يابنات تكفون فزعتكم فرجوا همي وضيقتي

الله يفرج عنك همك وكربك ، هذا الامر نصيب وقدر فالله كتب لك العمر والزوج والعمل بينما كنتي مضغة مخلقة.. فكيف لا نثق بقضاء الله ولعل التأجيل خير لك.. ولعل الله يحفظ لك الاصلح والاخير لك ..فربما من تقدموا لخطبتكم ما كانوا سبب سعادتك في علم الله وربما كانوا سبب شقائك وتعاستك.. وتذكري قول الله وعسي ان تكرهوا شيئاً وهو خيراً لكم.. وعسى ان تحبوا شيئاً وهو شراً لكم ..
ثقي ان قدرك لن يتحكم فيه بشر إلا باّذن الله فالله وحده هو من يتحكم بقدرك.. ولذلك عليكي بالاسباب وثقة بالله عز وجل
هذه مواضيع عناوين خطابه في المدينة
.. ان شاء الله تكون فيها خير لك ولكن تفائلوا بالخير ولا تفقدي الامل..

حبيبتي زهرة ماشاءالله عليها كفت ووفت وكﻻمها ماعليه خﻻف بس انا بكلمك في الجانب النفسي و إحساس ...انا تزوجت بعمرك ...وطبعا كنت جداً محبطة و توقعت اني باحسن الاحواال إني بكون زوجة ثانية او باخذ ارمل اربي عياله و فعﻻ اتقدمولي متزوجين متخيله....!،،، بغيت اموت من القهر
يمكن ما اكون بجمالك بس الجميع كانوا يمدحون شكلي و اخﻻقي واهلي ...طيب وين المشكلة ؟، وعشان الموضوع يزيد سوء كان لي قريب في العائلة في سني وما أعرف كيف طلعت اشاعة في العائلة انه خطبني و طبعاً هاذا الكﻻم ماحصل ..و شوي خطب هالقريب وحدة ثاتيةو ما اتوفق وخطب مرتين كمان بعدها و برضه ماصار نصيب والكل صار يتسائل ليش ماخطبني وليش تاركني وكﻻم كثير ولغط وصلني لمرحلة فقدان الثقة بالنفس ..و تزوج قريبي وبفرحه الله ﻻيوريكي الكل حزين علي وشي غريب ..
وبعدها بسنتين الله كتبت نصيبي بشكلٍ ماكنت اتخيله باﻻحﻻم و تزوجت الحمدلله من رجل بعمري و بطريقة تقليدية بحته مافيها عﻻقة سابقةوﻻشي و الحمدلله من اول لقاء بيننا عرفت انه هو المناسب لي ولو بنتظره عمر يستاهل .. و ﻻ هو متزوج وﻻ ارمل وﻻشي كل الموضوع انه كان يرعي ابوه المريض وﻻ حب يتزوج وينشغل عنه ببيت وعيال .
الحين عرفت ان التاخير كان خيرة لي و ان اله عمى عني عيون الخلق عشانه و عشاني ..نصيبك يالغاليه بيجي و بيجيب معاه الخيرة ...اله يفرحنا بيكي قريب و يسعدك

حبيبتي .. انا كنت مثلك .. وكانت نفسيتي قبل الزواج سيئه جدا
ولكن صدقيني نصيبك لسه ماجاء .. وانا اكتب لك من باب الخبرة
لاني كنت مستائة زيك قبل الزواج ..
بس الحمدلله ربك يفرجها ,,
انا كنت اقرأ سورة البقرة
واتصدق ... واستغفر .. وادعي واصلي الليل وابكي
وفي النهاية ربنا مايضيع دعوة مهموم
ادعي ولا تيأسي وربك كريم
وربنا يزرقك بالي تتمنيه
حبيت انقلك تجربتي

الله يفرج همك وهمي نفس الوضع تقريبا
ويرزقك ويرزقني من حيث لا نحتسب
ولكن ماشاء الله البنات كفو بالردود
مالنا الا الصبر والدعاء والاستغفار والتفائل والحمدلله على كل شي

الله يفرج همك حبيبتي

الله يرزقك ويفرج همك ونصيبك بيجي ولسانك صغيره