الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
em--em
14-12-2022 - 06:26 am
مرحبا بنات .. كيفكم
اول شي قبل لا نبدا بالموضوع ... الماركات مو شي حرام اللي بتشتري هي حره ربي معطيها فلوس والله يزيدها
واللي ما عندها فلوس وتبي تشتري ماركات هي برضو حره
لكن هذي وجهة نظري فالموضوع
صراحه الماركات هذي صارت هوس يعني وش فيها لو شريت شنطه من زارا من مانقو والا اي محل شنط ترى تصميماتهم فخمة وجميلة وعملية
والله ماذبح بناتنا الا هالماركات وتدفع فيها 450 وتوصل الى 800 واخرتها تقليد
صرت اتحسف اشتري اصليه من كثر التقليد مع ان الفرق واضح بينهم لكن والله يابنات لاتحرصون على هالشي وش الفايدة العب على نفسي والا العب عالناس
مادري شلون تتجرا البنت تشتري شنطة تقليد وتشيلها معها كل مكان كاني اقول للناس انا ماعندي فلوس بس ابي اصير مثلكم كشخه
وشي ثاني ماحبيته : الكوبي بيست الشركة تصمم وتنفذ وتطرح كولكشن جديد فالسوق ونلاقي مثله موبي بيست ليش !! وين وزاره التجاره شلون يصير كذا مفروض يفرضون غرامات على هالاشياء
طبعا شي يضحك مره الاسواق الشعبيه والبضاعه المعروضه عندهم ههه واضح انها تقليد والجوده رايحه فيها بس ارحم هاللي يشترونها والله :(
ليش كل وحده ماتصير عارفه قدرتها الشرائية وتشتري على قدها , والله زميلاتي هاللي شارين شنط مب نافعيني لا جلست اضغط على اهلي واجمع مكافأتي ومنا ومنا عشان اخرتها شنطه
وحتى اللبس الحين اشوف البنت الاكسسوارات والشنطة والجزمة و انا ماقول لاتشترين انا اقول اشتري الاصلي
يعني الميك اب ومواد التجميل نحرص كل الحرص انها تكون اصليه عشان ماتدمر بشراتنا ولا تخرب
يعني النفس وذاتي انا انا وشو استاهل التقليد !!
ليش ماكون انا غاليه على نفسي واشتري لنفسي بعد منتجات اصليه بالقدر اللي معي من الفلوس
انا عن نفسي استحي اشيل شنطة تقليد قيمة الاصليه منها فوق ال7 الالاف عشان اكشخ بها بس
اذا ابي بشتري اصليه بجحم قد فلوسي اذا الشنطة عاجبتني طبعا مستحيل اشتري من محلات معينه عشان
يقولون والله كشخه
شي اخير
الجامعات الحين البنات نادرا تلقين بنت ذوق فاللبس بسبب ان البنات صاروا كوبي بيست نفس القمصان والتيشيرتات والشنط وصبغة الشعر والحاجب والبشره كلهم تان سبحان الله !! لا وكلهم نفس الماركات
ودي اشوف اهل الرياض اللي يصيحون من الاجارات الغاليه ومالقوا بيوت ملك بناتهم هاللي شنط الماركات وجزمهم كل قطعه عليها بقيمه راتب موظف
وين الاعتزاز بالهويه ليش صرنا نتبع الموضه بكل شي الزين والشين
اذا كان الشي يجملني ليش لا بس النسخ في كل شي يشوه ولا يضيف لي ابد صايرين نسخه مكرره من بعض
اتمنى اشوف رايكم بهالشي مؤيدين معي او معارضين


التعليقات (3)
em--em
em--em
..

ياقوته1980
ياقوته1980
موضوعك رائع واتمنى الكل يتفاعل ويعطينا رايه

سكرتيرة الاخضائية جودي
سكرتيرة الاخضائية جودي
بالتوفيق

مصممه شغلها خطير ورخيص
فزعتكم ي بنات جدة