الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
ام حبوبه22
10-12-2022 - 10:27 am
بسم الله الرحمن الرحيم
طبعا كلنا بنحب اللانشون والولاد كمان بيموتو فيه ولكن في الفترة الاخيرة انتشرت حكايات المصانع اللي بتستخدم اللحوم الغير صحيه وان الماكينات المستخدمه في امراض وحشرات وحاجات مقرفه ربنا يعافينا
عشان كده انا بحثت علي النت وعرفت اننا ممكن نعمل اللانشون في البيت واحلي وانضف من الجاهز ضمانا لصحة اولادنا
وطبعا جربته وطلع مفاج
اه ماتوقعتش انه يبقي حلو اوي كده زي الجاهز بالظبط
المقادير
3قطع جبنه مثلثات
3بيضات
3معالق كبيرة دقيق
1.5معلقه نشا
2فص توم مفروم
2فص حبهان(ناخد اللي جواة فقط)
1مكعب مرق دجاج
لون احمر صحي اللي بنجيبه للاكل
ربع كوب زيت نباتي
فلفل وملح حسب التذوق
الاضافه(زيتون مخلي نص صدر فرخه مسلوق او قطعة لحمه مفرومه معصجه)
الطريقه
تخلط المكونات بالخلاط
وبعدين نجيب قوالب ستانلس طويله ورفيعه انا استخدمت الكوبايات الاستانلس
ندهنا زيت ونصب فيها الخليط الي النصف عشان هيعلي ونغطيها بفويل ونحطه في حمام ميه علي النار
ونسيبه حوالي نص ساعه او 45دق
ونختبرة بخلة الاسنان زي الكيك لو طلعت نضيفه يبقي استوي
لما يبرد نفضيه من القوالب ونقطعه بالشكل ده هو مش احمر لاني مااضفتلوش اللون هنا
بس كده بجد هيعجبكم اوى
لو عجبكم الموضوع لاتنسوني بالدعاء


التعليقات (2)
سحوره من الوطن
سحوره من الوطن
جزاك الله خيرا

msh-2255
msh-2255
تسلم يدك

الكنابيه سندويشات خفيفه مناسبه للحفلات في المطبخ مع ماما الحلقة الخامسة
سلطة النيسواز والسبانخ