الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
دروب ضائعه
17-12-2022 - 10:32 am
السلام عليكم
كيفكم يافارشات يارب تكونو بخير
انا من زمان هنا بس ما اعرف احد واغيب سنه ولا شهور وارجع واسجل وانسى النك نيم
و بالاحرى سجلت مرات عديده وكتبت قصتي وللاسف الشتم والمسبات نكدت علي
وهالمره استجمعت قواي وابغى اكتب قصتتي واجد دعوات صادقه او مواساه او كلمه طيبه
واللي بتشتمني مااحللها ولا ابري ذمتها
اذا مو عاجبكم شي وجهوني او على الاقل قولو الله يهديني
قصتي بدات من عمري 23 يمكن لما خلصت دراسه وجلست بالبيت وتعبت نفسيا
ماكنت افكر بحاجه اسمها زواج وادا حد جى لي اقول ماابغى اتزوج كنت عايشه حياتي ولا ادري ان العمر يجري
على العموم كل اللي رفضتهم كان فيهم عيب اما يشربو او سمعته سيئه طبعا انا ارفض مجرد كلام وبعدين نسمع عنهم يعني ربي يحبني والله الحمد
المهم مشت الايام وانا ولا على بالي فكرة زواج ابغى بس اتوظف وهذا حلمي وكنت مركزه عليه مشت الايام
وتعرفت على احد من النت من احد الدول العربيه
طبعا انا بقول لكم شي انا انولدت واهلي شيعه وتربيت على هالمذهب وكنت شيعيه 23 سنه
وبعد ماتعرفت على هالشخص من النت حبيته وعشت ايام وهبال وضيعت عمري على اوهام وكذب علي كثير ونهايه القصه زي ماعرفتو كذب خداع وفوق هذا سرقه
فلوس
كل هذا مو موضوعنا الحين
لاني تعلقت فيه علمني عن مذهب السنه وصرت فضوليه
وانا اصلا ماعرف شي عن الشيعه الا اني بس اصلي زيهم يعني اجمع الصلوات واصلي واقرا القران
يعني مو مهتمه بمذهبي القديم او مو ملتزمه فيه مره فبعدين اقتنعت وصرت سنيه وبدات معناتي لاني الى الان وعمري 28 سنه وانا سنيه واهلي مايدرو
لاني اصلي بغرفتي ومااصلي قدام احد ولو صليت بكون رياء وارجع اعيدها
بالاماكن العامه المجمعات اصلي بغرفة تبديل الملابس
والان بشغلي اصلي بمكان صغير مستودع
طبعا مااقدر اقول لكم حجم المعاناه
لاني ارفض اتزوج من شخص شيعي
تعبانه لانه اهلي مايدرون لحد الان
فكرة الزواج تورقني
وصلت لهالعمر ابغى حل مو عارفه
طبعا انا من ضمن 12 اخت اكبرهم 43 سنه
ولا وحده من خواتي اللي تتفاوت اكبرهم 43 واصغرهم 20 تزوجت
وانا من ضمنهم
نفسي وحده من خواتي تتزوج
نفسي انا اتزوج سني بس مادري كيف
بالشغل حبيت شخص من دوله عربيه سني عرف موضوعي اني سنيه بصدفه
يغى يتزوجني اهله رفضو وخطبو له بنت عمه وللحين يبغاني
وانا ماشفت انسان زيه بس ادري انه مو من نصيبي ومتحسره
كنت اتمنى يكون من نصيبي وخصوصا انه يحبني ويبغاني
وانه سني
محروق قلبي شسوي كل اللي بمنطقتي شيعه ولو تقدمو لي شسوي ارفض
والعمر يجري وخواتي ماتزوجو بيكون مصيري زيهم ؟؟؟؟
ولو تزوجت شيعي سري بينكشف ويمكن اتطلق وانفضح
ماارضى ان اهلي يتضررو
هالشي اخترته اني اكون سنيه وهذا بيني وبين ربي ماحد له دخل فيه
استشرت الشيخ محمد العريفي وناس كثيره يقولو لي اصبري وادعي
وانا مستمره لو بتراجع كان تراجعت من زمان
بدات قصتي من عمري 23 والان 28 والحين انا كبيره
نفسي اتزوج واجيب بنوته واكون سعيده
اتحسر كل البنات اللي قدي تزوجو وحتى اللي اصغر
اتحسر على امي ونظراتها لنا وخواتي مافرحت ولا بوحده
انا قعدت 5 سنين بالبيت وماعندي وظيفه وتوظفت الحمد الله من سنه وربي غير حالي
ساعات اقول زي ماوظفني بيرزقني بعد بزوج
وساعات انحط بمواقف لما يتكلمو عن حد مدحني او يبغاني يحترق قلبي وارفض ماابي ولادي يكونو من غير مذهبي السني
وبنفس الوقت اقول ليش ارفض العمر يجري وهذا الموجود
ادري الزواج قسمه ونصيب بس انا عندي اشياء تمنعني
اول شي مذهب المتقدم لي
ثانيا تعلقت بهالشخص الثاني اللي يحبني
مع اني عارفه انه مو من نصيبي
بنات لا تدعو علي وجهوني وادعو الى اهلي بالهدايه
ولا تسبونهم ولا تظلموني لانكم ماعشتو التفكك الاسري وحياه المرض لخواتي
كلن له ظروفه
انتو نولدتو سنه
وانا انولدت اهلي شيعه
بس ربي هداني وبكمل المشوار حتى لو تعبت
بس بيفضل حلم الزواج يراودني
لو انتو بمكاني وعمركم 28 سنه واهلكم شيعه والمتقدمين كلهم شيعه وانتي سنيه
وحلم الامومه يراودك وتبين تكوني ملكه ويكون لك زوج حنون وتحلمين باشياء
تتنازلي ولا شنو؟؟؟
رضا ربي اهم ادري بس ساعات اتعب واقول بتنازل
كلامي ملخبط
ومن شوي كنت ابكي وقررت اكتب هنا
بس ابيكم تدعون لي ولا تدعو علي
سواء عجبكم حالي او ماعجبكم ادعو لي ولا تدعو علي وقولو الله يهديني ويثبتني
انا انسانه مو كامله وماعندي احد ينصحني مبتعده عن الكل لان افكاري غريبه
عنهم
ارجوكم افتحو قلبكم لي
ولا تسالوني انتي من وين ولا تسالوني اشياء شخصيه
انا متكتمه على حياتي ماابغى اضر اهلي
ساعدوني ولو بدعوة
والحمد الله انا مواظبه على صلاتي واصلي السنن والقيام
ومؤمنه ان لي رزق وماحد بياخده غيري وانه ربي اخره لسبب وهو خير لي
بس في لحظات الضعف ابغى ايدكم تمتد لي واحس اني مو غريبه
انا تعبانه ساعدوني ولو بدعوة
اتمنى اتزوج من هالشخص يارب يكون من نصيبي
خايفه اوصل الثلاثين وماتزوجت
لسه باقي سنتين وساعات اقول اللي يخطبو يدورو بنات صغار مو قدي
دعواتكم
اختكم دروب ضائعه
ارجو عدم السب بالمذاهب


التعليقات (9)
بدل دلوعة حدي محد قدي
بدل دلوعة حدي محد قدي
والله الي يوبخك ويأنبك هذا إنسان ما عندو ضمير أصلا
الحمد لله على نعمة الاسلام والسنة
أسأل الله العظيم إن يثبتك على الحق
عارفة ليش انت بتتعبي وتحسي إنك وحدك؟
عارفة ليش إنت مكبوتة
عارفة ليش تأخر عنك الزواج إلى الآن؟
عارفة ليش اتعانين ؟
لأنك صح ماشية صح
وهذا ابتلاء لك
أعرف وحدة من قرايبي شبيه بقصتك
كانت محتارة جدا
بس في النهاية رب رزقها رجال سني وهذا هي عايشة مبسوطة
أنا متأكدة إن ربي راح يفرج همك
بالعكس إنت مو ضايعة احنا الي ضايعات
عرفنا الحق ونبغي غير الحق
سبحان الله
دعواتي القلبية لك
إدعي (اللهم أرني الحق حقا وارزقني اتباعه وأرني الباطل باطلا وارزقني اجتنابه ولا تجعله يلتبس علي فأضل)
(اللهم ربنا لا تزغ قلوبنا بعد إذ هديتنا)
(اللهم يامقلب القلوب ثبت قلبي على دينك)

وفاء أنثى
وفاء أنثى
ياحياتي انت الله يثبتك على الحق ويهدي اهلك وينور بصائرنا وبصائرهم
لي عودة بإذن الله

مفارش الاوركيد
مفارش الاوركيد
الله يكون بعونك

وفاء أنثى
وفاء أنثى
الله يكون بعونك ويوفقك للخير شوفي الحل حبيبتي انك تدعين
وهو اقوى سلاح ،.
ادعي ربي يرزقك بزوج سني المذهب خلوق وططيب
بس لو خطبك سني اهلك بيوافقون ؟
هنا السؤال ،،
اش رأي اهلك بالمذهب السني خصوصا في ظل الاصطدامات الحاصله
بين المذاهب حاليا ،.
حاولي تتكلمي مع أقرب اخواتك عن المذهب السني
وكذا وقوليها انك اكتشفتي اشياء من باب الصدفه وكذا
وشوفي مدى تقبلها للموضوع
لو لقيتي احد مؤيدك قوليله الصدق ،.
لانه شي صعب إنك تكتمي في قلبك
إذا كل الخطاب اللي يتقدمو شيعه مااقدر اقولك لاتوافقي
اواستسلمي نه ممكن تعرضي نفسك للخطر لو عرفوا اهلك
خصوصا إنك ترفضي الشيعي عشان تتزوجي سني
وسبحان الله
ممكن اذا تزوجتي شخص شيعي ربنا يفتح على قلبه وتكوني
انت السبب في هدايته للحق
اولا واخيرا مابيدك حيله إلا الدعاء الدعاء وربنا ماحيخيبك إذا صدقتي النيه
دعواتنا لك ويارب تبشرينا بفرحك قريب

آنسة جدايل
آنسة جدايل
اسأل الله العظيم رب العرش العظيم ان يثبتك على الهداية..ويجعلك من عباده الصالحين
هذا اولاً/
ثانيا/ عليك بالدعاء..والشخص اللي تفكرين فيه لم يجعله الله من نصيبك..ربما لخير اراده الله لك ..احيانا يجزع الانسان من قدره فاته..لكن لاتدري ان الله سبحانه يكتب له الافضل ..الذي لو علمه ,,لبكى من شدة الفرحة
ياعمري لاتجزعي..واطرحي الفكرة على اهلك من باب التجريب..يعني كلمي اقرب من يفهمك بالبيت,,وقليله,,صديقتي سنية وتبي تخطبني لخوها,,ششرايكم؟؟
وهم ماعندهم مانع يرتبطون بشيعيية....؟وانا كبرت وودي اشوف نصيبي..وودي بطفل اضمه لصدري..
بس لاتقوليلهم انك صرتي سنية..اخاف يعصبون عليك..
وقلبي معك..
.ويارب تكتبين لنا قصة ملكة بقسم المتملكات

آآآنقط عسل
آآآنقط عسل
الحمد لله على نعمة الاسلام والسنة
أسأل الله العظيم إن يثبتك على الحق

Wink
Wink
حبيبتي الله يكون بعونك
اولا الحمدلله انو ربي هداج وخلاك تتسنني
ربي يثبتك على طريق الحق ان شاءالله
الله يفرج همك وييسر أمرك ويرزقك خير مماتتمنى
سبحانه ربي لايعجزه شيئا في الأرض ولا في السماء
يارب ييسر أمرك في القريب العاجل

{اكلـــــيل الـــورد}
{اكلـــــيل الـــورد}
ياعمري انتي الله ينصرك ياكريم
ذكرتيني بوحدة شيعية صارت سنية واهلها اعرفو
وطردوها وتزوحت سني لكن اهلها متبرين منها
لكن انتي مثل الحديث القابض على دينة كاالقابض على الجمر
تمسكي بدينك
لكن عندي راي لو تزوجتي شيعي وحاولتي تقنعية بالمذهب السني ممكن يصير سني
على مذهب السنة والجماعة
كثري من الاستغفار وقيام اليل سهام اليل
لا تخطي
ربي يفرحنا فيك ياكريم على زوج سني

linalife
linalife
تذكرت قصتك لقد عرضتها منذ فترة اختي دائما توكلي على الله

عاجل وهام
ادعولي ربي يخلي لي ابني