الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
ريآنه 5
07-12-2022 - 08:29 pm
السلآمم عليكم
الي متزوجآت ومجربآت وعندهم خبرهه فالحياه
ياليت يساعدوني ..
انا ملكت قبل 4 شهور وعمري 23
خطيبي نفس عمري بالضبط بس اكبر بشهر
واحس كلنآ متبلدين يعني اي شيء يقوله لي احسه مو من قللبه مايحرك فيني اي شيء
وحتى انا لما اقوله اي شيء احسه كذآ ..
وملل مره يابنات مآكأننآ تونآ مملكين
(الي ملينآ اللحين كيف بعدين !!
كلنآ نفس الشخصيات هآدين طيبين وكلامنآ قليل ومآنتكلم عن حياتنا بالتفصيل يعني مستحيل اشكي له وحتى هو وكل كلامنا سطحي ..
حتى لما اقآبله بس ساكتين ..
زواجي قريب يابنات ومره شايله هم
آخآف مآنتعدل ومستحيل تمشي الحياه تمام اذا جلسنا على حآلنآ هذآ


التعليقات (9)
ريآنه 5
ريآنه 5
استغفر الله العظيم

babysoul
babysoul
هالشي مريت فيه قبلك كانت المكالمات رسمية بعض الشي نادر مانطول.. بس بعد الزواج كان تفكيري بزوجي غلط هو يمكن بس مستحي ومايبي يزعلك بشي وكنت افكر فيه وفي مشاعره واقول هو حاسس زيي بس لا الف غلط لا تتكلمين فيه وانتي مابعد عاشرتيه ولاتحكمين عليه بشي مانتي متاكدة منه بس حاسه ... اشكي له وشوفي ردة فعله بس بدلع... واهم شي طيب وش بعد تبغين ...

النهر الصاافي.
النهر الصاافي.
اعتقد انو عادي
بكرة تتعودوا اكثر وتسولفوا عادي وبكل شي
لما مايكون فيه عيوب تمنعك من الارتباط .. تمسكي فيه لانو البرود مو شي يستاهل تشيلي همه

حلم العمر عيونه
حلم العمر عيونه
شوفي قلبي حطي في بالك شيئين
خطيبك او زوجك هذا على دين وخلق ,, الصلاه يصليها على اوقاتها ,, اخلاقه بين الناس مرتفعه.. يحترم اللي اكبر منه ,, ويعطف على اللي اصغر منه .
خلاص استخيري وتوكلي على الله وانتي مغمضه عينك ..
الشئ الثاني سبحان الله العشره هي اللي تقرب بين الناس .. ولما يكون واحد اخلاقه حلووه سبحان الله راح يجي يوم من الايام تكونوا قريبين من بعض واكثر ممن تصورين ..
اما تخيلي لو سمح الله تكلمتوا مع بعض ومدري شنو وحبيتوا بعض و24 ساعه مكالمات وبعد الزواج كل واحد طفشان من الثاني ,, او بالاصح كل واحد بان على حقيقته !!
تعوذي من الابليس وانسي سالفة الانفصال تماما تماما تماما وكأنه ماأنخلق شئ اسمه طلاق إلا في الحالات اللي ممكن يضرك بأخرتك قبل دنيتك !!
وعيشي حياتك الزواج مسؤوليه ,, الزواج اكبر من انه ملل وكلام مراهقين ,, انتي خلاص كبرتي وراح تصيري ام ان شاء الله
تخيلي امك تقول لك اوف انا طفشانه من ابوك !! بالله عليك وش تحسين من هالتصرف !! ماتتوقعينها من امك صح !؟
إذن لا تخلينها موجوده هالتصرفات عندك عشان ماينصدمون أبنائك بأم عقليتها صغيره
حطي في بالك الله يرضى عليك الزواج شئ كبير وومسؤوليه كبيره سوي كل اللي تقدرين عليه عشان تبنين صح
وأدعي الله يعينك على بناء اسرتك برضى من الله وتوفيقه
والله يصلح ذات بينكم يارب
انصحك اسمعي محاضرات عن شيوخ مثل محمد العريفي , سليمان الجبيبلان , الدكتور طارق الحبيب , والشيوخ كثيرين اسمعي محاضراتهم
واعرفي وش هو الزواج

وان شاء الله يارب تجي تبشرينا بأولد مولود لك ^_^

سعادتي = رضاك
سعادتي = رضاك
ادخلي تجمعنا للملكات فقط في عروس الفراشة ~

حلم العمر عيونه
حلم العمر عيونه
وتفضلي هذا بعد اليوتيوب للشيخ وسيم يوسف مره حلو كلامه عن كيف تجذبين زوجك بالحوار
https://www.youtube.com/watch?v=T5O-zNX9qJw

|| HONEY ||
|| HONEY ||
وعليكم السلام ,’
ليش شايله هم .!
لما تكونون مع بعض لأوقات طويله غير عن لما تكونو تتكلمون بالتلفون أو تتلاقون فتره بسيطه
يعني لاتشيلي هم ولايجي ف بالك شي ياعسسل
..
الله يوفقنا وإياكم ويجمع بينكم على خير ويحفظكم
ومبروك ياعرووسه ^_^

أم دلع 1
أم دلع 1
مع العشره كل شي بيتغير

ريآنه 5
ريآنه 5
ربي يسعدكمم ماتتصورون قد آيش ريحتوني ..
كل مآحسيت بذاك الاحساس رآح آرجع آقرى هالكلام الجميل ' )

خوات الزوج والاغراء
لسى تهتمي بنفسك نداء للمتزوجات