الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
lulwa2002
16-12-2022 - 11:25 am
السلام عليكم
بنات عندي استفسار وحابه اشوف رايكم فيه
انا ما اعتبره مشكله لله يبعد عندنا المشاكل وعن جميع بنات المسلمين
انا متزوجه من حوالي 7 شهور وعلاقتي بزوجي طيبه ولله الحمد
بس اللي مضايقني ان احنا مانطلع وايد مثل اي متزوجين جدد
يعني مره كل اسبوعين واحس ان احنا تونا بداية حياتنا لازم نستمتع فيها
المشكله ان زوجي ماشاء الله مو مقصر بس في هل نقطه مضايقني
حاولت اشرح له لو مره بالاسبوع نغير جو ويقولي ان شاء الله
بس لي صار اليوم اللي بنطلع فيه ياجل!!!
المشكله ان زوجي متولع بالتنس بشكل غير طبيعي
وطول وقت فراغه يكون بالملعب
مو متعود علي الطلعات والجيات
انا ما انكر انه يحاول بس بعد طلعاتنا قليله
لدرجة وصلت لمرحلة ماقوله خل نطلع ونغير جو
وساعات افكر اقول لو عندنا عيال شنو بتكون حياتي اذا بداية الزواج جذي
انا ولله ما احاول ااضايقه واخليه علي كيفه بس في هل شي مب عارفه شلون اتعامل معاه
لين اكلمه يقول ان شاء الله بس مايتغير شي!!!
مدري اذا عندكم افكار ولا طرق تخليه يتغير شوي
خصوصن ان احنا ببداية زواجنا والزوج علي ما تعلمية
يالله بنات ابي همتكم عطوني من خبراتكم


التعليقات (8)
لبنان في القلب
لبنان في القلب
في بداية الزواج اوقات بصير مشاكل وطبعا تغير الطباع وزوجك ممكن يكون من الرجال اللي بحبو جلسة البيت ومابروح مكان الا لمكان واحد
وهو فقط ملعب التنس
يعني لو انتي بتجلسي معاه تتفاهمو يعني تقترحي اقتراح معاه
مثلا هو اكيد طول الاسبوع شغل واكيد ماحيطلع اصلا مافي رجال بحب يطلع
بس يرجع من شغلو حيقلك تعبان
لهيك عندكم الجمعه و السبت
اقترحي عليه قليلو يوم الك ويوم إلي
وطبعا كل بنت عندها طريقه معينه مع زوجها يعني مافيها شى
لو تدلعي عليه وتقليلو انا حابه بهاليوم اقضي معك ونرجع ذكرياتنا من وقت ما تزوجنا
يعني صدقيني حيقبل لانو رجال متل الطفل الصغير بتقدري تضحكي عليه
وعلى العموم انتي عشان تكسبي كمان شجعي على التنس وقليلو انا بحب الشي اللي بسعدك
واذا لعب تنس بسعدك روح عليه بس خصص لي يوم اكون معك ونخرج
والله يقدملك الخير وان شاء الله كون ساعدتك

lulwa2002
lulwa2002
لبنان في القلب
جزاكي الله خير
بس طبقت معاه هل شي ومافاد
بالعكس احاول احسسه اني مهتمه
بس مافي فايدة
احس ابتدي يصيدني اكتئاب من قعدت البيت

nada.alfayz
nada.alfayz
اللة يعينك الصبر اكويس انتي لازم تحددي يوم او يومين في الاسبوع يخرجك فية هذا من حقك علية انك تغيرين من جو البيت

lulwa2002
lulwa2002
nada.alfayz
قلت له هل كلام وكان جوابه ان طبيعية شغله تخليه يداوم بالاجازه الاسبوعية اوقات
فمايقدر يحدد يوم معين واقتنعت بكلامه
اهو كريم ومو مقصر بشي بس مدري شبلاه مايحب الطلعات

nada.alfayz
nada.alfayz
طيب اهلك ما يوخذك عليهم تجلسي يومين عندهم تغيري جو وحتى اهلك يخرجوكي مع امك اومع خواتك عند جماعتكم او فسحة مع الاهل

lulwa2002
lulwa2002
nada.alfayz
اهلي مو مقصرين بس ليش اطلع مع اهلي وزوجي موجود
ليه اخليهم يطلعوني وهو موجود المفروض هذا دوره
وجزاكي الله خير علي ردك

nada.alfayz
nada.alfayz
طيب صح كلامك ايش رايك تروحي عند اهلك وسوي نفسك زعلانة منة وتوري ان مقصر معاكي وما تبغي ترجعي للبيت لان طفشت من البيت ومليت منك ومن اطباعك وشفي ايش يسوي يمكن يغير من حالو اللة يوفقك

nada.alfayz
nada.alfayz
كيفك يا علوية انت من اي بلد من السعودية ولا

المرأة الصالحة
الزواج تاج الفضيلة