ساعدوني

الله يوفقك و ييسر أمورك ...... تقدرين تزورين ملف بنات الشرقيه فيه كل الأماكن اللي تحتاجينهم
أعذريني ما أعرف أحط الرابط

يعطيك العافيه ومشكوره

انتي بالشرقية وتفوتين لطيفه اخصائية التجميل
انصحك روحي لها بطلعك عروس اسم وشكل
شغلها فخم وراقي ومابتندمين
وهي تسوي برفات روحي لها وخليها تسوي لك بروفه
وانا متاكدة انك بترجعين لها لانها فنانه

ياهلا فيك بالشرقية حددي انتي وش اللي ناقصك بالضبط

ان شاء الله نساعدك عيوني
الله يتمم لك على خير

موفقه اختى واذا حابه اى مساعده في الزفات وطلت العروس
امرينا واحنا نتشرف بخدمتك

بالتوفيق يالغاليه

الله يوفقك

ابنسخ لك من النصائح اللي محتفظه فيها بجهازي
وإن شاء الله أقدر أفيدك
بسم الله
*
*
*
1:
مبروك عرايس ، الله يوفقكم ويتمم لكم على خير
ماتشيلون هم ابداً ، كل الاشياء ان شاءالله بتترتب
واذا ماخلصتم أغراضكم ، في الأيام الأخيرة الكل بيكون حولكم وبيساعدكم
تذكرت ليلة زواج اختي ، ماعندها لافستان زواج ولا صندل ولا طقم
وبكل برود الساعه 9 الليل وصتني اجيب الفستان والطقم من المحلات وأمر اشتري لها صندل وراحت نامت
طيب مراح اتكلم عن ترتيب الزواج والكوشة والتقديم لأني بصراحة ماأحضر زواجات ولاأعرف في هالطقوس اي شي
ويوم زواج أختي كنت المسؤولة عن هالأمور واخترت محل وجلست اتفرج على الافكار اللي عنده واتفقنا على كل شي وصار خيالي يرسم صورة للأشياء كيف بتكون وانصدمت بالواقع
اسعار مبالغ فيها جداً جداً جداً ومستوى شغل متوسط
بس بتكلم عن الزفة والشوكولا بما انه كانت هديتي للعروس
الشوكولا رحت محل بشارع الثلاثين جنب باتشي وستديو وعملت عندهم سيفونير كانت اقل من 50 قطعه ب 1000 تقرياً وكانت فاشله
لكن طلبت صينتين تدور على الضيوف وعلى حبة الشوكولا مطبوع اسم العريس والعروس وكلمة كاتبتها لهم مره اعجبتني بعد ب 1000
الزفه رحت قبل الزواج بيومين محل ليل وقصيد وسمعت كذا شي واخذت 3 زفات وكان سعرها ب 1200 تقريباً
ولكن سمعت ان الزفات الخاصة تكون ب 4000 الاف اتوقع