الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
نعيم الاخرة
17-12-2022 - 03:25 am
بسم الله الرحمن الرحيم شلونكم يا نظيفات مافي وحده شدها العنوان الا مليون بالميه بتكون نظيفه وتحب النظافه بنات حمامي والحمدلله يلمع يشع من النظافه حتى وحده يتني تقول ريحه تجنن ونظافه عمري ما دخلت حمام بهالنظافه وريحته حلوه وطريقتي اللي بقولها لكم مو بس تنظف الحمام لا تعقم الجو وتطهره عدل من الجراثيم والمكروبات يالله بقولكم شنو نحتاج 1- فلاش 2- كلوركس 3-صابون داك 4- ديتول 5- بخور ياوي 6- بخاخ جف 7- اسفنج وفرش وفوط 8- فواحه بزيوت عطريه ريحتها حلوه 9- بخاخ التوت يالله شدي الحيل طلعي كل كل كل كل شي من حمامج ما اشوف ولا شي فيه تعرفين يعني شنو كل شي كل شي فرغيه بالكامل واخذي تب صغير وحطي فيه اشويه فلاش مع ماي وخلي الخدامه تنظف بين فتحان السيراميك بالطوفه والمراحيظ والارضيات وتشطفه بماي بارد بالاخير بس خليها تلبس دس وتحط كمام صغير عن ريحته لانها قويه بس اهم شي تدورين وين اماكن الوصخ وانتي بكرامه عشان تركز عليه عدل وبعد ماتنظف بالفلاش خليها تريح اشوي تشرب ماي بارد وترشرش الحمام بماي بارد مسكين عقب الفلاش فحت جبيدته (( ملاحظه : الفلاش اسوي هالطريقه مره بالشهر بس وديروا بالكم اذا طول واهوا على الارضيات يخربها بس مانستغنا عنه للتنظيف )) لمشاهدة الفيديو والصور للطريقة من تصويرى فى حمامى جمعتهم هنا وبعدين التنظيف بالكلوركس عن طريقه المخمه الصغيره اللي تكون جنها فرشه اسنان عملاقه خ تنظف الطوفه والمغسله وتفرك عدل عدل عدل وتحت المغسله وتحت الكبت اذا حمامج فيه وفتحات المغسله وكل كل مكان عدل مدل وبعدين تغسل الحمام بماي تشطفه عدل والحين بخاخ جف رشي فيه النل واليدات ومسكات البانيو والدش وقضبه السفون وهالسوالف ومسحي باسفنجه عدل وشوفيهم شلون بيتلامعون يهبلون --- وعاد بخاخ جف حيلكم فيه ترا عجيب ينظف عدل حتى حق المطبخ حلو والبقع الصعبه والوصخ اللي يتجمع بين فتحات السيراميك عالطوفه وغيره وعقب تحطين ماي وصابون وفرك بهالحمام ياويله ياسواد ليله فركي الطوفه والبانيو والدريشه بماي وصابون تكفون لا تخلون ولا مكان حتى السقف تمسحه وتنظفه وبعدها نغسل بماي كانه الحمام خلاص وننشف وكل شي بس اهم شي تنشفون لمشاهدة الفيديو والصور للطريقة من تصويرى فى حمامى جمعتهم هنا وناخذ طشت صغيروني كشخه ذرب مايكون فيه اثار صابون ولا شي ونحط فيه ماي دافيه وكلوركس نص العلبه وناخذ فوطه ونمسح الحمام مسح كل مكان الحين نظيف بس نبي نطهر الحمام تطهير بالماي الدافي والديتول وبعدين شبي بخور ياوي وسمي بالله قبل لا تدخلين الحمام وحطيه بالحمام خليه الحمام ينترس بالدخان والله يعقم صح بتختنقين بس ماعليه هذي نظافه وعقب شيلي البخور وشغلي الشفاط ورشي بخاخ التوت وخليه اشوي وشبي الفواحه بعطور تحبينها او تخصصينها للحمام كل هذا واغراضج بره الحمام عاد مسحيهم ونظفيهم عدل وبعدين رتبيهم وسنعيهم داخل الحمام راح تحسين الحمام صار نظيف وجو الحمام تغير وتعقم وتمتعي بحمام نظيف ومرتب


التعليقات (8)
مناوي الحلوه99
مناوي الحلوه99
ماشاءالله لكن حبيبتي انتبهي من الفلاش والكلور بخارها يموت ويكتم خخاصه اللي عندها ربو
كميه بسيطه كلور لان الفلاش مصيبه والله

نورفي سماصافية
نورفي سماصافية
الفلاش مع الكلوركس خطر
انتبهي منه
في يوم من الايام لو ستر رب العالمين كان الان ماكتب لك شو صار لي
اخذت الفلاش ومع الكلوركس مع بعض
مسوية نفسي نظيفة
مدري وش الي صار لكن كل الي اعرفة اني صرت اجري خارج المنزل في الحوش
ادور هواء اكسجين
ضاق التنفس عندي
وعيوني ماعد اشوف ودوخة
جسمه كله تعب
ومن بعده
صرت ماحب لافلاش ولاكلوركس
مع ان الكلوركس هو اساس النظافة
صار لي اكثر من 10 سنوات
وبدات ارجع للكلوركس الملون
وهاربك الاسود
نظافة وعطر بنفس الوقت
واسفه علي الاطالة بس حبيت اذكر تجربتي لك
والله يسعدك

smoo5
smoo5
يسلموو

فرآشة 2011
فرآشة 2011
جزاك الله خير روعة
كويس ماشآء الله احنا للتو والحمد لله بنسكن بيتنا الجديد بإذن الله ،
وحماماتنا يبي لها تنظيف يعني مو اي تنظظيف ، تنظيف من نوع قوي عشان تعرفين بعد عمليات البنا و التأثيث و شغلات كثير يحتاج لها تعب وشغل
والبنات اللي يقولوا خطير هو فعلا فعلاً خطير اساساً ينتج غاز سام وخطير لمن يستنشقه
لكن سمعتوها لما قالت فلاش لحاله بالأول ونتركه فترة لمن يزيل البقع ونغسله ونتركه يبرد
وبعدها نحط كلوركس
كذا احنا سوينا ببلاط البيت لمن غسلناه و اشتغلنا عليه
والله يجزاك خير فعلاً
ومشكورين يابنات ع التنبيه *()

فرآشة 2011
فرآشة 2011
وااعجبتييني لمن قلتي بخور جاوي
لأن هالبخور ماشآء الله حتى يستخدم في البيوت لما يزكمون الأطفال او يمرضون بنزلة معوية وغيرها يعقم الجو عشان العدوى ()* وريحته تهبل
صح ان اللي عنده ربو ينكتم ، لكن معروف وقت البخور تحاول الوحدة تصرف الأطفال تطلعهم السطح او تنزلهم الحوش لمن يبرد الجو ويصفى خلاص يرجعوا

دلوووعة حبيبي@
دلوووعة حبيبي@
الله يعطيك العافيه وآاآآآه حسيت بأنتعاش النظافه

وراكم كذا
وراكم كذا
ان شاء الله اجربها مشكوره حبيبتي

مؤيدة بنصر الله
مؤيدة بنصر الله
شكرا لك وتسلم يدك على الطريقة
أنا لا أستخدم الفلاش أبدا ...
أستخدم : ثلث علبة كلوركس مع كأس مسحوق غسيل تايد ، ووأكمل باقي علبة الكلوركس ماء دافئ
وأفرك بالفرشاة ...
ودائما أخلي المزيج ، ويوميا أغسل به ...
تقبلي مروري

اعادة التصنيع بطريقة فنية
صور أستقبال مودرن عصري