امور سهله تعجب زوجك وتخفف من دفاشته

اهلين يافراشات يامتزوجات
من اللي مثلي تعاني من دفاشه زوجها وبعده عن الرومانسيه
اكيد كثير
المهم انا حسيت ان زوجي تحسن بعد ما صرت اسوي حركات سهله وماتكلفك ولا شي ,, اول كنت اتكلف بالهدايا اللي اشتريها له وكان ما يجيب لي هدايا الا بمناسبات وكثير يسفهني ولا يجيب شي
ماراح اطول عليكم القرق واليكم احد هذه الطرق السهله اللي هزت زوجي ..
مره كنت بطلع ازور مع امي وهو توه ما جا من الدوام وانا جالسه استنى امي مسكت المنديل وطبعت عليه بوسه وكتبت له احبك وحطيتها له وسط الاب توب لاني عارفه انه اول شي راح يفتحه قبل مايفتح اللمبه ..ماتصدقون يابنات شلون اثرت فيه هالحركه لدرجة انه هو اللي جا ياخذني من العزيمه وانا قايله له اني برجع مع امي
ومره ارسلت له كرت بالايميل وهو بالشغل ,,بعد ما ارسلته بنص ساعه لقيته جاي من الدوام قبل وقته .
يعني حركات بسيطه تخليهم يهتمون اكثر ويخففون من دفاشتهم
وسلامتكم