الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
m.azoz
09-12-2022 - 12:39 am
  1. طبعا ببدأ على طول وبختصار شديد انا الحين صارلي من تطلقت 5 شهور اوكيه

  2. لين جا يوم العصر فلانه ابطلقك طالعته قلت ليه قال تعبت من هالوضع


السلام عليكم بنات

طبعا ببدأ على طول وبختصار شديد انا الحين صارلي من تطلقت 5 شهور اوكيه

طبعا بالنفاس صارت بيني وبين زوجي مشكله وكان غلطان اوكيه مشكله تافهه لايروح فكركم بعيد موخيانه بس زعلت وزعلت كثير كثير من هالغلط وماتحملت متخيلين الوقت والد وخيوط وبيبي جديد والصدمه اللي عرفتها
طبعا استجنيت اهلي دروا اهله دروا طبعا اهله عاتبوه على غلطه ... واهلي عاتبوه على غلطه طبعا زوجي مايعرف رومنسيه ماعرف يمتص غلط ماعرف يجيب ورد شي مايفهم مايعرف يتصرف الله يهديه اوكيه اعتذر بس مدري مدري انا بنت ابي احس انه ندمان ماحسيت بذا الاحساس
طبعا بعد هالسالفه قعدت اسبوعين ببيتنا او اكثر لين خلصت النفاس ورجعت الشقه والنفوس تعبانه
طبعا اسبوعين اللي جلستها بالشقه كان الجو متوتر وانا موحوله بيبي جديد وكنت شبه متضايقه منه خلال هالاسبوعين طبعا توترت الاوضاع بشكل

لين جا يوم العصر فلانه ابطلقك طالعته قلت ليه قال تعبت من هالوضع

قلت انا قلت ماراح اسامحك قلت عطني فرصه مع نفسي لين بكره افكر وافكر واسكر الموضوع ... قال لالالا تعبت والله تعبت زي اللي بيبكي :/ قلت طلقني الحين لاني لاطلق ماراح اطلع طول العده قال لا بجيب الورقه السبت مومطلق انا الحين
فرحت انا قلت يمدي اروح بيتنا ونحل المشكله على مايجي السبت الله يلحقنا خير
المهم جهزت شنطتي ورحت لمنطقة اهلي تقريبا ساعه ونص لين وصلنا
بس نزلت بيتنا لقيت مسج :
انتي طالق والله يستر عليك
وين الحب راح ؟؟ وين العشره سنتين راحت ؟؟؟ وين حبك لولدك راح؟
بس كذا ماعرفت تتصرف وقلت بتطلق على اساس كلش الحين بتحل مشكلتك ؟؟
راح تدخل بمشكله اكبر
المهم بعد الرساله بكم ساعه رسلتله من جدك تطلق وكنت ابكي ليه موحرام عليك فوق زعلي منك من قبل تجرحني ليه يافلان ليه
لارد رتعليق طبعا طليقي بارد عنيد يعني حتى قبل لما تصير بيني وبينه ومشكله ويوديني بيت اهلي لين نحل المشكله مايرد على رسايلي يقال بيأدب
طبعا بعد كم يوم وجاب ورقة طلاقي طلقه آه
مرت شهر بالعده لايرسل لايكلمني ولا شي ساحب على وانا كنت مصدومه صدمه ليه هالطلاق عشان مشكله عاديه ياما تذابحنا ياما تزاعلنا ياما وياما
بس ابليس شاطر ونجح بالتفريق حسبى الله على ابليس
لين جا اليوم بالعده وكلمته عتاب عتاب عتاب عتاب عتاب
طبعا قلتله ليه ماشفت ولدك للحين
لان ابوي بعد ماجاب الصك قال خلاص ذا بايع بعد اسبوع ارسل طليقي للوالد ابي اشوف الولد رد ابوي :
هاذا حقك بس رتب زياراتك عن طريق المحكمه؟ ابوي رده فيه شي لا طبعا
يوم قلت ليه ماشفت ولدك قال :انا مابي اروح محكمه وحوسه يمكن نرجع بالعده ولا انا ميت مشتاقله كل ليله ابكي عليه
لا انتهت العده على طول بروح محكمه وارتب اموره ونفقه وكل شي
وانتهت العده لاحس ولاخبر ولا شي
طبعا اهله ماشافوا مني الا كل حب واحترام وخير ماشافوا مني اي مضره ومتأكده ضايقه صدورهم علي ومتأكدده مختزين من ولدهم ولا اتوقع راضين انه مايشوف ولده لان متأكده يبون حفيدهم يشوفونه
آآآآآآآآآآآآآآآآآآآآآخ
من انتهت العده الحين شهر وزياده اتوقع لاشاف ولده لانفقه لاشي
معقوله قدر يتحمل فقد ولده اوكيه كيفي انا بالطقاق لاترجعني
ولدك طيب وين لهفتك عليه وهو ببطني وين فرحتك فيه يوم ولدت وين كل هاذا كذب وتصنع ؟
اهله ليه سكتوله اهله محترمين وراقين ويدرون موحلوه مايشوف ولده ويموت على حفيدهم؟
يعني احنا ساكتين لاقلنا شي بعضهم يشتكون على طليق بنتهم لان ماجاب لانفقه ولاغيره
انا جد تعبت النفس طابت منه لانه جرحني واهاني ماقدر احساسي وشعوري
يعني طلاقه لي ظلم وومايحق له يطلق لو فعلا انا غلطانه قلت استاهل قلعتي لكن لا ماغلطت
فجأه كرهني كأني عدوه ليه حشى
ولا اشوف العيشه معي صعبه جدا عقلي متفتح وعشرتي حلوه سواء معه ولا مع الاهل ولا صديقاتي وعلاقاتي مع الخلق وعمره ماشتكى مني وعافني وكرهني لان عارف ان الزواج تتخله منغصات ومشاكل
مش عارفه انا الحين جايه افضفض مصدومه انه ليه ماشاف ولده حرام عليه ياويله من ربي قسم بالله حلاته يشوفه ويوديه لاهله ويتعود علو وجيهم عمره 7 شهور يعني يعرف الوجيه ويحفظها
مدري شسوي اهلي مستحيل يكلمونه لانه طاح من عينهم
لاحس ولا خبر ولاحدد موقفه زي اي رجال عاقل
انتظر تعليقاتكم بنات


التعليقات (9)
فواحة الأمل
فواحة الأمل
لاحول ولا قوة الا بالله ..
الله يصبرك ويعينك على تربية ولدك
أنا جربت الظلم .. طعمه مر مر مر مر
آآآآآآآآآآه
الله يجازيهم بس ..
انتي اهتمي بتربية ولدكي ولاتفكرين فيه
بالطقاق لايشوفه
ولدكي عندك احسن ماياخذه وتجلسين بقلق لين يرده
ماتدرين
يمكن ياخده ومايرجعه
الله يعوضك ي قلبي بالأحسن ,..

mis mis
mis mis
لاحول الله
حبيبتي ولدك لك انتيوبس ولايشوفه
هذا باين انه مايتحمل مسؤليه
ولاعنده مخ اصلا

دنيا التفائل
دنيا التفائل
الله يعوضك ي روحي والله يسعد ايامك
ماعليك منه ابدد هذا لو فيه ذرة احساس كان حس بشوق لولده
الله يجعله من الصالحين يارب وربيه تربيه حسنه والله يخليه لك ويعوضك يارب ويبلغك زواجه ياقادر ياكريم
ويعوضك بزوج احسن منه ..
الله يحنن قلبه عليك يارب وعلى ولده
كثري الاستغفار وصلي اخر الليل وادعي وصدقيني بإذن الله .. الله سبحانه راح يفرجها علييك
والاستغفار كنز اسألي مجربه ...
والله تتبدل حياتك لأفضل مايكون بإذن الله سبحانه

كلي أمل برحمت ربي
كلي أمل برحمت ربي
الله يعوضك خير و يحفظلك ولدك و يفرج همك

رجيتك ربي
رجيتك ربي
الله يكون بعونك
بس يمكن انجرح منك اختي لانك رحتي قلتي لاهلك واهله عن المشكله
وانتي تقولي تافهه
فيمكن ماحب وضعه وموقفه وحس نفسه صغير
ترى صعب على الرجال انه يتصغر قدام اهل زوجته واهله والسبب حرمته
كان تفاهمتي معاه
يمكن انجرح منك ومو قادر يكمل معك
هو تصرفه غلط بس يمكن اختصر عليكم كثير مشاكل وجروح رح تتفحل وتكبر لان اتوقع انجرح منك
اسفه على هالكلام بس انا اقول يمكن
والله يعوضك يارب خير
ويحفظ لك وليدك

ساندي 88
ساندي 88
هي ايه المشكله بالبدايه الي قلبت جد وطلاق
شكلها كبيره وهو خجلان منها وعارف انك ماراح تنسينها
عشان كدا يريد زوجه تانيه
لاتحكين لآحد ان يشوف ولده او مايشوفه
لآن الناس راح تفكر انك ميته عليه وتبين ترجعين له
ودورين الشاره عشان بس يرجعك
ادعي بصلاتك ان لو خير لك ولولدك
ترجعون ولو شر يصرفهم عنكم
وبنسبه لشوفة ولده مين قال ان الآب زي الام تحن وتشتاق
انسي الآب مو كدا وحتى اهله الآن معاك
بس في الحقيقه حتى لو كان ولدهم مخطئ بيصفون معاه
ولاتحنين على الموضوع بشوفة ولده تندمين
لو احد بلغه بالخبر هذا
ويجي ياخده منك و يفكرك ملانه منه ولاتشوفينه تاني ابد
تعوضي خير ودعي ربك بالفرج في هاشهر الكريم

وفاء أنثى
وفاء أنثى
لآحول ولآقوة إلآ بِآلله
لِهآلدرجه صآر آلطلآق زي شربة آلمويآ عِند آلرجآل !!!
آلله يصبرك ويعوضك خير وتشوفي آلعوض ف ولدك
وربنآ يهديه ويصلحه ويخليه لكِ
أمآ ع شوفة أبوه له ،،
لآتسألي عنه ولآتدوري
إذآ يبي يشوفه يروح آلممحكمة ويترتب كل شي عند آلقآضي
آلله يعوضك خير إن شآءالله

عجزت أنساك ~
عجزت أنساك ~
الرجأل فيهم.نذاله تجري بدمهم حسبي الله ونعم الوكيل
لاتندمي عليه مايستاهلك واضح انه جاهل واناني هذا كيف تامنيهم على حياتك وحياه عيالك
احمدي الله انك ارتحتي منه
ولاتكلميه ولاشي
قصتك قطعت قلبي كنت اتوقع مافي اسوء من ماساتي مع طليقي اللهم اجرنا في مصاباتا

أم دلع 1
أم دلع 1
الله يعينج قلبو
لاتعذبين وتتعبين نفسسج عشان واحد باعج بسهوله

تجمع حفظ سورة البقرة خلال شهر رمضان المبارك
الله يرزق كل بنت الزوج الصالح اشتقت لكم بعد غياب