الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
nnnnnrrrrr
08-07-2022 - 08:50 am
  1. السلام عليكم ورحمة الله.


السلام عليكم ورحمة الله.

انا عضوة جديدة رغم اني اتابع المنتدى من فترة حبيت أعرض مشكلتي أو بالأصح قصتي على مدار 18وباختصار قد مااقدر وبغير بعض الأمور للحفاظ على موضوعي ولايخل بالمشكلة.. ارجوو نصحي من ذوي الحكمة والرشد أريد أن احدد مصيري مع زوجي.. تزوجت قريبي وعندي ثلاثة بنتين وولد اكبرهم 17 واصغرهم سبع سنوات.. من أول سنة لاحظت على زوجي تصرفات صبيانية لاتدل على وعي ولارجولة ولاعقل وكنت انتقده يتعذر بأنه يحب أن يكون شباب دايما.. وانا عكسه تماما جدية وهادية وبحكم العشرة تغيرت فية هذي الطباع.. المهم صبرت عليه بعد سنة ونصف حصلت مشكلة بيننا بسيطة فقام بضربي ولأول مرة وكان الضرب شديد جدا وكان يتلفظ علية هذا الضرب لااستحقة انا كنت اتصرف بطبيعتي في كل شي وهو فيه بعض الشك والغيرة.. بعد الضرب مباشرة شكيت لأبوه رحمه الله كان انسان واعي ومثقف وكلمه وتكلم علييه وكان زوجي نقطة ضعفه ابوه يخاف منه.. بعدها راضاني بكلمتين ومااشتكيت لأهلي وقتها والدي كان متوفي من فترة بسيطة رحمه الله.. كانت تحصل بيننا مشاكل يلجأ للضرب وكنت اقول له اما تغير طبعك ولاتندم انا اذا طلعت من البيت مستحيل ارجع عشان كذا مو بالسهولة اني اخرج من بيتي وخاصة معي بنت وكانت والدتي رحمها الله تعبانة ولاتتحمل المشاكل.. استمرت حياتنا بعد أن عرفت شخصيته صرت ابعد عن كل مايضايقه ويثير غضبه ماكان يقصر علية بالكلام الحلو والفلوس والهدايا والروحات والجيات ويعبر عن حبه لي وأنه كان يتمناني وهو بالجامعة وكلام كثيير اشوف في كلامه الصدق كان واضح وصريح في كل شي حتى بعض صراحته ازعل منها يقول اعتبرك صديقتي انا ماعندي خوات أكبر مني فاحس محتاج احد اتكلم معه.. لكن طبعه ماتغير إذا زعل بقوة ضرب وأمام أولاده قبل فترة بسيطة يقولي اللي ندمان علييه طول عمري ضربي اللي كنت اضربك فيه بدون سبب احيانا احس كنت مو طبيعي وحتى انت كان يبدر منك تصرفات.. لأنه من سنوات ترك الضرب الحمدلله بعد موقف..نسبت السبب لكن ضربني وقمت أخذت عصا وضربته وزادت المشكلة وهددته أنه إذا تكرر لاتصل عالشرطة أو اطيح من ضربه والمستشفى يقوم بباقي الأمور يعني بينت انه مايهمني.. بعدها بطل ضرب والحمدلله احس الان لو بيمد يده ا..كسرتها لكن انقلب الوضع للأسف صار يضرب بناتي عند أقل موقف منهم وضرب قوي زعلت حاولت أمنعه مافيه فايدة صح مو دايما لكن ضربه قوي والصراحة بناتي السبب احياناوعنيدات وتعرفون المراهقات وتصرفاتهن بس مو لدرجة ضربه حتى احيانا يشوت برجله بقوته أو يستخدم عصا أو عقال.. كرهت تصرفاته بناته خلاص كبار ومقارنة ببنات سنهن اشوفهم أفضل... بس طبع لايمكن يتغير.. الآن حياته معي متقلبة مرة ضحك وكلام حلو وحياة تسير باستقرار وفجأة اقل موقف مني سبني وشتمني ويهدد ويتوعد وانت فيك وانت فيك احيانا وقت الزعل يقول صابر عليك عشان تربين أولادك بس وإذا رضي قال لاتصدقين كلامي امزح والله اني احبك قلت انت مريض عالج نفسك.. إلى الآن أنا حياتي معه بهذا الشكل وقت الرضا تمام ووقت العصبية يجرحني كثير.. انا الان لي اسبوع عند اهلي أو بمعنى بيت اهلي عند خواتي.. مرة اقول برجع له ومرة اقول لازم اكون جريئة واتخذ موقف عملي في نفس المدينة اللي هو فيها يعني افكر كيف بتصرف لوتطلقت وجلست معلقة أشياء كثيرة في ذهني تعبت من التفكير بعد اسبوعين بيجي ولي اسبوع من سافرت مااكلمه بسبب مشكلة تتعلق بالمصاريف وكلمة قالها لي زعلتني.. يكلم بس بناته.. بقولكم إيجابياته وسلبياته وانتوا احكموا وأنصحوني..
سلبياته... مهمل في صلاته.. يتفرج في أفلام إباحية كان يتفرج فيها خفية وإذا كشفته وزعلت ينكر رغم اني شفت بنفسي.. الآن لا يقول بكيفك انا بتفرج.. انت ماتعطيني حقي كامل وهو رغم أنه في آخر الأربعينات يبغى يوميا فاستغربت اقول انت موطبيعي طلبك يوميا معناته تتفرج في مثيرات وبعدين يضر بالصحة يستخف بكلامي وانا كعمري وعمره طبيعية هو اللي مو طبيعي.. المهم ألفاظ وقت الزعل سيئة.. مايراعي مشاعري... احترامه قليل لي.. يقل أدبه لي قدام بناته كل هذا وقت العصبية.. مايحب يشوفني جالسة عالتلفزيون خاصة المسلسلات يقول تتابعين مين ومعجبة في مين حتى اكره الجلسة..مايحب برامج التواصل عدا الواتس والسناب
إيجابياته.. ماياخذ من راتبي لكن معتمد علية كثير في المصاريف سواء للبيت أو لبنات أو للترفيه.. يحن احيانا علية لدرجة يذكرني اخذ حبوب أو دوا.. يساعدني احيانا في البيت قبل ماتجي الشغالة مايجبر ني على طبخ اكل معين اي شي يرضى فيه.. يدلع بناته بالأكل اللي يبغوه واللباس لكن يعكس الصورة وقت زعله لدرجة وحدة من بناته قالت ليته يقطع علينا كل شي النت والطلبات بس مايعصب ويضرب حاقدين علييه كثير يرتاحون إذا طلع من البيت لأنه قلق وغثيث ونقاد كثير.. من إيجابياته.. مايجبر ني اتواصل مع أهله وجمعاتهم إذا أحد زعلني منهم يوقف معي مايطلع أسرارنا لهم كثير
أما أنا فصرت عصبية ومااتحمل شي... ارفع صوتي عليه وقت مايقول لي كلمة تزعلني.. التلفظ عليه احيانا وادعي لأنه يقهرني.. في داخلي مااحمل حب له لكن احمل عشرة ماحب افرط فيها ولاانسى المعروف كان يساعدني وقت مرض امي الله يرحمها يساعدني لبناتي وهم صغار ولما اكون في المدرسة.. مدري زوج غريب الأطوار... اعتذر للاطالة لكن اول مرة افضفض.. انتظر نصايحكم ودعاؤكم لي..


التعليقات (6)
nnnnnrrrrr
nnnnnrrrrr
اعتذر منكم مشكلتي طويلة لكن اللي ماعندها حل لي تدعيلي أن ربي يسخره لي ولأولاده ويبعده عن الحرام والالفاظ الببذيئة

Bsoomah lool
Bsoomah lool
اذا ع السب والتجريح اذا من البداية انتي سكتي عليه ومافهمتيه من بداية زواجكم بعد 18 سنة تبغي تغيريه تاني شي ع الضرب لمن يكبر يبطل بناته راح يكبرون وهوا حيعجز ماراح يستمر الحال وتالت شي ماشاء الله ايجابيته كتير اعرف حريم صابرين ع رجالهم وسلبياتهم زي الرز ايجابية وحدة ماتلقين لاكن صابرين لانو في هادا الزمن صعب تربين بنات وعيال بدون اب او الخوف من وجوده وانو في احد يراقبهم وراح يعاقبهم لو سوو شي غلط وبعدين اذا زعلتي لاتطلعين من بيتك خليكي زعلانه فيه مهما سار هاذا بيتكم مو بس بيته لحاله واهم شي ادعي الله انه يهديه ويحافظ على صلاته ويصلحه لكم ويبطل ضرب في بناته

هناء
هناء
وعليكم السلام ورحمة الله وبركاته اختي لازم تصبري وتعلمي بناتك الصبر هادي عشرة سنين طويلة مو سنة ولا سنتين انتو حاولو تتجنبوه تماما يعني هو مستحيل يضرب بناته بدون سبب قوليلهم حتى لو تتهاوشون مع بعضكم لا تشتكو لأبوكم وبما انه عندك راتب خاص يعني لما يحتاجو البنات شي انتي جيبيلهم والحياة كده يا حبيبتي حنا مو في الجنة والله حتى اللي مايشتكون عندهم مشاكل يعلم فيها الله بس ساكتين وصابرين انتي ماعليك الا بقيام الليل والإستغفار في الثلث الأخير من الليل ادعي وانتي ساجدة بكل اللي في خاطرك قولي لربك انك ماقدرتي تغيري طباعه وانك ياربي انت على كل شيء قدير انت غيره للأفضل واهديه واصلحه واذا مثل ماتقولين انك ماعندك حب له انصحيه يتزوج عشان يخفف عنك من الجماع كل ليلة ترا الرجال مو متل النساء يا اختي النساء بسرعة شهوتهم تقل بس الرجال لو ماعندهم شهوة اكثر ماكان الله يحلل لهم يتزوجون اكثر من وحدة
انا فكرت ممكن لو تزوج ترتاحون من ضغوطاته ولما يرجع البيت يكون مشتاقلكم وربي يصلح بينكم هذا رأيي

حيتنا بايدي امينه
لا اعرف تعامل مع زوجي ساعدوني