للذويقات فقط تأثيث شقة

1. السلام عليكم ورحمة الله


2. كيفكم جميعا ان شاء الله بخير؟؟


3. وبالنسبة للاجهزة الغسالة والفرن والثلاجة من اي شركة الافضل؟؟

السلام عليكم ورحمة الله

كيفكم جميعا ان شاء الله بخير؟؟

ان شاء الله اخوي بيتزوج واستأجر الشقة هي في عمارة جديدة لسى ما احد سكنها قبله وبويتها كل البيت روشن بس تختلف النقشات غرف الضيوف زي بعض والصالات زي بعض ولونها سكري والسيراميك كمان سكري والمطبخ والحمامات سكري وبني وغرفة النوم موف فاتح جدا .. البيت عبارة عن مجلس رجال 4*5ومجلس حريم 4*5 وغرفة نوم وغرفة معيشة ..
احتاج وقفتكم معي في التأثيث بصراحة ماعندي خبرة ابدا في هالموضوع ابغى مساعدتكم في ادق التفاصيل والله يجعله في ميزان حسناتكم ..
غرفة الضيوف مثلا ايش نآخذ كنب متصل والا مفرق لان عائلتنا ماشاء الله كبيرة وايش الافضل جاهز والاتفصيل انا سمعت عن الدروازة جنب محمود سعيد كيف كنباتهم واسعارهم وبيفصلوا والا لا؟ اعطوني موديل كنب واش تقترحوا الوان ؟؟ اخوي يقول بني وبيج بس احس هاللون مستهلك كرهته من كثر مااشوفه اغلب الناس زيه..
والمدخل اش له افكار جديدة اش رايكم مراية وتحتها رف قزاز والا تقترحوا شئ افضل ..
وبالنسبة لمجلس الرجال هوا يبغى يفرشه موكيت ويفصل مساند للظهر بس انا اقول لو يفصل باترمه ارضية مع ظهر بيكون احلى تلم الغرفة لانها كبيرة ماشاء الله اش رأيكم واش تقترحوا الوان ؟؟واعطوني موديل لها انا مرة شفت ناس عاملين مساند ظهر وفوقها داير مدار خشب منقوش مرة شكله تحفة ابغى افكار زي كذا حلوة ..
وغرفة المعيشة اشوف يفرشها موكيت افضل لان بيكون اغلب وقتهم فيها ويفصل لها مساند ظهر اريح صح ؟؟..
وغرفة النوم اشوف الاثاث ابيض احلى من الخشبي مع اللون الموف بس هل راح الاقي لاني ماعمري شفت ابيض ومن فين نشتريها ؟؟ واش رأيكم لو نحط في الجدار الي فوق السرير ورق جدران بيعطي الغرفة حياة احلى من السادة ؟؟
المطبخ من فين نفصله ابغى محل عنده جودة وسعره معقول لان بصراحة اشوف الاسعار طايرة 25- 30الف!!! واش الخامات الي نختارها للدولاب اش الاحلى؟؟المونيوم والا خشب والا ستانلس ستيل ؟؟والمجلى رخام والا ستيل من تجاربكم لاني بحثت وكل شئ له ناس تمدحه وناس تعيبه

وبالنسبة للاجهزة الغسالة والفرن والثلاجة من اي شركة الافضل؟؟

بنات حطوا نفسكم مكاني واعتبروني اختكم لا تبخلوا علي بأي شئ تعرفوه ممكن يساعدني حتى لو تردي على سؤال واحد لو ماتعرفي الباقية .. وبالنسبة للموديلات ياليت بالصور تكون اوضح والمحلات قولوا لي اسمه وعنوانه نسيت اقولكم اني في ((جدة)) وابغى اسعار معقولة مو غالية لان تعرفوا وراه زواج هو يقول يبغى محلات رخيصة بس احنا نبغى شئ يشرف في نفس الوقت ..
يارب من ترد علي فرج لها همها ويسر لها امورها وسخر لها خلقك.. وشكرا مقدما..