالله .. سألت العامله بكم الجلابيه أخيتي ؟ فقالت 350 ريال فصرخت الاخت ياربي يالله ياكريم خذيني من هالمكان بالله عليك بموت قهر ... الفقراء والايتام محتاجين 100 بيسه ليطفئوا جوعهم وانتم تلعبون بها الفلوس حسبي الله ونعم الوكيل ... المهم حاولت اسكتها واخرجها خارج المكان بس من ؟ المهم اقنعتها وناديت البنات فخرجنا ... وقبل خروجنا سألت الموظفه .. بالله عليك الحين انتم محتاجين المبلغ الي استلمتوه مننا عندما دخلنا .. قالت الموظفه .. لا هذا المبلغ سيذهب لذوي الاحتياجات الخاصه والايتام ... قالت الاخت ... الحمدالله انكم حطيتوا مبلغ للايتام فكرتوا بهم ولو فكرتم تقسموا المبلغ الي بالدراعات بعد كان افضل ربي يجزيكم خير وبركه ... المهم حاولت اخرجها لاني فعلا كنت بحاله مضحكه ... وحين رجعنا البيت .. قلت لها ها تروحين مكان مماثل مثل المكان الاولي ... قالت ... حشى لله اجلس في بيتي افضل لي ... فقلت لها ... لا تلبسين ثوب ماهو ثوبك وقولي الحمدالله ...
فهم بنعمه وانتي ايضا بنعمه ... الله سبحانه وتعالى قسم الارزاق وكلا له نصيبه في الدنيا ....
اقتنعت الاخت وقالت الحمدالله ..
واقول لصديقتي وحبيبتي تسلمين ع الدعوة بس والله كان خاطري اشوفك ربي يحفظك ويبارك لك فيما رزقك الله ..
اعجبتكم القصه ترى حقيقيه والله .....