دليل الشركات والاماكن. فالويب


المسافرون العرب




تبي ترجع لزوجها وأهلها رافضين آرائكم يافراشات

وشلون بنساك وشلون بنساك
تبي ترجع لزوجها وأهلها رافضين آرائكم يافراشات
07-12-2014 - 05:40 pm

السلام عليكم ورحمة الله وبركاته

مرحبا يافراشات لكل المطلقات والارامل والمتأخرات عن الزواج

محتاجين الى نصيحتكم ورأيكم في الموضوع

هذا موضوع لأحد اعز صديقاتي الي صايره لها المشكلة

البنت في حالة يرثى لها نفسيتها تعبانه مرررره

تطلقت من زوجها الاول عن طريق خلع بسبب انها تشعر بضيق وتصارخ كل ماتدخل بيتها

قرت عند مشايخ كثير وقالو لها ان فيها عين وحسد قوية

وسبب خلعها صارت مشكلة بينها وبين زوجها وارتفع صوتهم حتى ميد يده عليها

وعلمت اهلها وسووا سالفه واخذو بنتهم 6 شهور لين رفعو قضية وخلعوها منه

زوجها مازال يحبها حاول يكلمها بأكثر من طريقه بس ماكانت تبي تكلمه

رغم انها كانت تحكي لي انها ندمانه انها تطلقت منه

وبعد سنتين تزوجت بواحد ثاني سبحان الله تقول ربي عاقبني بزوجي الاول

كل صفه عكس صفات زوجي الاول موجودده بالثاني

في الفترة هذي كانت تفكر كثير بزوجها الاول وقررت خلاص انها تطلب الطلاق

من الثاني عشان ترجع للاول وخاصة ان زوجها الثاني كم مره يهددها بالطلاق وموريها نجوم القايله

وبخيل مايصرف عليها

اول ماقالت له عن الطلاق فرح مررره وبكل بساطه طلقها

رجعت لبيت اهلها وحكت لامها عن سبب طلاقها عشان تبي ترجع لزوجها الاول

وخاصة ان الاول مازال يبيها وكلمها واتفقو على كل شي وراح خطبها عند ابوها

وقامو اهللها طردوه وماعطوه فرصة يتكلم

الموضوع الحين له سنتين واقف وكل اهلها رافضين من اكبرهم لاصغرهم

والبنت نفسيتها تعبانه مرررررررره ومتدهوره كل يوم تبكي

بسبب طلاقها وكلام الناس ويوم جت تبي تبدا حياة وتعيش رفضو اهلها من غير اي سبب

الكل تدخل بالموضوع عشان يصلحون ولافايده كلم طليقها الاول لجنة الاصلاح

وكلمو ابو البنت اكثر من مره ولافايده

وش الحل يابنات انتم الرجاء بعد الله

هي تفكر الحين انها خلاص تتملك عليه وخاصة انها تعتبر رجعه وهي الحين محلله له بعد طلاقها الثاني بس تخاف على صحة ابوها الي ماجاب خبرها ولايصرف عليها

وخاصة ان البنت كبيرة وتبي تتزوج ويجيها عيال وغير كذا ظروفها صعبه عند اهلها

مايجيبون طلباتها وهي تصرف على نفسها

مرررره حزنتني

وش رايكم يابنات وش الحل

وقد سمعتو قصه مثلها وانفرجت وهل يصلح تتملك حتى لو اهلها رافضين




المشاركات

وفاء أنثى وفاء أنثى
تبي ترجع لزوجها وأهلها رافضين آرائكم يافراشات


وعليكم السلام ورحمة الله وبركاته

أولاً : بمآ إنها تطلقت من زوجها الأول بسبب عين قوية تعالجت هي الحـين عشآن ترجعله
عشان لولا قدر الله لو رجعتله ترجع المشاكل بينهم وتتطلق للمره الثالثه

ثانياً : هذي النقطه مهمه جدا عزيزتي هي تزوجت زوجها الثاني وفي بالها تتطلق وترجع للأول
يعني يعتبر الثاني مـحلل لها عشان ترجع للأول لأن التحليل حرام

ثالثاً : لازم تحاول مع أهلها لو تكلم أقرب أخوتها لها وتفهمه وضعها وإنهم يبون بعض
ولابد يكون في شخص يسمع لها وممكن يغير رايه
ويكون الواسطه بينها وبين أبوها

ثالثاً : إذا رفضوا أهلها رفض قاطع فالأفضل إنها ماتتزوج بغير رضاهم
ماتضمن الدنيا وش يصير لها والبنت مالها غنى عن أهلها

رابعاً : وأهم نقطة تصلي الاستخاره وتسعتين بالله وإذا فيه خير ربنا ييسره لها
لو كل العالم وقفوا ضدها

الله يكتبلها اللي فيه الخير


عجزت أنساك ~ عجزت أنساك ~
تبي ترجع لزوجها وأهلها رافضين آرائكم يافراشات


تقنع اهلها وتعرف اسباب الرفض

بنظري تسمع كلام ابوها


الرجال مالهم امان


ممكن ترجع له غصب اهله وبكره يرميها ومعها اطفال


بنظري تستخير وتدعي ربي يجيب لك الخيرتدعي باستمرار والحاح


وتنسى طليقها لو فيه خير ربي يجيبه لها


لاتعلق حياتها به


هوماضي وانتهى


اما اذكانت تشوف فيه صفات زينه مره وانوطيب


خلي احد كبيريتدخل شيخ وتنحل الامور


اوانا انصحها تقرى البقره يومي وتروح لراقي لان العين احيان تسبب هاللخطبه


حتى رفض الاهل يمكن من تاثيرالعين الي فيها


ووووووووووووووو توكل امرها لله وترضى بالمكتوب


وماتخالف اهلها ابدددددددددددددددددددا


الاهل مايتعوضون


باغية خير باغية خير
تبي ترجع لزوجها وأهلها رافضين آرائكم يافراشات


السلام عليكم

تعقيب على رد الأخت الغاليه وفاء الأنثى
اقتباس: ثانياً : هذي النقطه مهمه جدا عزيزتي هي تزوجت زوجها الثاني وفي بالها تتطلق وترجع للأول
يعني يعتبر الثاني مـحلل لها عشان ترجع للأول لأن التحليل حرام


التحليل يكون حرام في حالة الإتفاق بين البنت و الزوج الثاني على الطلاق قبل الزواج لغرض الرجعه للأول
لكن في حالة هذي البنت حسب القصة فوق إنه مافيه اتفاق مسبق وإنما البنت نفسها ما ارتاحت للزوج الثاني بعد ماتزوجت منه
وطلبت الطلاق. فا ماينبغي التسرع في إطلاق الأحكام والقول بأن مافعلته حرام. والله أعلم.

مالها إلا الدعاء وكثرة الإستغفار و الصدقــــــــه.
الله يصلح بالها ويسهل أمرها ويعوضها ويرزق جميع بنات المسلمين ويوفقهم


وشلون بنساك وشلون بنساك
تبي ترجع لزوجها وأهلها رافضين آرائكم يافراشات


المشاركة الأصلية كتبت بواسطة وفاء أنثى
وعليكم السلام ورحمة الله وبركاته

أولاً : بمآ إنها تطلقت من زوجها الأول بسبب عين قوية تعالجت هي الحـين عشآن ترجعله
عشان لولا قدر الله لو رجعتله ترجع المشاكل بينهم وتتطلق للمره الثالثه

ثانياً : هذي النقطه مهمه جدا عزيزتي هي تزوجت زوجها الثاني وفي بالها تتطلق وترجع للأول
يعني يعتبر الثاني مـحلل لها عشان ترجع للأول لأن التحليل حرام

ثالثاً : لازم تحاول مع أهلها لو تكلم أقرب أخوتها لها وتفهمه وضعها وإنهم يبون بعض
ولابد يكون في شخص يسمع لها وممكن يغير رايه
ويكون الواسطه بينها وبين أبوها

ثالثاً : إذا رفضوا أهلها رفض قاطع فالأفضل إنها ماتتزوج بغير رضاهم
ماتضمن الدنيا وش يصير لها والبنت مالها غنى عن أهلها

رابعاً : وأهم نقطة تصلي الاستخاره وتسعتين بالله وإذا فيه خير ربنا ييسره لها
لو كل العالم وقفوا ضدها

الله يكتبلها اللي فيه الخير
جزاك الله خير حبيبتي لا هي تزوجت الثاني على امل تبدا حياة ثانية ونست الاول خلاص ماكان بالنية ترجع له
لكن مشت الامور بغير الحسبان
وكل الاهل الي حاولت يكونون وسط خير كل واحد يقول مالي دخل
ووضعها مع اهلها صعب يعني تشوف العذاب منهم عشان كذا البيت والزوج استر لله

ومشكوره حبيبتي على مساعدتك


وشلون بنساك وشلون بنساك
تبي ترجع لزوجها وأهلها رافضين آرائكم يافراشات


المشاركة الأصلية كتبت بواسطة عجزت أنساك ~
تقنع اهلها وتعرف اسباب الرفض

بنظري تسمع كلام ابوها


الرجال مالهم امان


ممكن ترجع له غصب اهله وبكره يرميها ومعها اطفال


بنظري تستخير وتدعي ربي يجيب لك الخيرتدعي باستمرار والحاح


وتنسى طليقها لو فيه خير ربي يجيبه لها


لاتعلق حياتها به


هوماضي وانتهى


اما اذكانت تشوف فيه صفات زينه مره وانوطيب


خلي احد كبيريتدخل شيخ وتنحل الامور


اوانا انصحها تقرى البقره يومي وتروح لراقي لان العين احيان تسبب هاللخطبه


حتى رفض الاهل يمكن من تاثيرالعين الي فيها


ووووووووووووووو توكل امرها لله وترضى بالمكتوب


وماتخالف اهلها ابدددددددددددددددددددا


الاهل مايتعوضون
اسباب الرفض انه ضربك وخلاص وهي كانت تتشكى منه ويقولون الحين وش تبين فيه محد فاهم ان المشكلة كانت عين وكان الي تقوله غصب عنها
وفعلا كلامك صحيح كل اسباب هاللخبطة بسبب هالعين
جزاك الله خير حبيبتي على مساعدتك


وشلون بنساك وشلون بنساك
تبي ترجع لزوجها وأهلها رافضين آرائكم يافراشات


المشاركة الأصلية كتبت بواسطة باغية خير
السلام عليكم

تعقيب على رد الأخت الغاليه وفاء الأنثى
اقتباس: ثانياً : هذي النقطه مهمه جدا عزيزتي هي تزوجت زوجها الثاني وفي بالها تتطلق وترجع للأول
يعني يعتبر الثاني مـحلل لها عشان ترجع للأول لأن التحليل حرام


التحليل يكون حرام في حالة الإتفاق بين البنت و الزوج الثاني على الطلاق قبل الزواج لغرض الرجعه للأول
لكن في حالة هذي البنت حسب القصة فوق إنه مافيه اتفاق مسبق وإنما البنت نفسها ما ارتاحت للزوج الثاني بعد ماتزوجت منه
وطلبت الطلاق. فا ماينبغي التسرع في إطلاق الأحكام والقول بأن مافعلته حرام. والله أعلم.

مالها إلا الدعاء وكثرة الإستغفار و الصدقــــــــه.
الله يصلح بالها ويسهل أمرها ويعوضها ويرزق جميع بنات المسلمين ويوفقهم
كلامك صحيح
جزاك الله خير حبيبتي

والله يكتب الي فيه الخير

وين باقي البنات


هدوء جرح هدوء جرح
تبي ترجع لزوجها وأهلها رافضين آرائكم يافراشات




.
وَ عليكم السلآم وَ رحمة الله وَ بركآته "


صاحبتك موش محتاجه زوجها الاول ولا الثآني "
صاحبتك محتآجه وجود رجل حقيقي يحميها وَ يأمن لها الراحه ويصرف عليها
يحسسها بكيانها وَ انوثتها أقدر شعورها وَ احترمه لأن اصلاً كل أنثى متزوجه او غير متزوجه تحتاج لهذا الشعور 3>
العَين أحد الأسبآب وليست سبب رئيسي لـ مشكلة صاحبتك في طلاقها الأول
ربما كانت هنآك اسباب اخرى فاقمت من الوضع ربما صاحبتك اصيبت بشي عصبي او نفسي

ممم المشكله أكيد كبيره انا مَ اقدر احكم ربما اهلها غلطانين يمكن هو طليقها غلطان
ممكن هي نفسها غلطانه "

فيه مثل يقآل وينطبق عَ صاحبتك
رب يوم بكيت منه فَلما صرت فيه غيره بَكيت عليه

اهلها معاملتهم موش كويسه صح ؟
لكَن خلينا نكون منصفيين
لما طلبت الخلع مين ساعدها ؟ اهلها
لما تطلقت من الاول من استقبلها في بيته ؟ اهلها
لما تزوجت الثاني وَ تطلقت من استقبلها ؟ اهلها

اهلها ساعدوها صدقيني في أهل ولا طقوا خبر لـ بناتهم ولا اهتموا لهم وهددوهم ان تطلقوا مَالهم عيشه معهم
اهل صديقتك وانا كانوا موش كويسين ولا بالشكل المطلوب الأ انهم ساندوها بالكثير

وَ كيف تتملك عَ شخص اهلها رافضينه بشكل قاطع ؟
ليه تسوي كذآ والله مَ يستدعي تبيع اهلها لأجل رجآل
لو حصلت وَ تزوجت طليقها بدون موافقه ولا رضا اهلها مَ راح تعيش سعيده مستحيل
لان كيف يهنا لها بآل وتنام واهلها موش راضين عنها والله حرآم حرآآم :(

تبغيه تحآول باللين فقط لا تفرض عليهم الواقع ...الاهل فرض الواقع يألمهم يجرحهم
قولي لها لو بنتك كبرت وَ تزوجت وَ تطلقت لاقدر الله لسسبب ققوي وانتي ساعدتيها لين تتطلق وتعيش معاك

وبعدين بنتها قالت ابغى ارجع له !! وبتزوجه غصباً عنك
وش موقف صاحبتك من بنتها وقتها ؟ :(
الله لا يحطها ولا بنتها في هَ الموقف ولا بنآت المسلمين يَ رب

خل تتخيل الموقف في بنتها تشوف وتقيس

اما زواج رغماً عن اهلها لأ يَ اختي وش يدريها لو سوتها احتمال كبير
لو رجعت واهلها موش راضين لاحدثت مصيبه ولا مشكله بينها وبينه من جديد
اهلها مَ راح بيوقفون معها ويمكن موقفهم يكون " طبخن طبختيه اكليه " !
؟ الأ الاهل الأ الاهل
~

الزوج يعوض بأخر لكن لو راحوا الأهل من يعوضهم ؟
تقولين اهلها مو مره
ترآ حتى زوجها الاول مَو مره ترآه ضربها
زوجها الثاني الله يستر عليه =P

هي تبغاه اوك مَ قلنا شي تحآول كما قلت سابقاً باللين بالطيب تستخير تدعي تدخل ناس اكثر من مره تطيع اهلها وً تسوي الي يبغونه تحاول تحاول لين يرضون هم
مَ نفع خلاص ؟ ترضى بـ قضاء الله وَ قدره تتقرب من ربها اكثر واكثر

تنساه ولا تذكره الا بالخير وَ تحاول تدور شغل ولا تسوي مشروع لها او حتى حافز او من الشؤون يصرف للمطلقات راتب
تحاول تطلع من بيت اهلها مجمع صديقات لو مَ رضوا تطلع تخلق لها جوها في بيت اهلها تمارس هواياتها تملي وقتها بالاشياء المفيده والطاعات (L)

طبعاً كل مَ ذكرته هي وجهة نظري وابداء رأيي بمشكلة صاحبتك ولا افرض رأيي عليها نهائياً
والله يوفقها وَ يستر عليها دنيآ وَ آخره




الجازي 333 الجازي 333
تبي ترجع لزوجها وأهلها رافضين آرائكم يافراشات


الله يجزاك خير وش نشاط لجنة الاصلاح هذي

ياليت تعطيني رقمهم


نور الأمير نور الأمير
تبي ترجع لزوجها وأهلها رافضين آرائكم يافراشات


تقبلى تحياتى اختى الغالية مصارحتك له اولى خطوات تخطى مشكلاتك وبعد ذلك
يأتى دور المتخصصون بالعلم والمعرفة للاستشارة والنصيحة وحل المشكلات التى تواجهنا فى حياتنا اليومية لمعرفة طرق التغلب عليها .
وهنا انصحكم اخواتى واحبائي بخدمة الاستشارات العاطفية والأسرية.
تعارُف، وتعاطُف، وتآلُف، وتكاتُف ونصائح واستشارات عاطفية واسرية لجميع مشكالنا اليومية
اكتشف نفسك وحلّ مشكلاتك الآن معمستشار العواطف والاسرة
ونساعدك فى تخطى المواقف الصعبة المختلفة في حياتك اليومية والأسرية ..
راسلونا الآن على 6877 اتصالات الإمارات


موضوع مغلق

تم غلق المشاركة على المواضيع القديمة، ولكن يمكنك فتح موضوع جديد للمناقشة او الاستفسار والمشاركة.


Share

تبي ترجع لزوجها وأهلها رافضين آرائكم يافراشات




بشرى سارة لكافة عضوات ورواد منتديات العرب الفراشة حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق elfrashah.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وسوف يتم نشر 500,000 ألف موضوع 5,000,000 مليون مشاركة وأكثر من 2,000,000 مليون صورة ما يقرب من 5,000 GB من المرفقات وهي إجمالي محتويات منتديات الفراشة للاستفادة منها والتفاعل معها كحق اساسي لكل عضوة قامت بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, منتديات الفراشة على Facebook