دليل الشركات والاماكن. فالويب


المسافرون العرب




الموضوع اليوم عن الأستهزاء باللي ما تزوجت و الأستهزاء بأنها كبيرة

emerald_touch emerald_touch
الموضوع اليوم عن الأستهزاء باللي ما تزوجت و الأستهزاء بأنها كبيرة
09-12-2014 - 08:39 am

وش رايكم في بعض الناس اللي تستهزء بالبنت اللي ما تزوجت وانها كبيرة و مافي رجال ياخذها و ان اللي في عمرها و اغلب الرجال متزوجين و انك ما راح تلاقين رجال اعزب او مطلق بدون اطفال
و طبعا اولهم الأقارب بعدين الخطابات اللي بعضهم تعترض علي امر بها و تقول كل الرجال الحين متزوجين مافي رجال و اخر حد للعمر يطلبة الرجال 30 سنه

مثلا انا دقيت علي خطابة و قالت انا اللي عندي كلهم صغار مافي رجال بيون يعني كانها تقول افهمي
وحدة ثانية تقول امرك قريب و تتشرطين بعد اعزب او مطلق بدون اطفال اصلا مافي رجال للي تعدي ال30 سنه هاذي قهرتني حسبنا الله و نعم الوكيل الله يأخذ الحق منها الله لا يوفقها
و الكثير الكثير
وحدة رفضوها لأن وزنها زايد عن اللي طلبوة 2 كيلو
و غيره كثيرا
و اكيد في منا من مر بهاذي التجارب




المشاركات

مشاعر88 مشاعر88
الموضوع اليوم عن الأستهزاء باللي ما تزوجت و الأستهزاء بأنها كبيرة


لا حول ولاقوة الا بالله
الله يعوض صبرك
بالزوج الصالح
ربك كريم
معلكي منهم الرزق مو بيدهم
بيد ربنا الرحيم الكريم


Bride en sha2 allah Bride en sha2 allah
الموضوع اليوم عن الأستهزاء باللي ما تزوجت و الأستهزاء بأنها كبيرة


الحمدلله الرزق مو بيدهم

ايوا اتشرط واطلب واتمني وادعي بكل شي نفسي فيه مافي شي صعب علي رب العباد والله هيا الي امرها عجيب ... اشبو الرزق بامرها ؟

لاتعليق علي دي المواقف صراحه ولا افكر اقهر نفسي لان الي تتشمت علي بالها ضامنه نفسها .. محد يدري بكره ايش يصير

وبعدين مو شرط انتي يا فلانه متزوجه او مخطوبه و انا لا يعني انتي اسعد مني ؟؟
الزوج مو هو السعاده المطلقه !!

وسعي صدرك وعيشي حياتك ^^


التوووونه التوووونه
الموضوع اليوم عن الأستهزاء باللي ما تزوجت و الأستهزاء بأنها كبيرة


النصيب يصيب زي ما يقولوا
يعني الوحده ما تدري وين نصيبها وايش الله كاتب لها بس دايم الحمد الله ع كل حال وامر نؤل اليه

يا عمري انتي بس حساسه حبتين انتي قلتي انهم خطابات يعني هذي شغلتهم وياخذوا عليها فلوووس ويمقن هي صادقه كل الطلبات الي عندها تجبرها انها تقولك هذا الكلام

بعدين يا قلبي انا سمعت معلومه من فتره ما يصير الواحد يتحسب ع احد الا اذا كان ظالمه ظلم شنيع انا اشوف انه كلامها ما يخليكي تاخذي ذنب بسبته

يا قلبي والله ما تدرين وين السعاده ومن قالك ان كل المتزوجات مبسوطات با العكس في حريم ما كلت تبن

وتتمنى انها ما تزوجت وع قولة الاخت الي قلبي السعاده مو بزواج

السعاده براحة البال وهذا اهم شي
وتاخرك بزواج ما تعني انك في هم او ناقصه با العكس
وكل تاخيرها وفيها خيره


والله بنت خالي عمرها 35 وتزوجت العام بشاب عازب وكانت تنخطب للشياب ومتزوجين وكانت ترفض لين ربي رزقها





شفتي كل تاخيرها وفيها خيره

خلي عندك حسن الظن با الله
انتي احمد الله ع كل حال وادعي ربك الخيره في كل امر

سهل الله امرك ياربي


المنتظره الفرج من الله المنتظره الفرج من الله
الموضوع اليوم عن الأستهزاء باللي ما تزوجت و الأستهزاء بأنها كبيرة


ليش الحق يزعل ؟؟؟

اختي هي صادقه وترا انا مثلك لي سنه اتشرط واخرتا رضيت بالامر الواقع
وبعدين ليه تشرطين مافيه اطفال وش فيها لاتزعلين بس مااخبر تجارب
وحده اخذت مطلق باطفال شايلها من الارض شيل دلع وهي كبرك
لازم نقدم تنازلت البنات مو سوا ولاحضوضنا سوا بالنسبه لي رضيت بالتعدد لو يجيني معدد وافقت لان هذا الوااااقع للاسف


وفاء أنثى وفاء أنثى
الموضوع اليوم عن الأستهزاء باللي ما تزوجت و الأستهزاء بأنها كبيرة


لآتلتفتي للآستهزاءات والسخرية اللي يرمونها عليك الناس
سبحآن الله عجيبين كأنهم وآثقين إن حآلهم مآبيتغير ووآثقين إن
رزقك خلاص آنقطع آستغفر الله
يآحبيبتي الأرزآق بيد رب العالمين
وش يعني تعديتِ ال30 تتزوجين اي وآحد ؟؟؟
ترمين نفسك بس عشآن الناس حكمتِ عليكِ إنك كبيره
لآ وألف لآ

مآآآافيه شي بالدنيا مستحيل إلا الاستحآلات الكونيه
والأشياء اللي ماتقبلها عقولنا ولايقبلها المنطق عند الله تتحقق
في قول كن

وآلله الذي لاإله إلاهو إني أعرف وحده حق المعرفة
تزوجت وعمرها 53 سنه!!!!
بوآحد مطلق من بعد الملكه

ووسط آندهاش الناس بس ليه ؟
لأن هذا رزقها اللي الله وعد إنه يجيها قبل ماتستوفي أجلها
قآل تعالى (وفي السماء رزقكم وماتوعدون
فورب السماء والأرض إنه لحق مثل ماأنكم تنطقون )
أقسم سبحانه إن الرزق في السماء عنده
مو بيد آحد غيره وبيجيك بيجيك اليوم وإلا بكره وإلا بعده
مآحد يدري متى يجي ولآوش نوعه كله بعلم الغيـــــب..
لآتخلي الناس تهز ثقتك بربك بكلام مآآآله دآعي
(لاتموت نفس إلا وقد آستوفت أجلها ورزقها )

ثقي بآلله وآحسني الظن به وآطلبيه يرزقك رجل مناسب لك لأنه سبحانه أعلم باللي يصلح لنا
الله ييسرلك أمرك ويرزقك الزوج التقي الغني


emerald_touch emerald_touch
الموضوع اليوم عن الأستهزاء باللي ما تزوجت و الأستهزاء بأنها كبيرة


المنتظره الفرج من الله
لو حابة مطكلق بدون اطفال و اهلك يرضون عن طريق خطابة في كثير مطلقين بالأطفال انا ما اعترضت علي الأطفال بس اطفال الغير مسؤولية كبيرة و حتي لو صار لهم شيء انت المسؤوله عنهم
و يمكن اهل الزوج يحرضون الأطفال عليك
بنت جيرانا تزوجت واحد عنده بنتين 5 و 6 و ربتهم و لما وصلوا المتوسط سمعت البنت الكبيرة تكلم رجال و لما قالت لأبوها الأب ما شاف علي البنت شيء و قام يضرب في بينت جيرانا و هي خايفة علي بناته و طبعا طلقها اكثر من مرة بسبب بناتها غير انه اهله يحرضون البنات عليها
يعني اطفال غيري مسؤولية


بنتevil بنتevil
الموضوع اليوم عن الأستهزاء باللي ما تزوجت و الأستهزاء بأنها كبيرة


طيب لين متى راح استني وش اسوي يعني ؟؟؟؟كلامك صح رزق بيد الله لكن نظرات ناس ما ترحم وكانو فيك عيوب الأرض وبصراحة كمانت الأهل ما يرحمون يطلعوك انت سببب في حال عدم عودة عريس طيب وش اسوي ؟؟؟؟ والخطابات حسبنا الله عليها ترمي كلام ليك ومو عجبها تقولي استني يلي يعجبك وانا كمان ما ابي مطلق بأولاد ولا متزوج ولا اتخيل نفسي صراحة متزوجة نوعية هادة لأنو مطلق باولاد ورطة ومتزوج ورطتين هاي اقعد استني احسن


بريق الماس 26 بريق الماس 26
الموضوع اليوم عن الأستهزاء باللي ما تزوجت و الأستهزاء بأنها كبيرة


للاسف هذا اللي حاصل
و ان كان موجود رجل فوق ال 30و لم يتزوج بعد فهم قله
لنكن واقعيين

الخطابه قالت اشياء من اللي تشوفها هي ادرى بطبيعة عملها و طلبات الناس
لكن
اسلوبها بالرد بقسوة غلط

كذلك الاهل من قهرهم على بنتهم ممكن يقولونه
الله يسامحهم

و الاقارب و الناس لا يهمونك انتي جالسة على قلوبهم؟؟


بانتظار الامل دائما بانتظار الامل دائما
الموضوع اليوم عن الأستهزاء باللي ما تزوجت و الأستهزاء بأنها كبيرة


للاسف انها صادقه انا مره خطبني واحد فوق الاربعين ومدحوا فيه ومو هو اللي خطب قريبته كلمتنا وماتدري انه عازف عن الزواج وتعذر بعذر تافه الخلاصه اللي عزاب
ومتاخرين رافضين الزواج والمطلقين يبغون خدامه للعيال والمتزوج يتزوج اليوم ويطلق بكره وحسبنا الله سيويتينا الله من فضله
من الموبايل


موضوع مغلق

تم غلق المشاركة على المواضيع القديمة، ولكن يمكنك فتح موضوع جديد للمناقشة او الاستفسار والمشاركة.


Share

الموضوع اليوم عن الأستهزاء باللي ما تزوجت و الأستهزاء بأنها كبيرة




بشرى سارة لكافة عضوات ورواد منتديات العرب الفراشة حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق elfrashah.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وسوف يتم نشر 500,000 ألف موضوع 5,000,000 مليون مشاركة وأكثر من 2,000,000 مليون صورة ما يقرب من 5,000 GB من المرفقات وهي إجمالي محتويات منتديات الفراشة للاستفادة منها والتفاعل معها كحق اساسي لكل عضوة قامت بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, منتديات الفراشة على Facebook