مشكلتي مع وزني والنحافة اتمنى تلاقو لي حل

طفووشه

24-04-2022 - 12:00 am

سلالام عليكم ..
عفوا عزيزاتي
مالقيت مكان اكتب فيه مشكلتي الا هنا ..
واتمني انكم تفيدوني لو بشي بسيط
بصراحه انا مره نحيفه
يعني وزني 45
وجربت كل طريقه ممكن انها تزيد من وزني
لكن مافي فايده
نصحتني وحده اني اخذ حبوب الخميراا .
لكن برضو ماسوت نتيجه معي
اتمني تفيدوني .. واكون شاكره لكم
كل الود
طفووشه

التعليقات (9)

وجن

24-04-2022 - 03:33 am

والله ياطفوشه نفس المشكله كنت حكتبها
وانا برضوا وزني 45 وعمري 17 سنه
ابغى شي على الاقل يمتن وجهي شويه
اختكم:
وجونه

طفووشه

24-04-2022 - 04:34 am

ياهلا وغلا وجن ..
الله يعين ونلاقي ان شاء الله طريقه
انا عمري 19 ..
والله صدقتي وجهي محتاج يمتلي شوي
مره رايح فيها ...
اتمني تفيدونا يافراشاات

الاميرة ياقوت

24-04-2022 - 05:35 am

مرحبا حبايبي
طفوشه ... وجن
بصراحه انا ماعندي اي طريقه ..لان مشكلتي الن عكس مشلتكم تمام
انا كان وزني قبل لا انخطب 54 وبعد ماانخطبت صرت دايم اكل كنتاكي
شهيتي انفتحت للأكل
وبعد 6 شهور من الخطوبه وربي بدون كذب صار وزني الان 62
وانا كثير متأزمه لوزني هذا ودي ارجع رشيقه مثل أول
لان زواجي قرب .... ومايصير حلو الفستان على وحده دبه خ
يعني نصيحتي لكم .. خلكم شدي احلى
او اذا انخطبتوا راح يزيد وزنكم او اكلوا من كنتاكي كثير
تراه يزيد الوزن
ولكم مني جزيل الشكر

حلم فتاة

24-04-2022 - 06:36 am

سبحان الله يعني كلنا نفس المشكلة
أنا عمري 17 ووزني 44
والله ماخليت شي وماجربته
تحياتي

هــــــــلا

24-04-2022 - 07:37 am

ياحبيباتي ياحلوين
مافيه أحد أبدا راضي عن نفسه ..
بس كحل مبدأي حبي شكلك كذا بالأول .. بعدين لاتفكرين كثير بهالشئ ولاتطورين هالشئ لمشكلة طيب ياعسولات
بعدين في بعض الأجسام غير قابلة للسمنة وبعضها قابل .. وقد تكون النفسية مسبب رئيسي يعني مو أنه بس الأكل
على أيام التخرج كانت نفسيتي مش ولابد وكان وزني في النازل بس بعد التخرج باأسبوع واحد زاد وزني بشكل لايصدق مع اني ماكنت أكل كثير ابدا احيانا اجلس باليوم على قهوة او شئ خفيف بالمرة ومع كذا زاد وزني بس للي تبغى سمنة الوجه
عليها بالسنكرس شئ مو طبيعي انهبلوا خالاتي مني وش مسوية ولما تركته رجع وجهي مثل اول ..
يعني ياعسل انتي وهيا بلاش تأزموا الوضع عالجي نفسيتك بالمرح وكلي ماتشتهين ولاتفكرين بالمشكلة وأن شاء الله تسمنين ..
اجمل التحايا

رماد الشوق

24-04-2022 - 08:38 am

و الله أنكم ما عندكم سالفة يانحيفات غصب يبون يخربون جسمهم يا بابا
لاحقين على زيادة الوزن بعدكم صغيرات وقدامكم العمر والله بعدين بتندمون على إلى هالشي
بعد ما تزوجون و جيبون أولاد راح تغيرون رايكم أو يمكن تغيرون رايكم من أول شهر في الزواج مثلي

bosecat_20052000

24-04-2022 - 09:39 am

هاى حبيبى الفراشات انا عندى 24 سنه وزنى بين 38 الى 40 ولاى يزيد وجربت كل الوصفات ولا فايده اعمل ايه

مودموزيل

24-04-2022 - 10:40 am

عزيزتي مالك الا انك تتاخذين فااتح شهية عن طريق اخصائية تغذية

بنت نجد

24-04-2022 - 11:41 am

فيه خلطه تباع عند العطارين مكونه من حمص مطحون مع مكسرات كل يوم تحطين ملعه منها على الطحين هذي الخلطه تسمن أنا مجربتها

فضيحة مطاعم كنتاكي عالميا←
أنقذوني خاص للي ساكنين بالرياض→