رواية عشقتك من بين كل الناس وغلاك بالقلب ماله قياس بقلمي

" البارت الثاني "
بيت هديل ..
هديل : يالله عن إذنك حمودي بروح اشوف خواتي
إن وافقن بنروح نتوسط عند الماما المهم انت جاهز ؟
أحمد بإبتسامة : جاهز ..
راحت هديل ركض لإنها هي بعد حالها حال البنات طفشانه ..
راحت أول لنجلاء ..
هديل تتطق الباب : نجلاء ادخل ؟
نجلاء : هلا هديل تعالي ..
هديل : يسلمو ياأغلى اخت ..
نجلاء بإبتسامه : وش عندك باين وراك شي ..
هديل : أي والله اليوم تعرفت على بنت الجيران
وباين انهم طيبين مره ..
حتى إنها توها متصله تقولي في جمعه ببيت اختها
وتبيني اجي انا وياكن وش رأيك ..
نجلاء : ام احسن ياشيخه بالمره نطلع من البيت ونتعرف عالناس ..
هديل : يعني موافقه ؟
نجلاء بموافقة : يس ..
هديل بفرحة : اجل عن اذنك بروح اشوف هدى ..
نجلاء بإبتسامه : روحي والقلب داعي لك ..
هديل ارسلت لأختها بوسه بالهواء وراحت ..
راحت لغرفة هدى وهي تقول اكيد هالمطفوقه بتوافق
بس المشكله عند امي ..
دخلت على هدى الغرفه ..
هدى : هلا هديل يختي حدي طفشانه تعالي نلعب ولا نسوي شي
هديل بضحكة : ههه ، دامك طفشانه بقولك على طول
اليوم في جمعه عند بيت اخت جيرانا تروحين ؟
هدى : اكيد ..
هديل بإبتسامه فرح : حلو اجل تعالي معي ناخذ الموافقه الرسميه من الماما ..
هدى : ماشي ..
راحو يدورون لأمهم لقوها بالمطبخ مع حفيدها
هاشم ..
البنات : السلام عليكم يالغالية ..
ام هادي : وعليكم السلام حيى الله بنياتي ، " أردفت بإبتسامة " شكل وراكن سالفه ..
هديل : فديت اللي تفهم بناتها والله ..
وقالو لها السالفه ..
أم هادي : وهالناس موثوقين ..
هديل بترجي : إي يمه باين عليهم وبعدين طفش ماعندنا جيران ولا احد
تونا جديدين والفرصه جت لعندنا ..
أم هادي بموافقة وهي تشوف الترجي بعيون بنتها : خلاص اجل موافقه بس قولي لهم إنه انا وخلود بنمر امهم
وانتو روحوا معهم ..
راحوا البنات بسرعه لأمهم وباسوا رأسها ..
هديل : تسلمين يمه والحين بتصل على البنت وبقولها .. واللي بيودينا احمد ..
ام هادي بإستغراب : احمد !! ووش عرفه بالبيت ؟
هديل : يقول بيمشي ورا اخوهم ..
أم هادي : خير إن شاء الله .. وأنا بسوي لكم
اكله بسيطه تأخذونها معاكم .. مهي بحلوه تروحون إيد ورا وإيد قدام ..
هديل : تسلمين ياأغلى ام بالدنيا كلها ..
أم هادي : الله يخليكن يابنياتي ويحفظكن من كل شر ..
البنات : آمين ..
راحت هديل بفرحة بشرت نجلاء وخبرت احمد ..
واتصلت على عائشة وقالت لها امهم موافقه
فرحت عائشة كثير وقالت لأمها بيجون عندها الجيران
رحبت فيهم وهللت وقالت حياهم الله بإي وقت ..
وبدأ الإستعداد للروحه لبيت موضي ..
&&&&
&&&
&&
&
" بيت موضي "
نهله لبست نفس لبس عائشة وولاء كانو متفقين ..
تنورة سوداء لنص الساق وعليها ورود حمراء
وبلوزه حمراء وكلهم شعرهم طويل
إستشوروه وسووه ذيل الحصان
والقدله قدام نصها رفعوه بمشبك بسيط ..
وبدأت موضي تبخر البيت وترتبه لجمعة بناتها ..
نزلت نهله من فوق بسرعه بعد ماحطت لمساتها الأخيره
روج وكحل وإكسسوارات ..
لقت مشاري جاي من برا ومعه العصير ..
رفع عيونه لقاها قدامه ..
أطلق تصفيره بإعلى صوته وقال : ياعيني ياعيني ليه كل ذا ياست
نهله تبين تنخطبين اليوم ولا شو ياسلام وش هالحلاوه ..
نهله بخجل : تسلم حبيبي مشاري هذي شهادة شرف منك خيو اعتز فيها
وانت بعد احلى الشباب فديتك وبعدين انا توني صغيره عالخطبه وتسلم عالعصيرات ماأنسى معروفك فديت روحك ..
مشاري مسوي نفسه بعد منحرج : اروح فيها انا ههه اقول خلي لي من الأكل اللي مسويته ..
نهله وهي تأشر على عيونها : ابشر من عيوني ..
مشاري : تسلمين ، انا طالع انام شوي مانمت اليوم انتظرت العصر
وصليت وجبت طلبك وحدي تعبان فيني نوم ..
نهله : نوم العوافي ياقلبي بس إنتبه تنزل من غرفتك
لو بتنزل اتصل علي اول عشان اشوفلك طريق لإن البنات الحين بيجون ..
مشاري : طيب أبشري ..
&&&&
&&&
&&
&
" بيت عائشة "
نزلت بسرعه للمطبخ عشان تحط الحلى في كيس
وتأخذه .. وتتصل على بدر .. وكمان على هديل ..
اتصلت على هديل أول ..
بعد كم رنه رد عليها نفس الصوت الرجولي ..
عائشة : الو السلام عليكم ..
أحمد : وعليكم السلام ..
عائشة : هديل فيه ؟
أحمد : إي دقيقه ..
ناداها وجت بسرعه ..
هديل : الو هلا ..
عائشة : هلا بك ياعسل .. هاه جاهزين ؟
هديل : إي يالغلا جاهزين ومثل ماقلت لك اخوي جاهز بعد بيتبع اخوك ..
عائشة : اوك ياعسل بتصل على اخوي اشوفه وين .. اول مايجي
برن لك رنه وأطلعوا ..
هديل : تمام ..
عائشة : اشوفك على خير ..
هديل : على خير ..
سكرت من هديل واتصلت على بدر ..
بدر : هلا عيوش جاهزه ؟
عائشة : إي يابعدي جاهزه ..
بدر بإهتمام : وبنات الجيران ؟
عائشة بإبتسامة مكر : جاهزات قبلي بس انت وين ؟
بدر : برا يالله إنزلي ..
عائشة : اوك دقيقه واكون عندك مع السلامه ..
وخذت حلاها وشنطتها وطلعت ..
فتحت الباب ودخلت للسياره ورنت رنه لهديل ..
5 دقائق وطلعوا كلهم وركبو للسياره .. إستغرب بدر ..
بدر بإستغراب : شسالفه يركبون سياره غير ..
عائشة ضحكت بقوه وقالت : إي حبيبي بيروحون مع اخوهم
إنت امشي وهم ورانا يالله طق لهم هرن وتحرك ..
بدر يطالعها بنص عين : أي يالنذله طلع الا لمصلحتك ومافي بنات جيران ..
عائشة : ههه تستاهل ..
شغل السياره ودق لهم هرن .. وتحركت سيارتهم ورا بدر ..
&&&&
&&&
&&
&
" بيت ولاء "
ولاء : خلود ..
خلود : نعم ؟
ولاء : هاه قلبي جاهزه نتصل على خالد ياخذنا ؟
خلود : إي بروح احط الورق عنب بالكيسه واجيك على ماتتصلي ..
ولاء : عال العال ..
اتصلت على خالد وقالها انه برا وطلعوا ..
&&&&
&&&
&&
&
" بيت نهله "
نهله بتوتر: ياربي يمه وش فيهم للحين مافي احد جاء ؟!
ام مشعل تهديها : هدي اكيد بالطريق تعرفين خالتك ماتحب تتأخر عن حفلاتك المصون ..
نهله : ههه اكيد بالطريق فديتها .. الا مشعل طلع ولا بالبيت ؟
أم مشعل : لا طالع مع ابوكِ من نص ساعه يمكن ..
نهله : زين احسن مافي الا مشاري ونايم ..
أم مشعل : انا باخذ نوره وبروح لبيت اخوالك مع اللي يجيب
عيوش وامل بتجي مع بناتها هي وحمودي وبنروح سوا
تقول جدتك بيجونهم جيران ..
نهله : زين يمه سلمي على جدتي كثير وعلى جدو إن شفتيه ..
أم مشعل : أبشري .. إلا وينها فيه ندى ؟
نهله : لسى تتجهز فوق ..
أنهت جملتها مع يوم دق الجرس ووصلوا
كل السيارات وقفت سوا ..
بالبدآية بدر وأحمد وبعدهم خالد ..
نهله بفرحة : وناسه وصلوا ..
راحت ركض للباب وفتحته كله
كانت تحسب إنه خالتها وخالها بس اللي وصلوا ..
تفاجأت بالسيارات وطاحت عين خالد عليها وانذهل من شكلها
كان يعرفها وهي صغيره ويحبها وتحبه بس من اول ما تغطت معاد شافها او تقابل بالصدفه معها .. بسرعه دخلت ورا الباب .. طبعا هي ماشافت خالد مثل ماهو شافها بس شافت مجموعة شباب ..
وقالت .. نهله : حياكم الله تفضلوا ..
دخلت أول عائشه وبعدها هديل واخواتها
وبعدهم ولاء واختها ..
نهله استغربت كثرة الحريم والبنت الصغيره اول مره تشوفها
" هدى" بس قالت : يالله حيهم .. تو مانور بيتنا والله ..
عائشة بغرور : أكيد منور مايبي لها عاد ..
نهله بإستهبال : ماسخه تبي شوي ملح ههه ..
عائشة : ياملحك تعالي بس بنسلم عليك ..
وسلمو كلهم على بعض ونزلت ندى وسلمت عالبنات ..
وقامت ام مشعل رحبت بالبنات وسلمت عليهم ..
عائشة : ياحيى الله وخيتي ام مشعل والله لك وحشه يختي ..
" وراحت لنوره وباستها بقوه وضمتها .. "
أم مشعل : اهلين بدلوعه البيت .. شخبارك وش علومك وعلوم اهلي كلهم ؟؟
عائشة : يسرك الحال الحمدلله ..
أم مشعل : الحمدلله ، يالله يابنياتي انا رايحه بيت اهلي امل تنتظرني برا ، البيت بيتكم يمه ..
البنات بصوت واحد : تسلمين خالتي ..
أم مشعل : الله يسلمكم ..
لبست عبايتها وخذت نوره وطلعت ..
عائشة اول من فتح الغطاء عن وجهها
وقالت : نهله جايبه لك مفاجأه معي ..
نهله : وشو ؟!!
عائشة : أفتحو وجيهكم ترى البيت خالي صح نهول
نهله : إي صح مابه احد الا واحد من اخواني ونايم ماظنتي بينزل ..
فتحو البنات وجيههم ..
صرخت نهله : هديل ؟
ندى وهي ماسكة قلبها : وجع يوجع العدو احسب في شي خرعتيني ..
نهله : اسكتي إنتي ، والله منتي بهينه يالخاله البنت توها جديده وتعرفتي عليها ..
عائشة : تعرفين عاد انا عيوش مو أي وحده ، وغمزت لهديل ..
ولاء : وناسه شكل الجلسه اليوم بتتطلع اكشن ..
عائشة : وإنتي الصادقه جايبه معي اكشن ..
البنات : وشو ؟
عائشة : بعدين تعرفون ، المهم خذي هالأكياس يدينا تكسرت وخلينا نطلع عبايتنا حر يختي ..
ندى : إي صح حياكم حياكم خلونا نتعرف ونبدأ الجلسه ..
البنات : الله يحيك ويبارك فيك ..
ونهله خذت الأكياس ونادت الشغاله وساعدتها ..
وندى خذت عبايات البنات ..
الشباب برا .. تعرفو على احمد ورحبو فيه وطلع نفسهم ونفس رجتهم ..
مع طلعت موضي من البيت ..
أبعد من الطريق شوي أحمد والشباب قالو له بنسلم ونجيك ..
أم مشعل : هلا هلا بخالد وبدر ..
بدر بزعل مصطنع : وش معنى خالد اول ترى انا اخوك ..
أم مشعل : روح زين قال اخوي قال مافي احد مثل غلاة
خالد عندي احبه هالولد ، وانت يالماسخ اكيد امل بالسياره ولا سلمت عليها ..
نزل رأسه لإنه جد ماسلم عليها ..
ورد بسرعه : اصلا مادري إنها موجوده وخلّود حقك هذا ماقالي ..
وباسوا رأسها إحتراماً لها ..
وراح بدر يسلم على أمل وهو حامل نوره ..
أم مشعل : شلونك يمه خالد وش هي علومك ؟
خالد : بخير خالتي الحمدلله يسرك حالي ، إنتي شلونك
وشلون عمي ابو مشعل والجميع ؟
أم مشعل : الحمدلله يمك كلنا بخير ، من بيودينا لبيت خوالك ؟
خالد : لحظه اشوف لك بدر بس تعالي اركبي عند أمي ..
راحت ام مشعل وركبت عند اختها ..
وبدر ركب نوره عندهم وراح للشباب ..
بدر : ياحليله احمد اول ماشاف موضي أبعد عن الطريق ..
خالد : شكله فله ومحترم ماشاء الله عليه ..
وراحو له ..
بدر : خالد بنطلع اليوم ندور بالأسواق ولا نروح مقهى ولا أي شي ..
خالد : تمام بس كيف الحين مين بيودي امي وخالتي ؟
بدر بتفكير : أسمعوا انت خالد ودهم وانا بخلي سيارتي هنا وبروح مع احمد لبيتهم ..
انت خابر جيرانا .. ويخلي سيارته هناك وبعدين نروح كلنا معك شرأيكم ..
وبدر كان في رأسه فكره ثانيه يبي يسويها ..
وافقوا الشباب وتحركوا ..
&&&&
&&&
&&
&
جالسين احلى جلسه سوالف وضحك ورقص
وهبال طبعا مو اغاني .. عندهم اغاني بس بدف
وجالسين عليها ..
عائشة بتعب : اوه تعبت بنات خلونا نجلس خلاص يكفينا رقص ..
البنات : والله انك صادقه وسكروا المسجله وجلسو كلهم ..
عائشة وهي تتطالع الساعة : اقول بنات وينهم فيه جيرانكم اللي بتعرفونا عليهم ؟!!
توها منهيه جملتها الا وجرس الباب يرن ..
نهله بإبتسامه : أكيد هم صدق من قال الطيب عند ذكره ..
قامت نهله تفتح والبنات يرتبون اشكالهم والحوسه اللي عندهم ..
ولقت عالباب جد جيرانهم ..
رحبت فيهم ودخلتهم ..
قاموا البنات يسلمون عليهم ..
كان منهم بنتين وباين عليهم بنات حبوبات مره ..
كانو مستحيين مره مثل اول مادخلوا هديل واخواتها بس
مع رجت البنات دخلوا جو ..
خلود : حياكم الله بنات .. عرفونا عليكم ..
نهاد : إسمي نهاد عمري 23 سنة ..
ناهد : وانا ناهد عمري 18سنة ..
عائشة وولاء وهديل بصوت واحد : وناسه يعني اكبر منا بسنة ..
ناهد : يعني عمركم 17 ؟
البنات : إيه ونهله نفسنا بعد ..
نهاد وناهد : ماشاء الله ربي يطول بإعماركم على طاعته ..
البنات : آمين ...
~~~~~~~~
" بيت نهاد "
حصة : أم ماجد ..
عبد الرحمن : أبو مآجد ..
عندهم ..
مآجد : عمره 24 ..
متزوج من غاده بنت عمه من 3 اشهر تقريباً ..
محسن : عمره 23 يدرس بالجامعه أخر سنه ..
ونهاد وناهد ..
~~~~~~~~
الشباب
رحوا لمقهى وجلسو هناك وناسه وضحك
ومعهم واحد رابع إسمه عامر صديق أحمد ..
بدر : خالد وش فيك اليوم مو معنا ابد ، سلامات يالحبيب ؟
خالد بقلبه بنت اختك شكلها بتجنني لي سنتين سالم منها ومن
حبها اللي معذبني رجعته لي إلحين بنظره
حتى مو ثانيه آه آه يالخال من الحب ..
بدر يهز خالد : هي إنت ترى لي ساعه اكلمك ليش ماترد ..
عامر بإبتسامة : اترك الولد شكله غرقان بالحب ويفكر بالحبيبه ..
بدر أطلق ضحكه مدويه

البارت الثالث ..

البارت الثالث
قامو كلهم يصلون المغرب ...
سألت ولاء ندى عن العبايات
لإنها كانت حاطه جوالها بجيب العبايات ..
وصفت لها ندى المكان وكانت العبايات فوق والبنات
مشغولين بوضع السفره .. سألتها إذا أحد فوق فقالت لها : لا ..
" ماكانت تدري ندى إن مشاري نايم فوق "
صعدت ولاء الدرج متوجهه على وصف ندى لها ..
كانت غرفة مشاري نورها شغال بس خافت ..
ونور المطبخ البسيط فوق شغال ..
راحت ولاء للغرفه إللي قالت لها عليها ندى ..
وأخذت جوالها وبدأت تقلب ناظريها بالبيت ..
أعجبها هدوئه وبساطته .. لإن بيت خالتها تغير
عن أخر مره زارته فإبتسمت ..
فإبتسم لإبتسامتها ..
مشاري : يالبى هالإبتسامه من بنته هذي ،
يمكن من بنات خالتي امل ، إلا اكيد هذا نفس لبس نهله ..
رأها مشاري ولكن هي لم تراه فذهبت للمرأه اللتي بوسط الصاله
على مرأء أعين مشاري ..
وفتحت شعرها لترتيبه وترتب نفسها ثم تنزل ..
بعد إنتهائها إبتسمت وقالت : ياحلاتي " إنتهت لنفسها " يؤ شفيني إستخفيت
أنزل للبنات احسن لي لا يحسون اني تأخرت ..
ونزلت لهم ..
ندى : هاه ولوش عسى دليتي الطريق وماضيعتي ، إللي يشوفك
يقول ماعمرك جيتي بيتنا ..
ولاء : ههه لا وصفك دقيق ومفهوم وبسرعه جيت المكان
، وبعدين مو سالفة اول مره بس مغيرين بالبيت وطالع أحلى ..
ندى : تسلمين من ذوقك قلبو ..
خلود : تعالي سآعدينا بننقل الأكل للبنات ..
ولاء : إبشري ..
وبدأت إستعدادات البنات للأكل ..
عائشة : الله الله يابنات أختي طلعتن منتن بهينات كل ذا مسوياته ؟
ندى ونهله بإبتسامه : نعجبك يالخاله ، بس عسى نبيض الوجه ..
نهاد : على هالشكل اللي يفتح النفس الا بتأخذون مرتبة الشرف في الطبخ ..
البنات : ههه
عائشة : اقول نهوله ابوريكم الأكشن اللي جايبته ، روحي بسرعه
جيبي الفديو وإشبكيه عالتلفزيون ..
نهله : فديو ، وش عندك ؟
عائشة : جيبيه بعدين تعرفين ..
&&&&
رفع عيونه الا والسياره أمامه تقريبا ..
مايفصله عنها الا موضع قدم ، ماأحس إلا بإيد من ورأه
تسحبه بقوه لدرجة بغى يطيح هو والساحب ..
..... : الحمدلله على سلامتك بغيت تروح فيها ..
خالد مصدوم ومو مستوعب فما نطق ..
مع صوت السياره لف جميع الشباب يشوفون إيش السالفه ..
ظن الجميع إن خالد خلاص بيروح فيها ..
بدر : الحمد لله لولا الله ثم هالرجال لا راح فيها خالد ..
راح الجميع له : سلامات خالد ..
خالد : .......
بدر : خالد فيك شي ، ليه ساكت ؟
الرجال : خله يستوعب أخوي الظاهر إنه مصدوم ، إنت تقرب له ؟
بدر : إي خاله ، وتسلم أخوي ماقصرت جزاك الله خير ..
الرجال : ولو حبيبي هذا واجبي ، عن إذنكم ..
الشباب : إذنك معك ..
بدر يهز كتف خالد ..
خالد : تخيلو إني متت ..
عامر : بسم الله عليك ، عسى الله يطول بعمرك على طاعته ..
خالد : والله ياشباب شفت الموت بعيوني ماكان يفصلني عنها شي ..
الشباب : الحمدلله ، الله حفظك بحفظه ..
خالد : الحمدلله ..
بدر : إلا انت وش أخرك عنا ..
خالد : كنت ابي اشوف مشاري الدب وينه فيه ..
بدر : إي صح وينه اليوم ماله حس دايم معنا 24 ساعه ، بنروح
نصلي بعدين نتصل عليه ..
الشباب : يلا ..
&&&&
يالله حيهم نورتو البيت الله يحفظكم
ويخليكم لعين ترجيكم ..
أم هادي : الله يحيك ياوخيتي ، والحمدلله تعرفنا على جيران
مثلكم ، يقولون الجار قبل الدار ، والحمدلله لقيناكم ..
أم محمد : صدقتي ياوخيتي ، وانا ماأعرف
أحد هنا وانا اختك ماغير بناتي يجوني وأروح لهم
أو نروح بيت جدهم ..
أم هادي : عسى الله يخليهم لك ويبارك فيهم ،
بيت جدهم بعيدٍ عنكم ؟
أم محمد : لا ياوخيتي مهو بذاك الزود ،
جدهم وجدتهم عايشين ببيتٍ بروحهم ومعهم
بنيتهم أرمله وعندها ولدين عسى الله يحفظهم لها ..
=====
الجد : عبدالله ..
أبو ناصر ..
الجده : مريم ..
أم ناصر ..
عندهم نآصر إللي هو ابو محمد ..
وسالم أبو صالح زوج موضي ..
" سالم توفى هو وزوجتة وإبنتة
" إبتسام " بحادث سيارة قبل سنتين
وماعندهم إلا صالح وإبتسام "
ومنيره زوجها توفى بالخبيث ..
وعندها رامي وريان ..
ريان 25 ، يشتغل ..
ورامي 23 ، أخر سنة بالجامعة ..
========

نرجع للبنوتات ..
شغلت الشريط وبدأ العرس والطق ..
نجلاء : الله عرس ، من هو عرسه ذا ؟
ونهله واختها وولاء واختها مفتحين عيونهم على أخرها
وكان منظرهم يضحك مره ..
عائشة : ههه ياويل حالي بنات اختي
مفهيات ..
ندى : ماكأنه ابوي ؟
عائشه : ههه إي عرس امكم خذيته من خزانة جدتك
من دون علمها نوسع صدورنا بعرس أول ياحلاته ..
نهله : الله أمي حلوه زمان ، وشكلها مره غير ..
ندى طلعت لسانها لأختها وقالت : إي تشبهيني ..
نهله : ههه تحلمين ...
&&&&
طلعو كلهم من المسجد ..
خالد : شباب انتظرو شوي قبل نقطع الطريق اشوف مشاري وينه فيه ..
بدر : يالله عجل ، عطشان مره ..
خالد : طيب طيب ..
وبدأ يدق على مشاري ..
بعد كم رنه رد ..
مشاري : هلا هلا خلّود ..
خالد : هلا فيك ، شخبارك ؟
مشاري : تمام الحمدلله ، إنت علومك ؟
خالد بقلبه دام شفت الحب
أكيد بخير إنتبه لنفسه ورد بسرعه : يسرك حالي ، وينك فيه ؟
مشاري : والله بالبيت ، وإنت ؟
خالد : طالع النذل بيتهم كله بنات وهو جالس لا يكون بس جالس تبصبص في
خواتنا ؟
مشاري : ههه إي افا عليك شفتهم كلهم ..
خالد : كان يصير فيها قتل اليوم ، وش تسوي بالبيت ؟
مشاري : أبد الحلوه حقنا اليوم مسويتني سواق جب وهات ..
خالد : تستاهل من يصير لها سواق بنت الخاله ..
بدر يضربه على كتفه : ماقلت لك عجل ..
خالد : طيب وش اسوي ولد اختك ماسكت ..
مشاري : من عندك الخال ؟
خالد : إيه وواحد ولد جيرانهم حده فله وبعمرنا بعد ..
مشاري : أكشخ لقيتو لكم اصحاب جدد ..
خالد : ههه إيه المهم إحنا بنجيك الحين وبالمره بنصلي العشاء
بالمسجد اللي قريب بيتكم وكلن ياخذ خواته ..
مشاري : خلاص وانا بإنتظاركم ..
سكر من خالد وقام يلبس ..
بنفس البيت تحت ..
صجه ورجه وضحك على هذا وإستهبال على هذا ..
ناهد : ياحلاة هالولد يجن ..
عائشة بإستهبال : تبينه ، ماتلاقين مثله طول عمرك ..
البنات : ههه ..
خلود : سويتيه شوكلاته مو إنسان ، على طول تبينه وكأنك تعزمين ..
عائشة : ههه فديت حمودي انا والله عسى الله
لايحرمني منة ..
ولاء : هذا خالي أحمد ؟
عائشة : إي لبى عينه ..
البنات : من جد ياحلاته ..
عائشة : ولازال ياحلاته الا كل مايحلو ..
نجلاء : الله يخليه لكم هذا الكبير ؟
عائشة : لا عندنا محمد أكبر منه ..
نجلاء : ماشاء الله ..
الا وصوت مشاري يتنحنح عشان يمر .. إستغربت ندى ماكانت تدري إن في أحد بالبيت ..
وفزت نهله من مكانها عشان تسكر الباب ..
عائشة : من هذا ؟
نهله : مشاري ، مشاري مر ماحولك أحد ..
عائشة قامت ركض من مكانها : مشاري لحظه لحظه ..
وطلعت من الغرفه وسكرت الباب ..
مشاري : ياهلا ، وش هالحلاوه وش هالزين ..
عائشة تمثل الحياء نزلت رأسها وقالت : تسلم كلك ذوق ..
مشاري بضحكه : ههه فديت اللي يستحون ..
عائشة راحت له بسرعه وضربته على كتفه
وضمته تسلم عليه ..
مشاري : الظاهر الخاله مشتاقه ..
عائشة بزعل : ولك عين تتكلم بعد ؟
مشاري : افا يالخالة وش فيك كأنك زعلانة ؟
عائشة نزلت دمعه من عينها : ولا كأني خالتكم ولا تسألون عني
حتى ألو مافي ولا زياره عالماشي تجون للبيت تأخذون
بدر وتدخلون تسلمون على أمي ولا كأني بالبيت تسألون عني ..
مشاري بإمتعاض : والله أسفين يالخاله ماعاش من يزعلك
فديت روحك ومابي اشوف هالدمعه مره ثانيه ، والله إنك غاليه ،
بس تعرفين بدر يالله نسلم على جدتي الا وساحبنا سحب ..
عائشة : إي إطلع منها وحطها في رأس بدر ..
مشاري : ههه والله هذا اللي صاير ..
عائشة توها بترد عليه الا وجوال مشاري يرن سكتت ..
مشاري : عن إذنك يالخاله وحقك علينا ، هذا خالد متصل
ينتظروني تحت يقولون بيصلون هنا وياخذونكم ..
عائشة : سلم عليه وقوله إني زعلانه منه ، أنا أوريكم ياعيال خواتي
شوفو من إللي يسال عنكم من اليوم ..
مشاري : والله أسفين عاد أعذرينا يالخاله مو من طبعك تحملين على أحد ..
عائشة : مو حامله عليكم بس أبي احس إنه لي غلاه عندكم ولو مره وحده
مو انا اللي دايم اسال عليكم وأسلم عليكم ، تنازلو مره وحده بس ..
مشاري عطاها بوسه عالرأس وقال : حقك علينا فديتك ..
عائشة : الله لا يحرمني منكم ،
وقالت بمداعبه : مره ثانيه لاتبوس عالرأس تحسسني كأني عجوز ..
مشاري : ههه فديت عجيزنا ..
وراح ركض ..
عائشة : أنا اوريك وين بتروح عجيزكم في عينك يالدب ..
مشاري بضحك : لا تنسون تجيبيون لنا عصير قولي لنهله تجيب لنا شي ..
عائشة : ولا شي بتذوقونه خلك تتفشل مع اصحابك ..
طلعت نهله من الغرفه وقالت : وش فيكم
تتهاوشون ، وش مسوي لك هالخبل ؟
عائشة : أخوك هذا أكبر دب ، على فكره يقولك يبي عصير
وشي معه ..
نهله : ليش أحد عنده ؟
عائشة : يقول الشباب جايينه بيصلون هنا
ويأخذونا ، وتو خالد متصل عليه الظاهر وصلو ..
تنهدت نهله بقوه وقالت بخاطرها جيتي عالوتر الحساس يالخاله
خالد وينه فيه مشتاقه اشوف واسمع صوته حيل ..
عائشة : نهول عسى ماشر وش فيك ؟
نهله كلش مو معها ولا ردت ..
عائشة هزتها : ياهو وين رحتي شفيك ؟
نهله : لا ، ولاشي بس افكر بقينا شي بالمطبخ ولا كله عطيناه البنات ..
عائشة : لا في باقي من كل شي شوي يكفيهم ..
نهله : الحمدلله ، تعالي نحطه لهم ..
عائشة : اوك يلا ..
راحو البنات للمطبخ ويرتبون الأكل ..
وقفت نهله عند أكله
وراحت لذكرياتها أول ..
ذكرى طالما ذكرتها وتفننت بالأكل بسببها ..
""
كان عمر نهله 13 وخالد 14
دخلت نهله لأول مره المطبخ
كانت جايبه وصفه من صديقتها بالمدرسه ..
وسوتها وخالد موجود عندهم هذاك اليوم ..
بعد ماخلصتها فرحت بشكلها كثير ..
وراحت ركض لخالد رفضت أي احد يطعهما قبله ..
حتى هي نفسها ..
اول ماذاقها خالد : الله تجنن ، وحتى لو كانت مو حلوه
دامك إنتي مسويتها اكيد بتكون حلوه ومافي أحلى منها ..
إحمر وجه نهله وقالت : شكراً ..
بدر : وانا ماأطعم ؟
نهله : أنا سويتها حق خالد هو بكيفه يعطيكم ولا لا ، حتى
انا ماطعمتها ..
خالد أخذ قطعه وعطاها نهله .. ورفض يعطي أي احد
منها وخذاها معه حاول بدر يمين شمال ماأعطاه ابد ..
ومن هذاك اليوم كل ماشاف نهله يطلب منها هالأكله ""
إبتسمت إبتسامه من الخاطر نهله على هالذكرى ..
وجلست تتفنن في ترتيب هالأكله في الصحن ..
إبتسمت عائشه وعرفت سبب سرحان نهله ..
عرفت إن غلا خالد للحين بقلب نهله
وتمنت من كل قلبها إن الله يوفقهم ويجمع مابينهم على خير
ومايكون احد زوج نهله غير خالد ..
كانت طفولتهم من أحلى مايمكن وحبهم من وهم صغار ..
&&&
رحب مشاري بالشباب ودخلهم للمجلس
وتعرف على عامر وأحمد ..
مشاري : يالله حيهم تو مانور البيت والله ..
بدر : أكيد منور دأمني فيه ..
خالد : أبوك يالغرور ، ابي مره وحده ماتشوف نفسك فيها ...
مشاري : صادق وربي خالد ، اصلا انا قلت منور أقصد بوجود
أحمد وعامر اللي اول مره يدخلونه ..
بدر : لا بوكم لا أبو اللي يقول لكم كلمه فضحتوني وفشلتوني قدام الشباب ...
الشباب : ههه
أحمد وعامر : تسلم مشاري كلك ذوق ..
مشاري يهمس لخالد : خالد ترى الخاله زعلانه حدها
عشان مانسأل عليها ومانسلم وصراحه إحنا مانستحي ،
إلحين بعد شوي قوم سلم عليها ..
خالد بنفس الهمس : ليش قالت لك شي ؟
مشاري : إلا كلتني والصراحه إستحيت ودمعت عيونها تقطع قلبي ..
خالد : ياعمري على هالخاله مره حساسه ..
بدر : هي إنت وهو وش تتسأسرون مثل الحريم ، لا يكون تحشون بس ..
خالد : كلناك بقشورك ..
بدر : أيلي ماتستحي وتعترف بعد ..
خالد : ههه ..
عامر : بس خلاص لاتسوون لنا مثل المقهى ..
مشاري : ليش وش صار أكيد مسويين فضيحه ..
وقالو له السالفه ..
إنتهى البارت الثالث ..

7777
777
77
7
البارت الرابع ..

البارت الرابع ..
ندى : بنات عن إذنكم بشوف عيوش ونهله شفيهم تأخرو ..
البنات : إذنك معك ...
راحت ندى لقتهم مجهزين كل شي ..
ندى : شفيكم تأخرتو أحد عند مشاري ؟
نهله : إي الشباب ، اتصلي عليه مابقى الا ربع ساعه ويإذن خليهم
يلحقون يأكلون ..
ندى : جوالي داخل ..
نهله : وانا بعد ، بروح اجيبه ..
عائشة : لا خليك انا جوالي معي ..
وإتصلت على مشاري ..
مشاري : هلا يالخاله ..
عائشة : هلا فيك ، مشاري تعال للباب عشان نعطيكم الأكل
ولو إني زعلانه بس مابي افشلك مع ولد جيرانا توا ول مره يدخل بيتكم ..
مشاري : الله لايحرمنا من طيبة قلبك ..
عائشة : تسلم ، ولا يحرمني منكم ، يالله تعال ..
مشاري : خالد يقول بيجي يسلم عليك إطلعي بس انتي الحوش
عشان بيكون هو معي ..
عائشة : ليش قلت له شي ؟
مشاري إرتبك ورد بسرعه عشان ماتحس : لا أبد وش اقوله ، بس هو قال
مشتاقلك وبيسلم عليك ..
عائشة مادخل رأسها هالكلام لإنها اصلا قالت له يقوله إنها زعلانة بس قالت : طيب يالله تعالو بنزل لكم إلحين ..
خذت الصينيه من نهله وقالت لها تستناها بالثانيه عند الباب عشان خالد بيجي ..
فرحت نهله لإن هذي فرصتها تشوف خالد من ورأ الباب ..
طلعت عائشة لقتهم موجودين بالحوش ..
خالد : هلا وغلا يالله حي الخاله منوره ..
عائشة : الله الله ، كل هالترحيب لي ..
خالد : ومافي أحد يستاهله غيرك ..
عائشة : هين هين ، تحسب إني مصدقه هالدب إنه ماقالك إني زعلانه ..
مشاري : افا ماتصدقيني ..
عائشة : أقول اخذ خليني اجيب الصينيه الثانيه ..
فتح الباب بدر وقال : أبي بنات أخواتي بسلم عليهن لو سمحتي ..
طبعا بدر كان قريب من مشاري وخالد وسمعهم ويبي يغيضها ..
عائشة : والله ياقلبي ماعندنا بنات خوات إلحين عندنا ضيوف
ولا بغيت تسلم عليهن تعال بوقت خاص لهن ..
بدر : كيفي ابي بنات خواتي وابي أسلم عليهن إنتي وش دخلك
قدرهن كبير وعالي عندي وبسأل عليهن مو مثلك مافي احد يدري عنك
ولا أحد مقدرك ..
عصبت عائشة بقوه وإندهش مشاري وخالد من كلام خالهم كيف سمعهم ..
وجاي يشعل نار بقلب هالمسكينه ويعرف إنها حساسه مره ..
خذت ملعقه من الصينيه ورمتها بقوه عليه ، فتح بدر بسرعه الباب على مصاريعه وتخبئ وراه واللي كان مقابل الباب على طول أحمد ..
جت الملعقه بحضنه لما شاف عائشة ماحس بالملعقة وهي تهوي بحضنه ..
طاحت عينه بعينها وماقدر ينزل عيونة ، عائشة مملوحه بس مو حلوة مره وسمراء سمارها على بياض يعني مو سمراء كثير لا ..
وتحمد الله ليل ونهار على شكلها لما تشوف غيرها
إللي مريض واللي مشوه واللي واللي .. الله يشفي الجميع ويعافيهم ..
لكن هو حس بشي غير فيها معطيها جمال خاص فيها ..
بسرعه عائشة تداركت الموقف وسحبت مشاري وتخبت وراه ..
مشاري عريض وهي نحيفه غطاها ..
عائشة بغضب وهي تتوعد في بدر : قول للخبل خالك يسكر الباب حسبي الله على بليسه ..
مشاري : خالد أخذ الصينيه وتقدم انت وسكر الباب انا بجي وراك ..
خالد : طيب ، سامحينا يالخاله وماعليك في كلام بدر تعرفينه إنتي ،
والا قدرك عالي وماننساك لحظه بس تعرفين الجامعه والغثاء ..
عائشة والدموع تجمعت بعيونها من الموقف : ..........
مشاري : روح ياخالد ..
راح خالد وأول مادخل سكر الباب ..
دخلت بسرعه عائشة داخل ومرت من عند نهله الواقفه منتظرتها ..
طبعا نهله شافت كل شي نزلت وناولت مشاري الصينيه ..
مشاري : باقي شي ؟
نهله وكأنها ماشافت شي : لا ، وش فيها عيوش ؟
مشاري : حاولو تهدونها هالمسكينه خالك مدري متى بيخليها
بحالها دايم يحب يشوف الدمعه بعيونها ..
نهله : الله يهديه ، طيب القلب والحساس أكثر الناس دايم يستغلونه
وخالك واحد منهم يستغل طيبة أخته مادري
ليش حاط دوبه من دوبها ..
مشاري : الله يصلحه بس ..
وراح ، دخلت نهله للبنات مالقت عائشة عندهم
تركتها بحالها لإنها تعرفها تحب تكتم كل شي بقلبها ،
وجلست مع البنات وهي فرحانه بشوفة خالد إللي بهالسنتين تغير
ودعت ربها إن قلبه عليها ماتغير ..
&&&
&&
&
جلست الحريم كانت هادئه ورآئعه ..
بينهم القهوه والتمر .. والشاي والفصفص ..
أم خلود : يالبى قلبهم ذا العيال مستانسين مره ..
أم مشعل : إي والله ، فرحانين ب هاشم مايعرفون عيال صغار
دايم الا مع بعض ..
أم خلود : ربي يسعدهم ياحلاة الصغار والله احيان أعقل من الكبار ..
أم مشعل : إي والله صادقه ، إلحين الكبار مجننينا ويبون أحد يربيهم ويداريهم أكثر من الصغار ..
أم خلود : ههه الله يعين ياوخيتي ، " وطالعت ل خلود " أم هاشم " أم هاشم من متى متزوجه فديتك ؟
أم هاشم : من 3 سنين ربي يسعدك ..
أم خلود : ماشاء الله تبارك الرحمن ، وكم عمر هاشم ..
أم هاشم : سنتين ياخاله ..
أم مشعل : عسى الله يخليه لكم ، مستانس مع نوره وحمود ..
أم هاشم : إي مسكين مانعرف احد هنا وفرح لما شافهم ، هم كم أعمارهم ..
أم خلود : هذولا طول الله عمرك ع الطاعة أعمارهم 3 سنوات وبينهم فرق يوم واحد بس ..
أم مشعل : ههه ذكرتيني بذاك اليوم ..
أم هاشم : الظاهر الوالده أول خاله أمل وبعدها جاتك إنتي الولاده ..
أم مشعل : إي والله لما قالو لي بالمستشفى والظاهر بتولد عمليه
خفت أنا ومن كثر خوفي جأتني الولاده الصباح ..
أم هاشم : سبحان الله ..
أم مشعل : وشلون حاتم ياأمل ؟
أم خلود : لبى قلبه ياني مشتاقه له
يتصل كل يوم يتطمن ، يقول بيجي على أخر الشهر ..
أم مشعل : يجي بالسلامه إن شاء الله ، هو كم باقي له ؟
أم خلود : هالسنه والسنه الجايه بحول الله ..
أم مشعل : إن شاء الله عسى ربي يوفقه وييسر أموره ..
أم خلود : اللهم آمين ..
أذن العشاء وأم محمد تحب تصلي أول مايأذن
وقامت تتوضى .. وبعدها البقيه قامو للصلاه جماعة مع بعض ...
&&&
&&
&
عائشة جالسه بغرفة نهله حاضنت نفسها ..
ماتبي تفكر وتشيل على أخوها لكن ماتمنت
مشاري يقول لهم وماتبيه يقول كذا قدام ناس أغراب ..
قررت تتصل على حاتم وتتطمن عليه ..
هو الوحيد اللي تعزه هو وخاله احمد غير عن البقيه ..
ودايم يتصل عليها او هي تتصل او يتواصلون مسن ..
إتصلت ومارد ..
سمعت الأذان راحت اخذت لها وضوء ولبست عبايتها ونزلت للبنات ..
دخلتهم عليهم وهم يلعبون ..
عائشة : ياحليلكم وش تسوون ..
خلود : نلعب ورق ، ليش لابسه عباتك الشباب نادو ؟
عائشة : لا بس رحت اخذ وضوء ولبستها بصلي فيها ..
نجلاء : ليش أذن ؟
عائشة : إيه من شوي ..
قامو كل البنات ياخذون لهم وضوء ويتجهزون للرجعه لبيوتهم ..
صلو هم بعد جماعه ..
ورجعوا يكملون لعب على ماينادون الشباب ..
شوي الا ومشاري متصل على نهله عشان الكل ينزل ..
ودعو بعض البنات وشكرتهم نهله على جيتهم
وتلبيتهم للدعوه وطلعو .. مابقى إلا نهاد وأختها ..
نزل الكل شافت عائشة بس سيارة بدر وخالد إستغربت ..
قربت من نجلاء : أخوكم وين ؟
نجلاء : مادري لحظه اتصل عليه ..
أما خلود وولاء توجهوا لسيارة خالد على طول ..
فتحت قدام خلود وولاء ورا ..
لكنها إنصدمت بشخص غريب ماقد شافته قدام ..
إستحت وقالت : آسفه ..
وسكرت الباب وطلعت عند ولاء وتحرك خالد
لبيت جدته عشان ياخذ أمه ويودي عامر على طريقه ..

نجلاء : هلا ، وينك ؟
أحمد : بسيارة اخو بنت الجيران تعالو لها ..
نجلاء : طيب ..
وسكرت منه وقالت : يقول بسيارة اخوك ..
عرفت عائشة مقصد بدر وتمنت تأخذ حقها منه هالحظه ..
الخطه إللي راسمها بدر إنه " بنات الجيران يركبون معه
وعشان كذا سوا كل هالتخطيط ويقهر عائشة إللي ماقالت له
اول مره إنهم بيروحون مع اخوهم "
فكرت عائشة تقول لمشاري يوديهم وتقهر بدر مره ثانيه بس إستحت ..
توهم بيروحون للسياره إلا جأ مشعل .. فرحت عائشة كثير وفكرت تنفذ خطتها ..
عائشة : نجلاء خلوكم هنا لاتتحركون ..
نجلاء : ليش ؟
عائشة : شوفوا انا بروح للسياره اللي توها موقفه ،
أول ماأركب تجوني إنتو وتركبون ورا ..
نجلاء بإستغراب : لا بس اخوي يقول معاكم ..
عائشة : ماعليك سوي اللي اقولك عليه وبس ..
تدخلت هديل وقالت : بس اخوي بيعصب إذا ماسمعنا كلامه ..
عائشة : إذا عصب إتصلوا علي وانا أبرر له ..
نجلاء : طيب ..
عائشة : بس الله يخليكم لا تخلون اخوي يحس عليكم اطلعوا من الحوش وتوجهوا للسياره على طول ..
البنات : طيب ..
راحت بسرعه قبل يطلع مشعل وركبت قدام ، سلمت عليه وسألته عن أخباره ..
إسمع مشعل بنات بيجون معي الحين ابيك تودينا بيتنا بعدين اقولك شسالفه ..
مشعل بعدم فهم : طيب ..
نزلوا البنات ، بدر كان نازل من السياره ومسكر الباب ومتسند عليه ويكلم ومايشوف من يطلع من البيت ..
طلعو البنات وركبوا سيارة مشعل وتحرك مشعل ..
وعرف على طول أحمد المقصد وفتح طاقة بدر عشان يكلمه ..
&&&
&&
&
عائشة بفرح كبير : ياه يامشعل
يعل الله يريحك بالدنيا والآخره يارب ..
مشعل بإبتسامه من فرح خالته :
آمين والجميع يارب ..
شوي ووصلوا للبيت ماكان في بعد كبير بين البيوت ..
مع يوم تحرك خالد من عند
البيت هم وصلو ..
مشعل : ماكأن هذي سيارة خالد ؟
عائشة : إيه اكيد خذا أمل ..
مشعل : خالتي امل عندكم ؟
عائشة : إيه وأمك بعد ..
نزلو البنات ونزلت عائشة معهم ..
قبل تسكر الباب قالت لمشعل : شوي وأجيك ..
هديل : عيوش وش السالفه ؟
عائشة : أبد طول الله عمرك على طاعته ، كل مافي السالفه
أبي أقهر أخوي واخليه واقف هناك عالفاضي ..
نجلاء : يالخطيره ، ومابيسوي فيك شي ؟
عائشة : إلا بيوريني الويل بس خليها على الله ..
البنات : الله يعينك ، يالله نشوفك على خير ..
عائشة : على خير ، وإذا قال اخوكم شي قولوا له إني ابي انتقم
من بدر وهو بيفهم ..
البنات : إن شاء الله ، في أمان الله ..
توجهوا البنات لبيتهم وراحت عائشة لمشعل ..
عائشة على طول قبل يقول شي : شوف ياوجه الخير ، خالك بدر اليوم فشلني
قدام ضيوف عند مشاري وأبي اقهره واخليه ينتظر هناك عالفاضي ،
هذا كل مافي الأمر ..
مشعل : يوه ، تحملي إللي يجيك منه ..
عائشة : امرنا لله ..
مشعل : والنعم به ، إلا من هالبنات ؟
عائشة : جيرانا توهم ساكنين وتعرفنا عليهم وجبتهم معي اليوم لجلسة نهله ..
مشعل : ماشاء الله ..
عائشة : مشكور يامشعل ماقصرت ، إنتظرني بنادي أمك تجيك ..
مشعل : ماسويت شي يالخاله تستاهلين كل خير ..
عائشة وهي نازله : تسلم يابعدي ..
ودخلت للبيت لقت موضي وامها وابوها ومحمد ونايف جالسين بالصالة ..
راحت تبوس رأس ابوها وامها ..
وجلست جنب ابوها ..
عائشة : موضي مشعل تحت ينتظرك ..
موضي قامت سلمت على اهلها وطلعت لولدها ..
موضي : في آمان الله ياجماعه ..
الجميع : في حفظ الله ، سلمي عالجميع ..
موضي : يصل إن شاء الله ..
ابو محمد : شلون الجمعه اليوم ببيت اختك ؟
عائشة : وناسه يالغالي غيرنا جو وضحكنا ولعبنا وكل شي ..
أبو محمد : الله يديم هالوناسه يارب ..
محمد : مو بدر موديك شلون جايه مع مشعل وين راح بدر ؟
ام محمد : إي صح وينه فيه مايجيبك هو ..
عائشة : خليته ينتظر هناك ، وقلت لمشعل يوديني عشان بالمره ياخذ أمه ..
أم محمد : تحملي اللي يجيك من بدر ، إنتي تتعرضين له وبعدين
يجرحك وتجلسين تبكين ..
عائشة : الله يعين ، يالله عن إذنكم تعبانه وبطلع انام ماودي بعشاء
بالعافيه عليكم لا أحد يصحيني ..
الكل الا نايف اللي باله بالبلاستيشن : الله معك نوم العوافي ..
عائشة وهي طالعه : الله يعافيكم ، يبه شوف حل لولدك هذا ترى
بكره نظره بيضعف مو زين كذا 24 على 24 بلاستيشن ..
نايف طالعها بغضب ووده يرميها ب البلاستيشن ..
أبو محمد : اصلا انا مقرر ومافي كلام إني بعد يومين ببدآية الإختبارات باخذه مافي بلاستيشن إلا بعد الإختبارات ..
عائشة وهي بنص الدرج : خير ماتسوي يبه ..
طلعت لغرفتها خذت لها دش سريع وحطت جوالها ع المنبه لصلاة الفجر ونامت ..
شوي وصل بدر وهو متوعد ياخذ حقه منها ..
دخل وسلم على أهله شوي وصل أحمد وتعشاء الكل وطلع لغرفته
لينهي يومه بركعتين يدعي ربه فيها ويتقرب إليه ويخلد للنوم ..
&&&& صباح جديد ويوم جديد ..
صباح يبدأ مع صوت الحق يعلو فوق كل بيت يوقض خلق الله إلى أداء صلاة الفجر ومع زقزقة العصافير ونسمات الهواء البارده ..
صحى أبو محمد لأداء صلاة الفجر بالمسجد ..
مر على أبنائه ليصلي كلن منهم ..
أبو محمد يطق باب غرفة أبنه محمد : محمد يابوك صلاة
إلحين بيقيم الإمام ..
محمد : صاحي يالغالي إلحين انزل للمسجد ..
توجه لإبنه أحمد قبل ما يطق بابه فتح الباب أحمد
وقبّل رأس والده ..
أحمد بإبتسامة مشرقة : صبحك الله بالخير يبه ..
ابو محمد : صبحك الله بالنور والسرور ، الله يخليك
ياوليدي ياأحمد دايم مو متعبني ومريحني ..
أحمد : الحمدلله يبيه اللي أبيه منك رضاك عني ..
ابو محمد وهو متوجه لغرفة بدر : راضي عنك يبه دنيا وآخره
الله يوفقك ويسعدك بالدارين ..
أحمد : آمين ، لاتنسانا من دعواتك يالغالي ، توكل للمسجد
انا بصحي بدر ونايف ..
ابو محمد : تسوي خير يابوك هالعيال يتعبوني بقومة صلاة الفجر ..
أحمد : الله يصلحهم ..
وتوجه لغرفة بدر ..
أبو محمد : آمين ..
وخرج للمسجد , واحمد دخل لبدر بعد ماطق الباب ..
سحب من وجهه الفراش : بدر بدر ..
بدر : هم
أحمد : قوم يالله صلاة مابقى شي ويقيم الإمام ..
بدر : طيب طيب ..
أحمد : وش طيب يالله قوم قال طيب طيب ..
بدر : يوه ماتخلون احد ينام ..
أحمد : قوم يالله وتعوذ من الشيطان
الرسول يقول " مَن صَلَّى الصُّبحَ فِي جَمَاعَةٍ
فَهُوَ فِي ذِمَّةِ اللَّهِ "
بدر : عليه الصلاه والسلام ، اعوذ بالله من الشيطان الرجيم ..
وقام متوجه للحمام " أكرمكم الله "
بعد ماتأكد احمد إنه دخل طلع متوجه لنايف ..
طق الباب ودخل ..
أحمد : نايف نايف ..
نايف : .......
سحب الفراش : نايف ..
نايف : نعم وش تبي تو بدري عالمدرسه ..
أحمد : وماهمك إلا المدرسه قوم يالله صلاه ..
نايف : بعدين بعدين ..
تو بيرد احمد شاف محمد طالع : محمد واللي يعافيك تعال صحي
هذا بروح اصحي عيوش ..
اول ماسمع طاري محمد نايف فز من فراشه وتوجه للحمام ..
" نايف يخاف من محمد لإنه الكبير وكلمته مسموعة
والكل يحترمه ويخاف منه ويقدره "
ضحك احمد وتوجه لغرفة عيوش لقاها صاحيه وتصلي
صحها المنبه ..
إنتظر نايف وطلعوا سوياً ..
&&&&
في مكان بعيد عن تلك المملكه ..
يرتب كتبه بعجل لإنه تأخر ومحاضراته تبدأ
مبكراً اليوم ..
أخذ جميع كتبه وكل مايحتاج وطلع سريعاً
ف أصطدم بفتاه ..
حاتم " يالله صباح خير وين رايحه ذي عرس
إستغفر الله العظيم " : أسف اختي ..
وتوجه للمصعد سريعاً فتوجهت معه ..
حاتم " ياربي وش جابها معي ريحة عطرها كتمتني
يارب الستر على بنات المسلمين يارب ". .
حاتم بقرف : وين تبين اختي ..
البنت بغنج : مثلك g ..
سكت حاتم وما رد عليها ..
إرتاح كثيراً أول مافتح المصعد
يريد أن يآخذ نفس ، توجه سريعاً بعيد عنها وأخذ نفس عميقاً ..
وتوجه للتاكسي المنتظره ليتوجه لجامعته ..
وتوجهت البنت لتاكسي آخر ..
عندمآ وصل لنص الطريق رفع عينيه ليشوف أين وصل ،
إنصدم بإن سيارة البنت تمشي ورآهم ..
وعندمآ أوقف التاكسي السياره عند الجامعه
وقف التاكسي اللتي تركبه بعد ..
عرف حاتم بإنها معه بنفس الجامعه ونفس الفندق والله المستعان ..
حاتم بهمس : ياربي هذي عربيه ومسلمه وكذا
يارب أستر على بنات المسلمين يارب ..
" البنت كانت عبايتها مزخرفه بكثره وقدلتها باينه
ومكياجها مبالغ فيه والعطر يمكن حاطه علبه كامله والله المستعان "
توجه حاتم لقاعته أما هي فتوجهت للإداره لتكمل أوراقها
اللتي إكتملت تقريبا ..
وجهتها الإداره لقاعتها وأدخلتها ..
فرحت الفتاه كثيراً عندما رأت ذالك الجالس المنشغل بكتبه
ولم يكن فراغ إلا بجانبه ..
إنتهى البارت الرابع ..

البارت الخامس ..

نزلت عائشة لأهلها لتشرب قهوة الصباح مع الجميع ك العاده ..
عائشة : صباح الخير ياأحلى عيله ..
الكل : صباح النور ..
إلا بدر إللي زعلان منها ..
توجهت لتقبل رأس والدها
ثم توجهت للمطبخ لتقبل رأس والدتها وتأتي بالقهوه معها ..
عائشة وهي تقبل رأس والدتها : صباح الخير يأحلى أم بالدنيا ..
أم محمد : صباح النور ، الحلوه رايقه مو اليوم إربعاء بكره إجازه ..
عائشة : ههه إي والله يالغلا تعبنا نبي نرتاح شوي بهالإجازه ..
أم محمد : الله يوفقكم ، خذي القهوه والتمر وديهم لأخوانك ..
توجهت عائشة لإخذهم : إن شاء الله يمه ..
وضعت التمر والقهوه ع الطاوله وجلست بجانب بدر ..
فإستغرب والدها ..
ابو محمد : عائشة تجلس بجنب بدر وش اللي صاير ..
عائشة : ههه لا ابد بس مليت من الجلسه جنب أحمد
قلت اجلس جنب بدوري اليوم ..
أحمد بزعل : افا تملين مني ؟
عائشة : ماعاش من يمل منك ..
همست لبدر : زعلان ؟
بدر : ..........
عائشة : والله ماكان ودي اسوي فيك كذا
بس وش اسوي إنت قهرتني بكلامك مره ،
وبعدين مشوار عليك ترجع موضي بالمره
جابني مشعل وخذا أمه ..
بدر : لا والله ، اقول قومي إنقلعي عند أحمد لا أنسفك الحين قدامهم ..
عائشة : لا خلاص بسكت ..
بدر : اسكتي ولا لاتسكتي حقي باخذه باخذه ..
عائشة بخاطرها : يارب يستر منك ، مادري شلون تعرضت لك ،
بس هو قهرني ويستاهل ، يوه خلني اعدي يومي على خير
واللي يسويه يسويه ..
فطر الجميع وقام محمد ليذهب لعمله ..
محمد : عيوش اوديك بطريقي ولا بتروحي بالباص ..
عائشة : عندك شغله قريب مدرستنا ؟
محمد : إيه ..
عائشة : أجل اروح معك احسن من لفلفة الباص اللي تجيب المغث ..
محمد وهو يقوم : أجل يالله قومي ..
نايف : يابختك لقيتي من يوديك ..
أحمد : وانت انا بوديك وش تبي بعد ؟
نايف بفرحه : احلف ..
أحمد : والله يالله قوم بس ..
طلع نايف ركض يجيب شنطته .. وعائشة قامت
تلبس عابيتها ..
خرجت هي ومحمد من البيت لقت هديل مستنيه الباص
عند باب بيتهم ..
عائشة : محمد هذي بنت الجيران بنفس مدرستي عادي اخليها تجي معي ؟
محمد : إي يالله عجلي ..
عائشة راحت بسرعه : هديل هديل ..
هديل : هلا هلا عيوش ..
عائشة : هلا فيك ، اسلم عليك بعدين ، اخوي بيوديني
للمدرسه تروحين معي ؟
هديل : دام مدرستنا وحده ليش لا ..
عائشة : أجل يالله ، شلونك هدى ؟
هدى : الحمدلله بخير ، إنتي شلونك عساك بخير ..
دق هرن محمد عشان تعجل ..
عائشة : الحمدلله بخير ، عن إذنك ياحلوه ، سحبت هديل معها وتوجهو للسياره ..
تحرك محمد وبعده على طول أحمد ..
بدر : يمه انا عندي محاضره اليوم الساعه 10 بطلع انام شوي وصحيني على 9:30 ..
أم محمد : إن شاء الله يمه ..
صعد لغرفته بدر وأبو محمد إستئذن لشغله ..
نادت الشغاله ام محمد تأخذ الأكل
وصعدت لغرفتها لتصلي ركعتين الضحى ..
&&&
نرجع لحاتم ..
فرحت الفتاه كثيراً عندما رأت ذالك الجالس المنشغل بكتبه
ولم يكن فراغ إلا بجانبه ..
توجهت له وجلست بجانبه ..
حاتم بنفسه : إستغفر الله العظيم أحس ريحة عطرها
عالقه فيني وكاتمتني ومو قادر اتنفس عدل ..
فإذا بالريحه تزداد ترك كتبه ونظر للذي تجلس بجأنبه فإذا بها هي ..
فتح عينيه على أخرها وبدأ يحس بكتمه فظيعه ..
فطلع من القاعه يأخذ نفس .. طلع ورأئه صديقه ..
بندر : شفيك حاتم ؟
حاتم : أحس إني مكتوم مو قادر اتنفس ..
بندر : ههه انت ريحة العطر بسرعه تكتمك والبنت
اللي داخله الله المستعان ..
حاتم بسرعة : تغير مكانك وتجلس انت عندها ؟
بندر : أبشر ..
دخل بندر وحاتم سوياً للقاعه وبعدهما الدكتور ..
عم الهدوء بالقاعه بعد الإزعاج ..
سحب حاتم كتبه وتبادل الأدوار هو وبندر مثلما أتفقا ..
البنت عندما رأت حركة حاتم تغيرت ملامحها من الفرح
إلى الحزن ..
بدأ الدكتور بالترحيب بها ك طالبة جديده ، ثم بدأ محاضرته ..
&&&
تقابل الثلاثي المرحب بل الرباعي ..
" عائشة ، ولاء ، نهله ، هديل "
سلمت كل منهن على اخرى ..
عائشة : نهول اليوم مقرره اروح بيت جدتي وانام هناك
تجين ؟
نهله : ليش لا مشتاقه لجده حيل ..
ولاء : وي وش بيوديكم هناك ، خلونا نروح سوق او حديقه او أي شي ..
عائشة : الجمعه إن شاء الله نطلع من بيت جدي ونمركم او تروحون معنا ونروح للسوق ..
ولاء : ههه ياحليلك مخططه ، أشوف اهلي إن وافقوا جيت معكم ..
عائشة بإبتسامة : أكيد ، أجل إجازه عالفاضي ..
نهله : هالإسبوع الجاي بتجي الإختبارات الشهرية للفصل الثاني الله يعين ..
البنات : آمين ..
عائشة : ماأصدق اخلص الثانويه ، ياي راحه بجلس سنة بالبيت ،
هذا إذا ماوقفت دراستي كلها ..
ولاء ونهله : نفس التفكير طفشنا ..
هديل : ههه وانا معكم اللي بتسوونه ورأكم ..
عائشة : يالله الجرس دق عالصفوف لا ننطرد ..
&&&
الساعه 9:30 ، توجهت أم محمد لغرفة إبنها بدر ..
طقت الباب جأها صوت بدر : صاحي يمه عساني ماأعدمك ..
أم محمد : ماشاء الله أشوفك صاحي من دون أحد يصحيك ..
بدر بإبتسامه : أبد يالغالية حطيت منبه خفت تروح عليك نومه وتنسيني ..
أم محمد : لا يمك ماجأني نوم وانا بصحيك ..
بدر فتح الباب ومعه كتبه وجاهز يطلع : ربي يسعد قلبك يالغالية ويخليك لنا ..
أم محمد : ويخليكم لي يارب ..
بدر : بيجوني خالد ومشاري عشان نروح سوى
عندك شي خفيف ناكله قبل نطلع ؟؟
أم محمد : أكيد يمه إلحين اجهز لكم فطور ..
قبل رأسها ونزلو للمطبخ سوياً ..
&&&