صرخه أنين

الحزن في صوتك ازعج ساكني
لين صار الكون من حولي حزين
غصب عني حزن صوتك هاجني
لين خلى عاصي المعنى يلين
وامتثل حرف القصيد وعادني
وانسكب حزنك على شعري حنين
شلت انا صوتك وحزنك شالني
اكتم الصرخه وينساب الحنين
شفت حزنك كيف حزنك شافني
كيف داهم خلوتي في لحظتين
طير أنا مثلك زماني ضامني
جرحتني مثلك سيوف السنين
صابك الي من زمان صابني
في معاليق الحشا جرحه دفين
الفرح عقب الصداقه هابني
خافت البسمه على وجهي تبين
طير ياللي صوت حزنك هاضني
الله ياللي ينتصر للصابرين