الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
شاشا2005
10-01-2022 - 02:41 am
ارجو من اللي تضبط الباشميل تعلمني صار لي فتره طويله وانا احاول اضبطه بس معاندني
يطلع عندي ماله طعم ولاذوق وخفيف


التعليقات (7)
نهر العطا
نهر العطا
انا عندي طريقه روعه وتضبط معي دايما
عزيزتي
اولا المقادير هذي اللي راح اذكرها اخلطيها كلها مع بعض
3ملاعق طعام كبيره حليب نيدو - 3 ملاعق طحين - قليل من الملح - قليل من البهارات وانا شخصيا استخدم بودرة مرقة الدجاج كنور .
بعد ما تحطين هذي المقادير في القدر خذي كاسين مويه ونصف
اول شي كاس مويه دافي صبيه عليها وحركيها الين ماتحسينها صارت متجانسه
وبعدين صبي كاس ونص مويه عاديه وحركيها
وحطيها عالنار وحركيها الين ما تصير كثيفه ولما تكثف حطي شوي قشطة قيمر
ان شاء الله تضبط معاك
وقولي لي ايش صار معك لما تسوينها

شاشا2005
شاشا2005
مشكوره ماقصرتي صدق طلعت جان
والاكثر انها عجبت ابو العيال...............

فراشة صغيرونة
فراشة صغيرونة
السلام عليكم ورحمة الله وبركاته ...
اني عندي اكثر من طريقة للباشميل .... بس اكثر شي اسوي هالطريقتين..
المقادير :
لتر ماء (4 اكواب )
4 ملاعق وسط طحين
8 ملاعق كبيرة حليب بودرة
ا جبن كاسات
4 ملاعق زبدة أو 2 ملعقة زيت زيتون او اي زيت نباتي انتي تستخدمينه ..
ملح وفلفل اسود حسب الرغبة
الطريقة :
نذوب الحليب والطحين في الماء (لازم الماء يكون دافئ ) ونتاكد ان الحليب والطحين كلهم ذايبين ..
نضيف الزيت والجبن والملح والفلفل ... ونخليها على نار هادئة ...
وبعدين نخليها تبرد اشوي علشان تتماسك ... عقب نسكبها على المعكرونة المجهزة مسبقا .... ونرش عليها الجبن المبشور ...
الطريقة الثانية :
المقادير:
لتر ماء (4 اكواب )
4 ملاعق وسط طحين
8 ملاعق كبيرة حليب بودرة
ا جبن كاسات
4 ملاعق زبدة أو 2 ملعقة زيت زيتون او اي زيت نباتي انتي تستخدمينه ..
ملح وفلفل اسود حسب الرغبة
الطريقة :
نحمر الطحين اول وبعدين نذوب الحليب في الماء ونضيف بعدين عليه الطحين والجبن والملح والبهار والزيت ونخليها على نار خفيفة لين ما تتماسك ....والباقي انتون تعرفون .....
اتمنى انكم تجربونها وتخبروني رايكم...

روح الفراش
روح الفراش
عندي طريقه معتاده عليها طعمها جنان
في الخلاط كل المقادير الجايه
4كاس ماء
8ملاعق كبار حليب بودره يعني لكل كاس ماء 2ملعقة حليب لوبغيتي زيدي الماء وزيدي معاه الحليب
5ملاعق دقيق
1بيالةصغيره زيت
قليل من الماجي الأبيض يعطيه نكهه خيال ماتتصورين
يطلع لون البشمل أبيض يفتح النفس حركيه على نار هادئه وبالعافيه حطيه على المكرونه وادهنيه بالبيض يطلع لونه رايق اشقر دعواتك حبيبتي

ام عبدالله **
ام عبدالله **
هذة طريقة اخرى للباشمل
4/3 كأس دقيق +2/1 كأس زيت تقلب على نار خفيفة وقبل ان يتغير لونها نضع عليها
3 كاسات ماء +3 ملاعق حليب
تقلب بسرعة حتى لاتتكتل ونضع الملح والفلفل الكمية حسب الرغبة
ندعها حتى تبرد بعض الشي ثم نكسر فوقها بيضتين
ارجو ان اكون افدتك

نجد11
نجد11
هذا الباشميل ممتاز معي وهوكوب ونص ماء+3ملاعق طعام حليب بودرة+3ملاعق طعام طحين ابيض+3ملاعق زيت+ملح(ملعقة وسط)وبعد ماتحركينه ويثقل قوامه توضع في كاس الخلاط الكهربائي وتوضع على الطبق وبالعافيه.

أفاق ونس
أفاق ونس
والله جوعتوني أم
:roseban2a

ساعدوني حفلات للأطفال
نصائح لإستعمال الأعشاب مع الأطعمة