كيف اتعامل مع خطيبي

عطوني من خبراتكم الله يجزاكم خير والله تعبت وانا اقله مابي اسكن عند اهلك بس هو مو راضي يفهم مع العلم إذا طلبت الطلاق منه ابوي ماراح يرحمني

لاتبخلون علي ردو بليزز

اصلا المفروض هالكلام يصير بين الاهل
يعني كلام رجال لرجال
ابوك اللي يطلب بيت لحالك ,, مو انتي اللي تتفاهمي معاه فهمتي ياحلوه

طيب حبيبتي بسالك انتي ما شرطتي بيت مستقل بالعقد !
رأيي فهميه انك تحتاجين استقلاليه وخصوصيه ببيتك
وإذا أصر على موقفه افهمي منه ليش !
هل سببه ضيقه ماليه وراتبه ما يكفي للايجار أو انه توفير الفلوس أو حب وتعلق بأهله
انا الطلاق صعب وفكري الف مره بالموضوع لأنك بتصيرين مطلقه فحاولي تعدلين امورك بالتفاهم
انا كنت مطلقه بالملكه وتعذبت كثير وجاتني حاله نفسيه وراجعت عند أطباء نفسيين لان الموضوع مو سهل والحمد لله تزوجت بس بعد اربع سنوات من طلاقي
فأنتي احسبيها صح ولا تخلين الشيطان يدخل بينكم
الله يوفقك يا قمر ويسعدك

لاوالله ماشرطت بالعقدومامداني اكتب شروطي لان سوينا العقد بيبيت عمتي لان عمي كان يبيه ببيته و.خطيبي راتبه حوالي الخمسه الاف يعني يمديه يستأجر بس هومصمم الا اسكن عند هله وبيت هله مايكفي ويبي يبني لي غرفتين ع السطح وانا والله لو علي مااطلع من بيت اهلي الا ببيت بس خايفه من ابوي يطلعني غصب عني لان ابوي يسمع كلام عمي مرره

يختي انتي جربي تكلمي ابوك ,, او تكلمي امك واستخيري الله وكلميهم
اذا وافقوا الحمد الله ,, ماوافقوا الحمد الله بعد خيره
لكن ماعليك ادعي الله انهم يوفقوا ويحطونك في بيت لحالك
وبالتوفيق يارب

حلم العمرعيونه. الله يعطيك العافيه حبيبتي ع الردود الرائعه ^تبين الصراحه علاقتي مع ابوي زفت مايكلمني ولا اكلمه. كله معصب ومتنرفز من يدش ليطلع وامي مو عندي يعني منفصلين هي وابوي. وانا صراحه بهم مايعلمه الا الله. بن عمي مستهين فيني لان مايشوف احد واقف معي ياخذلي حقي.وانا توو صغييرره. مااعرف شي

لا تقولي ماعندك احد ..عندك الله ربي وربك بياخذ لك حقك
بس انتي خلي دعائك لله ورجائك لله , والله ثم والله انه ولد عمك راح يحسب لك الف حساب ومليون قبل مايخطي خطيه وحده
خذيها منها وقولي حسبي الله ونعم الوكيل
وادعي الله بلي تبينه وبس
وراح تشوفين المعجزات كيف تتهلل قدامك

حلم العمر عيونه ^مشكوره ع النصيحه الحلووه وبدعيلك ان شاء الله