طريقة عمل الكشرى الاصفر

الكشرى الاصفر من الاكلات الاصيلة فى المطبخ المصرى ويكون طبق غنى بالعناصر الغذائية نظرا للقيمة العالية للعدس هنا سنعرفك على وصفة سهلة وبسيطة للعدس الاصفر:
المقادير:
كوب أرز
½ كوب عدس أصفر
2 ملعقة صغيرة زيت
ملعقة صغيرة كمون
2 فص ثوم مفروم
ملعقة صغيرة خل
ثمرة بصل مفرومة
2 كوب ماء
ملح وفلفل
الطريقة:
1- حطي الزيت في حلة متوسطة، وشوّحي البصل فيه على نار هادية لحد لونه ما يبقى أصفر، من غير ما يغمق أوي.
2- ضيفي عليه الأرز والعدس وقلبيهم دقيقتين، وبعد كده ضيفي التوم والخل والكمون والملح والفلفل، وحطي المية، وغطّيه وسيبيه على نار هادية أوي، أو على الشيّاطة لحد ما يستوي.. وقدمي معاه بيض مسلوق وسلطة خضار.
ويقدم بالف هنا نتمنى ان تكون الوصفة حازت على اعجابك وان تكون استفدت معنا