جديدة عليكم وبفضفض لكم معاناتي

السلام عليكم ورحمة الله وبركاته ..انا ياحبيباتي الفراشات عمري 37ونص طبعا ما تزوجت والحمدلله مؤدبة واخلاقي عالية بشهادة اللي حولي ودايما يقولون لي انتي حلوه يعني مو بشعه بس من جد مالي حظ لا وظيفة ولا زواج ولا جامعة والله اني مداومه على الاستغفار استغفر اكثر من 300 مره في اليوم محافظة على صلاواتي والحمدلله بدأت ادرس جامعه انتساب بس انقهر اني ليش مو زي البنات انخطب واتزوج والله بنات خالاتي تزوجو وهم صغار بعد الثانوي احس نظرتهم وشماتتهم لي ودايما يضحكون علي يقولون انتي بتتزوجين في الجنة مالك نصيب بالدنيا وماادري احيانا احس اختي اللي بتتزوج تخاف مني اني احسدها لا تقولون لي الزواج مو كل شي في مجتمعنا الزواج كل شي ..
طبعا اختي اللي بتتزوج اصغر مني ب4 سنوات انخطبت وزواجها بالصيف وهي معلمة وجمالها عادي انا مااحسدها الله يوفقها بس لما اشوفها تتقضا وفرحانه احس بغصة في قلبي ..
واختي الصغيره تقول انا بتزوج ان شاء الله مااعنس زيك ..
بس من قهري قلت اجي هنا وافضفض قبل لاانفجر ..