ساعدوني بالعجينه ياأهل الخبره

اهلين يالغلاا
انا كنت زيك تطلع معاي مو تمام
بس وحده نصحتني بالعجينه الذهبيه كلمة روعه شوي عليها
وميزتها ان الزبادي واللبن يخليها طريه وهشه
وانا استخدم دقيق فووم كتير حلوو معايا حتى في الكيك والمعجنات
وهااي صورته
طريقه العجينه الذهبيه
انا استخدم كاسين ونص دقيق فوم
وممكن تزودي الكميه على حسب حاجتك
ولو زوتيها تزودي اللبن وانتي تعرفي العجين وهو بيدك لو احتاج لبن او لا
علبه زبادي
1 ملعقه كبيرة ونص خميرة فوريه نوع واحد بس
1 ملعقه كبيرة ونص بكنج بودر
ربع كوب زيت
نص كوب لبن (لبن الصافي او المراعي )
ملح
3 ملاعق كبيرة سكر
الطريقه :
تخلطي المقادير الجافه تمام وبعدين تضيفي الزيت والزبادي واللبن
وتقلبيها بالمضرب البيض اليدوي لحد ما تتجانس تمام
وتبداي تضيفي الدقيق بالتدريج لحد ما تتكون معاك العجينه
واعجنيها فتره تقريبا 10 دقايق تطلع تمام
وادهنيها بزيت خفيف واتركيها تتخمر
وشكليها زي ما تحبي واستمتعي ب فطائر هشه وطريه ولذيذه
دعاواتك لي بالحمل السليم عاجلا غير آجل

حبيبتي المطاحن الكويتيه افضل دقيق
وعجينتي متل مقادير الا اني احيانا ما احط الحليب واكتفي بالمقادير الباقيه ومع هذا تطلع ولا احلى وانا خميرتي وحده مدري اذا فيه نوع خميره تانيه
بس اذا جيت اعجنها اول احط الزيت وابدا افركها بالزيت فقط علشان يدخلها الهواء وهذه قريتها في المنتدى
بعدين اضيف الماء واعجن لحد ماتكون تمام وناعمه
واخمرها احيانا ما اخليها تطول وتطلع مقبوله لكن اذا اخذت ساعه او ساعه ونص تطلع لذيذه جدا وكل ماطولت كل مازادت لذه

sahr_sos
واو شكلها لذيذه طريقتك مدام فيها لبن
تسلمين ياعسل .. الله يرزقك الذريه الصالحه ..

whisper of love
جزاكي الله خير
جاري التجربه .....

بالتوفيق يا قمر
سبحان الله وبحمده سبحان الله العظيم

الله يوفقك

آنآ استخدم الدقيق الكويتي روعه
وعجينتي العشر دقائق

مشكوره الله يجزاكي خير
بس سؤال ايش هو الدقيق الكويتي
يعني اسمه كذا الدقيق الكويتي؟؟؟

sahr_sos
الله يجزاكي الجنه ياشيخه
ويسعدك ويرزقك الذريه الصالحه وتحملين قريب يارب وتبشريني
سويت عجينتك
سويت منها فطاير
مره لذيذه ولينه زي القطن ماشاء الله
حتى زوجي مره عجبته