دليل الشركات والاماكن. فالويب


المسافرون العرب




احسن طريقة لترويق وتنظيف البيت

nour mousa nour mousa
احسن طريقة لترويق وتنظيف البيت
28-11-2017 - 10:03 am

احسن طريقة لترويق وتنظيف البيت
شوفى بقى ابتدى دايما من الاماكن العليه ياعنى من فوق لتحت
وخلي عدة التنظيف بتاعتك معاكى فالأوضه اللى ابتديتى تروقيها عشان مقعديش راحه جاى فالبيت زاى الخايله الكدابه :P :D
وسيبك من التليفون والتليفزيون هيعطلوكى كتيررر
وحاولى تخلى البيت شكلة منظم كده لان النظام بياخد العين معاه اكتر من البيت النظيف المكركب
عشان يبقى تنظيف المنزل حاجه سهله وبسيطه ولـ تنظيف السجاد مخصوص ياريت
تسيبى بليل الباكنج صودا على السجاد عشان هيسحب اى روايح وحشه.
والصبح خديها بالمكنسة ^^ البيت اللى رحيته حلوة بيحسس الناس انو نظيف جدااا
خلى فمطبخك سله شكلها شيك تحطى فيها الجرايد ومفاتيحك والحجات اللى زى كده عشان مفيش حاجه تروح منك
ويسلام بقى لو تجيبي ورقة وتكتبي فيها الحجات المهمه اللى لازم تعمليها بالترتيب فى تنظيف البيت 
ولما تخرصى حاجه علمى عليها عشان تحسي بالانجاز 
أول حاجة نبتدى بالشبابيك
شوفى بقى لما تفكرى تنظفى الشبابيك والازاز اوعى تنظفيهم فيوم ممطر او مشمس قوى-
لان الشمس بتنشف مساحيق النظيف بسرعه ودا بيسيب علامات رخمه عالازاز
-متنسيش تنفضيهم الاول قبل متنظفى عشان متطينش معاكى 
-وطبعا هنستخدم فالمسح قماشة قطن عشان تمتص بسرعه معاكى وتغلبكيش
-وعشان تلمعى الازاز حلو 
 استخدمى مايه عاديه لو مجبتش معاكى نتيجه ضيفي معلقتين او 3 خل أكل على كل جالون ميه
-وخالى بالك تنظيف الازاز من جوه بيبقى من فوق لتحت
ومن بره من تحت لفوق 
- والوش الاخير بقى خديه بورقه جراد مكرمشه وشوفى النتيجه وادعيلي
 تانى حاجة تنظيف الابواب
مهم قوى انك تنظفي الابواب من فوق ومن الجناب عشان الحواف دى بتلم تراب بسرعه 
واستخدمى قماشة مبلولة بمية صابون عادى
=الشغل هيبتدى اهوه=
لياقات التى شرتات والقمصان دى بقى ياستى هتجيبي فرشة صغيرة وغطسيها كويس فشامبو شعر
قبل ما تغسيلهم عدى الفرشة عليهم لان الشمبو بيشيل افرزات الجسم بشكل عام اصلا فهيدكي نظافه تحفه
والامشاط والفرش حطيهم فى محلول باكينج صودا وماية سخنه
وبقع مزيل العرق امسيحها بالخل الابيض بس بسرعه ولو منفعش يبقى استخدمى كحول بس يكون مصنع مش طبيعي denatured alcohol
واتربيزات الازاز ادعكيها بلمون ونشفيها بمنديل وبعدين ورقة جرايد ولو فيه خدوش فالازاز استخدمى معجون السنان بيخفى الخدوش
نيجي للرخام بقى هاتى نص لمونة ورشى عليها ملح وامسحى بس بالراحه كده عشان لو دعكتى جامد هتشيلي اللون او القشرة اللى عالرخام وبعدين اغسيلها بمية وصابون هتلاقيها بتبرق
ولعفش بشكل عام هاتى فرشة سنان قديمة وامليها ملمع الاثاث ولمعيها
ولو عندك ورق حائط هاتى مقشة ولفى عليها قماشة وخديه من فوق لتحت
ولو فية كتبات اطفال عليه احسن طريقة استخدمي الاستيكه اللى بتمسح النوع ده من الكتابة
ولو فية علامات طبشيراو بواقى اكل خدى دى اعملى عجينة من سائل التنظيف بتاعك ودقيق الذرة وسيبيها تنشف وافركى بيها البقع لحد ما تروح
تنظيف الحمام بقى-
لما يكون الحمام مليان بخار كدة فاى منسبة رحى بدائةالتنظيف هيسهل معاكى كتيرر
-اما تنظيف الحنفيات
مش هتحتاجى غير نص لمونه ودا هيشيل البقع الخفيفة الفاتحه
لول فيه بقع غامقة يبقى اعمملى عجينه من عصارة اللمون والبور اكس
والخلاطات الاستالس امسحيها بقماشة فيها خل
-نيجي بقى للبانيو
البسي جونتى انا قولتلك اهو عشان هنستخدم نشادر ومش هنخففها او هنستخد الباكنج صودا وبعدين هنشطف البقع بالمية
 ولو فيه بقع اصعب جربي الخل ومسحوق غسيل الاطباق
-تنظيف الحمام نفسة بقه
هتستخدمى مبيض ربع كوباية وياريت تبدئى تنظيفة فوقت انتى خارجه بعده
 عشان هتسيبي المبيض فيه لحد مترجعى وبعدين تشطفيه بميه
وعشان ميبقاش فيه اصفرار ادلقى نص جالون خل جوا القاعدة وسيبيه من بلليل للصبح وابقى اشطفية الصبح
وعشان ميحصلش انسداد او ريحة حطى اسبوعيا فنجان باكينج صودا فيه
واوعى تستخدمى المبيض ومنظف الحمامات سوا
وابقى ادعيلي وللكلام بقية ^_^




سجلي دخولك للمشاركة على هذا الموضوع تسجيل دخول إذا لم يكن لديك عضوية يمكنك تسجيلها الآن من الرابط التالي: تسجيل عضوية جديدة

Share

احسن طريقة لترويق وتنظيف البيت




بشرى سارة لكافة عضوات ورواد منتديات العرب الفراشة حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق elfrashah.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وسوف يتم نشر 500,000 ألف موضوع 5,000,000 مليون مشاركة وأكثر من 2,000,000 مليون صورة ما يقرب من 5,000 GB من المرفقات وهي إجمالي محتويات منتديات الفراشة للاستفادة منها والتفاعل معها كحق اساسي لكل عضوة قامت بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, منتديات الفراشة على Facebook