الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
abo0or
09-12-2022 - 07:38 pm
السلام عليكم فراشاتي
اتمنى تكونو بصحه وعافيه وخير يارب
انا سبق لي الزواج وتطلقت بعد ما علقني 6 سنوات الحمد لله ارتحت واخيرا
في واحد سعودي انا قدمت عنده اوراق اختي عشان تتوظف وفاتحني بموضوع الزواج وقال انه بيخطب رسمي ومستعد وجاهز وقلتله اني مطلقه وقال ماعنده مانع حسب كلامه اني عجبته وانه انسان مايلعب
انا بصراحه يا بنات مابي اتزوج خبط لزق ضربتين بالراس توجع طلبت اني اخذ فتره بسيطه ماتزيد عن ثلاث اسابيع عشان اعرفه شوي بالتلفون طبعا صار لي اسبوع ومو شايفه فيه اي شي بس برضو خايفه ومو عارف كيف اعرف انه كويس ولا مو كويس و تجيني افكار اقول يمكن يقلب بعد الزواج هل راح نتفق بما انه سعودي و "انا مو سعوديه" يمكن الشخصيه ذي كلها تروح تختفي بعد الزواج واكتشف شخص ثاني ....راسي قام يعورني من التفكير واحس اني مشوشه وتجيني نوبات بكى من الخوف
شسوي ..؟؟


التعليقات (9)
باغية خير
باغية خير
أول شئ خليه يتقدم لك رسمي عن طريق أهلك
وتسألون عنه في مكان عمله و حارتهم و إمام مسجدهم
واستخيري ربك و ادعيه
أما معليش ياخذ رقمك وتجلسي تكلميه بالتلفون تعتقدين إنك بهالطريقه راح تعرفينه غلطانه
الله يوفقك ويسهل أمرك

abo0or
abo0or
يسلمو يا اخت باغية خير
زواجي الاول سالنه عنه وكلن مدحه وبالاخير طلع راعي شرب
هو بس يبيني اقوله يتقدم وماعنده اي مشكله بس انا طلبت هالشي ماني عارفه بيفيدني ولا لا

سـۈسـﮧ
سـۈسـﮧ
وعليكم آلسلآم ورحمه الله وبركآته ..
مآدري صرآحه أنآ مع بآغيه بردهآ ،، ولآتزعلين مني بس طريقتك غلط إنك تكلمينه عشآن تعرفينه ،،
وتفكير آلسعوديين أكثرهم طبعاً إن إللي تكلمه ،، ممكن تكلم غيره بعدين ،، فهآلشي مآآآآره غلط ،،
ممكن يخليه يشك فيك بعدين ،، فمن رأيي تبطلين تكلمينه ،، وتخلينه يتقدم لك رسمي ،،
وطبعاً لآ أوصيك بآلإستخآره ،، وإدعي الله بآلليل إنه لو كآن هآلإنسآن فيه خير لك ربي يجمعكم ،،
وإذآمآفيه خير يبعده عنك ،، والله يوفقك ،، ويكتب لك إللي فيه آلخير ،،
ويحقق لك كل شي تتمنينه ،، ربي يسعدك

عجزت أنساك ~
عجزت أنساك ~
اول اقطعي الطريق به لانه حرام
واذ جاد خليه يتقدم رسمي رغم احس انه موجاد
وانا سعوديه واعرف عيالنا وربي مايجي من هالباب الا لعاب يعني مايبي الزواج او معليش سكران ولامحشش مالقى سعوديه وافقت عليه
انا ماانزل من قيمه الاجانب لاوربي بس اعرف شبابنا وخباثتهم
شيطانين بصوره اوادم
طبعا نفرض انه جاد وتقدم رسمي هنا تجي دورالاستخاره والاستشارره
والسؤال عنه عند اقاربه وجيرانه وامام المسجد
وهالشي الي يحكم توافقي ولا لا

وفاء أنثى
وفاء أنثى
وعليكم السلام ...
أولاً :
النقطة المهمة عزيزتي أبدا المكالمات مو كافيه عشان تتعرفي عليه
ثانياً :
كلميه يخطبك من أهلك وبعدها أسألوا عنه بدقه
يعني بمككان عمله والمسجد والناس البعيد قبل القريب
وشوفي رأي أبوك وأخوانك لأنهم اعرف بالرجال
ثالثاً : إذا شفتي إنه مناسب لكِ توكلي على الله ولاتخلي التجربة
السابقة تأثر عليكِ وأبدا لاتعممي نتيجة الزواج الأول
لأنه الناس مو زي بعض
ولعل الله يكتب لك خير في هذا
الله ييسرلك اللي فيه الخير

تاجره الجبيل
تاجره الجبيل
يااختي لو جاد يجي يخطبك من اهلك وبعد الخطوبه اوالملكه كلميه على راحتك
بس الخطوه الاولى انه يتقدم رسمي لأهلك ويطلبك منهم
الله يوفقك

نور الأمير
نور الأمير
تقبلى تحياتى اختى الغالية مصارحتك اولى خطوات تخطى مشكلاتك وبعد ذلك
يأتى دورالمتخصصون بالعلم والمعرفةللاستشارة والنصيحة وحل المشكلات التى تواجهنا فى حياتنا اليومية لمعرفة طرقالتغلب عليها .
وهنا انصحكم اخواتى واحبائي بخدمة الاستشارات العاطفية والأسرية.
تعارُف، وتعاطُف، وتآلُف، وتكاتُفونصائح واستشارات عاطفية واسرية لجميع مشكالنا اليومية
اكتشف نفسك وحلّ مشكلاتك الآن معمستشار العواطف والاسرة
ونساعدك فى تخطى المواقف الصعبةالمختلفة في حياتك اليومية والأسرية .. راسلناالآن على 6877 اتصالاتالإمارات

*حـــ حمودي ــبي *
*حـــ حمودي ــبي *
انا مع الاخوات غلط اللي سويتيه خليه يتقدم رسمي وبعدين تعرفي عليه على راحتك

* أنين الروح *
* أنين الروح *
الله يوفقك ويسخرلك يارب

للتذكير للأهمية مواطن و أحوال فرج الله همومكم
وصفهہ للسحر المرشوش عند الباب للشيخ ناصر الرميح حفظهہ الله