الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
شخصيتي فولاذيه
08-12-2022 - 01:28 pm
  1. طب كمان مرة هنستفيد إيه من حاجة زي دي ؟؟؟

  2. يا نهار أبيض دحنا ممكن نعمل بيها العجايب


السلام عليكم
أنا مكملة معاكو المشوار لغاية ما أشوف كل وحدة إن شاء الله متهنية مع جوزها و بيعاملها أحسن معاملة
أنا بقرا كتير في توبيك تحسين العلاقة الزوجية و كمان التطوير الشخصي بس في حاجات سبحان الله بكتشفها لوحدي و بتوفيق من الله طبعاً .
امبارح بتكلم مع جوزي و تطرقنا في وسط الكلام لموضوع "ازاي الرجل بيختار زوجته" فأنا قلتله بعفوية حاجة كنت قريتها زمان و هي إن الرجل بيختار غالباً ست بتشبه لأمه ، فقمت قلتله أنا أكيد بشبه مامتك في حاجة أو حاجات عشان كده حبتني و إتجوزتني
قام قالي "جايز"
بس المعلومة كانت إترسخت في عقله الباطن عشان :
أولاً : اتقالت بعفوية
ثانيا : قلتها بكل ثقة و اتكيت على كلمة "أكيد"
بعد كام ساعة كده ، لقيتو بيقولي تصدقي إنتي فعلاً فيكي شبه من والدتي في حاجات كتير سبحان الله
هنستفاد إيه من حاجة زي دي ؟؟
أنا ممكن أكون فعلاً بشبه مامتو في حاجات
و ممكن لا
بس هو عمرو ما لاحظ لغاية أنا ما خليتو ياخد باله من الحكاية دي
فأنا هنا شغلت حاجة بيسموها في علم النفس "the power of suggestion" يعني قوة الإقتراح، و دي بتخليكي من تحت لتحت تتحكمي في أفكار جوزك

طب كمان مرة هنستفيد إيه من حاجة زي دي ؟؟؟

يا نهار أبيض دحنا ممكن نعمل بيها العجايب

يعني ناخد بالنا من التوكيدات اللي بنبعتها للعقل الباطن لجوزو مثلاً في كل خناقة تقومي قيلالو "أنا عارفاك معدتش تحبني زي الأول !" أو "إنت عمرك ما أقلك حاجة و تعملها" أو "إنت ديماً بتفضل أختك أو أمك عليا " إلخ إلخ
العقل الباطن أهبل وبيصدق أي حاجة و هو اللي بيتحكم في أحاسيسنا و ممكن ساعات يخدع حتى الحواس زي ما حصل مع جوزي
يبقى اعرفي تستغلي النقطة دي كويس قوي لصالحك وذلك عن طريق إرسال رسائل إيجابية
"أنا عارفاك بتموت فيا"
"أنا عارفاك بتعمل المستحيل عشاني وعشان ولادنا"
و أنتي بقى و شطارتك على حساب كل موقف
أنا خلصت ضميري و قلتلكم على المبدأ عشان زكاة العلم تبليغه ؛)
منقول للفايده


التعليقات (6)
wardhh
wardhh
يعطيك العافيه معلومه جدا قيمه

nono33
nono33
جزاك الله كل خير
جدا قيمة ... وبعقلانية
مشكورة

bonbonacakes
bonbonacakes
روعة ... وبالفعل نظرية صحيحة ومجربة

شخصيتي فولاذيه
شخصيتي فولاذيه
انتي الاروع

lights GIRL
lights GIRL
مشكوره معلومه قيمه

msh-2255
msh-2255
رو وعة انتي عسل

ما هي مساحة تدخل الأهل في حياتك الزوجية اختبار سريع
تعالو ضروري تدخلون