الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
RoSeLeeN
17-12-2022 - 02:25 pm
  1. رابع شي استخدمت فيتامينات اسمها inneov

  2. خامس شي امبولات روعه فرنسيه من فيتشي vitchy


مرحبا بنات ان شاء الله تكونو باتم صحه وعافيه اكيد اغلبنا هنا عندنا مشاكل بالشعر و نبغا افضل الحلول و الخلطات و نشوف تجارب غيرنا عشان نستفيد ونطبق بس طبعا مو كل خلطة ولا كل منتج يتناسب مع شعرج انا ماخليت خلطة زيوت واعشاب ماسويتها بالاخص انها تجفف الشعر و احس يتقصف بزيادة مادري ماوالمتني نهائيا فقررت اني الجا الى المنتجات و قبل فترة عن طريق بحثي الخاص لقيت كثير يمدخون بامبولات فيتشي سواء للتساقط او لمنع التقصف وترطيب الشعر في عدة أنواع بس هالماركة يمدحونها كلش
فبعد اشتفسارات عديدة و بحث قررت اني اجربهم طبعا شعري من فترة صار يتساقط بشكل فضيع و صار مرة خفيف يعني اكثر من سبعين بالميه من شعري فقدت ولا تفكرون لما يصير معكم هيك يعني عين وحسد و هالخرابيط ترا مالها علاقه هاي كله بسبة التخريب والخلطات و الموس و مواد التنعيم و الأهم من كل هذا الصبغات و سحب اللون الخ يعني الخرابيط الي نسويها بشعرنا كفيله انه ينخرب ويبغاله وقت طويل حتى يتعالج فانا ادري طولت عليكم بس عشان أوصل الفكرة حبيت بهذا موضوعي اني افيد الي تعاني مشاكل بالشعر خصوصا التساقط و الجفاف
اول شي بدات فيه قصيت الأطراف ضروري جدا اذا كانت الأطراف متقصفه كل خمس الى ست أسابيع تنقص ثاني شي بديته بالعلاج تركت شي اسمه صبغه والي عندها شيب مبكر مثل حالتي تستخدم الي بس للجذور حتا الكمية تجي قليله و يكون على لون الشعر طبعا وبدون امونياك خلي خط على بدون امونياك ضروري جدا
ثالث شي نسيت الشامبوات العاديه وقررت بس استحدم شامبو أطفال من ماركة بيبي طبعا فيكي تستخدمي أي شامبو ترتاحين عليه بيبي جونسون كمان حلو المهم يكون حق الأطفال لان يكون لطيف على فروة الراس و مايتحسس و لا يسوي قشرة و ذبعا مرة بالاسبوع مو اكثر اسوي حمام الزيت من ماركة افس روشيه يكون مواد طبيعيه هذا للي ماتعرفه مثل البدي شوب وطبعا بدون ماتوصليه للج>ور شي اساسي وهاي طبعا يمنع الجفاف و يرطب و ارجع انوه ثاني بدون ماتوصليه للجذور

رابع شي استخدمت فيتامينات اسمها inneov

عاد هاي حايزة على المركز الأول في العالم و انا اذا مدحت فيها اتعب والله على ما أقول شهيد واذا ماحصلتوها في بلدانكم بالصيدليات تقدرو تطلبوها من امازون والصورة باخر الموضوع
تاخذين منها كبسولتين باليوم هيا مكمل غذائي و فيها فيتامينات ومعادن كثيرة لتقوية الشعر ومنع تساقطه و للاظافر و البشرة يعني شي خيالي بس طبعا لازم الاستمرار علهيا اقل شي شهرين والحمد لله انا ظهرتلي النتائج بعد شهرين من استخدامي ليها اظافري تحسنو بشكل ملحوظ البشرة توردت و الشعر صار فيه كثافه

خامس شي امبولات روعه فرنسيه من فيتشي vitchy

طبعا هالامبولات سعرها شوي غالي بس تجيب نتيجه ماشاء الله بس كمان لازم مداومة وطولة بال اقل شي شهرين مافي شي يظهرلك النتيجه سريعه لازم تصبرين واطولين بالج خصوصا بهالمواضيع و هاي مكتوب انه كل يوم لمدة شهر و بعدين بين يوم ويوم وثالث شهر مرتين بالاسبوع بس انا استخدمتهم يوم أي ويوم لا وطريقتها سهله بعد ماتتحمي عادي تنشفي شعرج بفوطة و تحطي الامبوله عالجذور و تركزي عالفراغات و طبعا مو دهنيه ولا تبقي أي اثر للشعر و اكيد لا تشطفيها و دلكي بعدها فروة الراس مدة خمس دقائق بحركة دائىيه هالحركة كثير ضرورهي تحفز مرور الكولاجين لخالايا فروة الراس و هالمادة تحفز على نمو او انبات الشعر و طبعا راح تلاحظين بعد مرور " اشهر وتساهم في تطويل الشعر وتكثيفه والاهم تمنع التساقط انا التساقط وقف عندي بنسبة خمسين الى ستين بالميه واحلمد لله بعد ثالث أسبوع ماشاء الله تبارك الله ولسه مستمرة عليهم و شكلي ماراح ابطلها وحتا لو بطلتها فلازم يكون بالتدري او عالاقل اظل استخدمها ولو مرة بالاسبوع لما يختفي التساقط نهائيا و احصل على نتيجة تريحني و ابد لا تمشطي شعرك وهو مبلول ولا حتا بالحمام ترا اكبر غلط يشد البويصله وتضعف وتصير تتساقط اكثر فالافضل انه تستني لغاية ما ينشف الشعر وتمشطيه والأفضل يكون بمشط خشبي اسنانه عريضه و التمشيط يكون من تحت لفوق عشان تحركي الدورة الدمويه لازم هالحركة مرة الى مرتين باليوم تالم شوي بس ضروري ومثل مانبهت الشعر جاف و بالنهايه انا شعري على هالخطوات صارلي شهرين او اكثر شوي وقف التساقط نسبة ستين بالميه مع انه زوجي لاحظ اكثر يقولي فرق شاسع حس انه تساقط طبيعي تبع كل يوم بعد ماكان يطيح خصل
الحيويه رجعتله ولله الحمد اذكرو الله و فيه كثافه بس مو كثير لسه طمعانه و طبعا بداية الغرة لاحظت شعر نابت انا ماكنت منتبهه ومن ورا كمان نهاية الفروة رحت عند الحلاقه عشان اقص الأطراف سالتني وش تسوين لشعرج سالتها ليش قالتلي في شعر نابت ماتصدقون عاد الفرحه رحت عالبيت اتاكد شفت انه فعلا بس طبعا مافي طريقه ماتخلا من العيوب اطلع شعر بالجسم يعني بدل ما تسوين كل شهر تصيري تزيلي كل أسبوعين بس بالنسبه الي مبسوطة مادام في حاله لإزالة الشعر و الغرة تصير مرة كثيفه اكصف من باقي الشعر و اول مكان يصير ينبت فيه الشعر بحيث انه ينزل عالجبهه بس هاي يمكن لان ركزت بالاول على هالمكان فممكن انتي لا تركزي كثير و وزعي الامبوله بطريقه متساويه على فروة الراس بالنهايه أتمنى تجربتي تكون افادتكم وانتو كمان فيدونا بتجاربكم وشاركونا و أتمنى موضوعي يكون خفيف عليكم وماطولتها عليكم


التعليقات (8)
RoSeLeeN
RoSeLeeN
الله يسامحكم ولا واحدة ردت و لا اكو أي تفاعل مع المووضوع شكلي ببطل انزل أي موضوع

om samar
om samar
موضوع جدا مفيد فعلا سمعت كثير يمدحوها الله يعطيك العافية حبيبتي

تتالهه
تتالهه
ربي يوفقك ع الافاده
الكرتون الي مكتوب عليه 25% هذا حق ايه

RoSeLeeN
RoSeLeeN
حق الشعر والجلد والاظافر كلمة روعه قليله بحقه

كيوهيون
كيوهيون
يعطيك العافيه
انا لي سنة استخدمها بس ماشفت نتيجة للاسف

جوليا 506
جوليا 506
ربي يوفقك

ياقوته1980
ياقوته1980
اله يعطيك العافيه

متجر ام لين
متجر ام لين
موفقة ويديك العافيه

احتاج تساعدوني افضل صالون في الخبر
الخل وعسل النحل لشعر لامه