الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
سنيوريتا4477
13-12-2022 - 07:26 am
مساء الخير بنات حابه استشيركم بموضوع مضايقني من فتره
أنا أنخطبت في فتره قصيره جاء خطيبي واهله شافوني
وتمت الموافقه وصار كل شي وبعدها سافر أمريكا يعني بعد الشوفه ماعاد شفته
وطبعا اوقتنا غير اوقاتهم هناك بأمريكا
المهم الموضوع انه يسألني أسئلة على الواتس ونتكلم عادي
بس في التلفون انا احاول اكسر اللي بيننا صح لازم المفروض استحي واخليه هو يبادر بالأسئله
بس أنا طبعي اني اجتماعيه ادخل بالناس ما احسسهم اني غريبه وهو مايتكلم
لنا شهر على هالحال قلت ماصارت ههه يمكن تخترعون مني تقولون مستعجله على السوالف
بس لا والله هو يسأل عني بالواتس والبي بي ويدور عني حتى لو غبت ولو ارسل ومارديت عليه يزعل شويتين
بس صرت اطفش منه ماعندنا شي نقوله بس السلام حتى لما يسألني وش سويتي اليوم
اقول كل اللي سويته بالدقيقه مو حباً في القرقره بس عشان يشاركني ويتكلم هو
ولما اسأله يقول من الجامعه للبيت طيب وبعدين يجلس ساكت ويسألني وايش فيه كمان
طفشت منه صرت أتجاهل دخوله واتعذر اني بطلع من البيت ومافي نت بجوالي
ولما يكون يبي يحاكيني دايم وقت نومي حاولت اخرب نومي مشانه بس نفس السالفه نتكلم ما ادري وش اقول
ههه حتى صرت اقول سوالف مدري هي صارت لي ولا بس مع الطفش
وأمس قالي انا للحين ماعرفت عنك شي يبي لنا نتكلم زين مع بعض ضحكت في نفسي
قلت اخيرا ولما كلمته بعدها يقولي اسألي اول مافراسي شي قلت ابشر وسألت والاجوبه احسها جاوب ورد غطاه
وقلت طيب اسألني مشان ابتكر اسأله يقول متنح الحين
طيب وين اللي بيعرفني ومن ساعه زعلان ماعرفتك زين
وربي شي يضيق الخلق صرت مابي اكلمه ولا ابي ارد عليه وبنفس الوقت اخاف اتزوج واروح معاه ويجلس بهالموال واندم بليز دورولي حل ولا كلام جديد اسأله هو ...؟


التعليقات (8)
~فتاة الخُلق~
~فتاة الخُلق~
انا جلست فتره طويلة مثلك شو سويت اليوم و هيك ...
شوفي افتحو مواضيع و تناقشوا فيها ...مثل شو رايك بتصرف معين و شو رايك ؟؟؟ بمدري شوو تكلموا في كل المواضيع ....اللي يصير معاك طبيعي و تنسي الدعاء و الطااعه و تنصحوا بعض
ربي يوفقك !

سنيوريتا4477
سنيوريتا4477
~فتاة الخُلق~
سويت مثل اللي تقوليه تناقشنا بس الردود تكون مختصره وبعدها يقولي وش بعد تنرفزت قلت له انت مغصوب ع الزواج او هيك يقول لا والله بس انا طبعي كذا بس هالطريقه بالتعامل احسها ماتناسبني
والله يجزاك خير على انك رديتي علي

قمر الجنوووووب
قمر الجنوووووب
هذا طبعه كذا المهم انه طيب واخلاقه كويسه بعدين مع الوقت عوديه
الله يوفقكم

هدوء !
هدوء !
اهلا ياقلبي
خذيها منني كاخت لك نصييحه
لني خبرة مملكه اللحين سنتين والله يفرجها
اول شيء صارحيه لازم تتكلمين ولاتخبين عليه
اللي تحسين فيه
بتقولين كييف !!
طبعاً مو تقولين انا مليت منك والا ماعد عندي سوالف وطفشت لا ابداً بلعكس
قولي انا احابه اصارحك واقترح عليك اقتراح
ان ودي اغير روتينا اليومي ويسير كل يومين او ثلاثه اكلمك فيها على بال ما اجمع سوالف
او عشان مايسير روتين يومي ابغا اللهفه بينا تدوم ، لن من جد الشي اليومي بعد فتره ومدا بعيد يمللون الرجال هاذا وانتي بنت مليتي من الروتين الرجال بيمل بعد فتره بعدك
فعشان كذا لازم تعالجين الموضوع بالصراحه والحلول معه وكذا اصلا بتكبرين بعينه وبيحس انك ماتخبين عنه شيء وممكن بيزعل شوي لكن طيبي خاطره وقولي انا اقوله كذا لمصلحتنا لن نقعد ساكتين دايم وبنتعود لكن لازم نحط ايام نشتاق فيهاا
ومافي مشكله لو اشتقت تدخل تسال عن حالي واسال عن حالك اذا رضي كان بها
اذا مارضي هو كارجل بيدور حل ..
وربي يوفققكم ويهنيكم ويسعدكم مع بعض ويحرسكم الرحمان

هدوء !
هدوء !
اما عن السوالف والاسأله ..
عادي طبيعي لن هو اسلوبه مبين انه يحب الاستماع اكثر من انه يسولف ..
بس لو سولفتي احس بيخش معك سوالف
وكذا
انتي اذكري مواقف قديمه صارت لك
مثلا اضحكي وقولي تذكرت شي وميته ضحك
وقولي الموقف وتدخلون كذا من سالفه بسالفه
او كيف العيشه بامريكا واسعارهم
والا تتكلمين عن ايش نفسك بالمستقبل معه
من اثاث وحياة احتماعيه منها سوالف
ومنها تبينين له وش تبين وينفذه لنه فرصتك هاذي بداية الخطوبه تشرطي بس بطريقة سوالف مرح يحس تتلاقين احلامك والله محققه بس طبعن بلمعقول والي يقدر عليه مثلا سفره لمدينه ملاهيي دزني في امريكا معروفه
والله يوفقك اذا خلصت سوالليفك نطي هنا وماعليك بمدك بيدي العون

سنيوريتا4477
سنيوريتا4477
هدوء الله يسعدك على ك مك ويبي لي اسوي هالطريقه معاه اني اكلمه كل فتره مشان مانمل حسيتها حلوه اقدر اتكلم بشي جديد
اليوم بجرب اللي قلتيه وان شاء الله تجيب نتايج
والله يوفقك زي ماريحتي قلبي

هدوء !
هدوء !
الحمد الله دووم يارب

والله يوفقك وطمنيني وانا بساعدك

بلي اقدر عليه اخت فالله

9ba_
9ba_
الله يتمم لكم ع خير
طيب اش رايك تثقلي عليه وتتعاملي بنفس اسلوبه وهو الغموض ..
اذا قالك اش سويتي اليوم ؟
قولي : ف البيت ما خرجت .. وعادي لو ما اتكلم مانتي مجبوره تسولفين وهو يسمع ..
وع الفكره ممكن يحب يتعرف ع شخصيتك من خلال الاستماع لك ..

عروض خاصة واسعار خيالية
دليل الجمال حقيقة مش خيال