أرجوكم رجاء خاص

قطرات
وعليكم السلام ورحمة الله وبركاته
حاليا ماعندي فكرة وحدة ان شالله تعجبك
ايش رأيك تعمليلهم فوازير مضان
تحطيلهم أسئلة شوية صعبة يبغالها بحث عشان يستفيدو وتسليم الأجوبة إما آخر يوم في الدراسة أو لمن يرجعو وتعملي سحب وهدايا وحركات
للمعلمات والطالبات
والله يعينك ان شالله

أشكرك من كل قلبي لاستجابتك ومساعدتك لي يا أحلى لولو والفكره حلوه مره وتسلمين مره ثانيه...................

فكرة اختي لولو جداً حلوه ..
وبامكانج تزيين لوحة المسابقه بفوانيس ورقيه ...
وجايتج اختي مناسبة القرنقعوه ( مادري اذا تحتفلون فيها في السعوديه او لا )
تقدرين تسوين للطالبات حفله بسيطه تبين لهم طريقه الاحتفال بهذه الليله الجميله
وتلبسين كم بنوته البخنق والملابس الشعبيه وبنت تلبس ملابس العجوز اللي توزع المكسرات والحلويات ..
وان شالله اذا جات في بالي اي فكره جديده ..
بكتبها لج على طول ..
بالتوفيق ان شالله ..

اختي قطرات السلام عليكم
انا لي خمس سنوات رائدة نشاط في المرحلة الثانوية وأي شي تحتاجينة ممكن تراسليني على الخاص
وبالنسبة لرمضان طبعاً حسب المرحلة الي انتي فيها بس افضل شي المحاضرات الدينية وشوفي لك مكان بارز في المدرسة وحطي صحيفة دورية أكتبي فيها لكل مناسبة بعض المعلومات مثلاً عن شهر رمضان وحطي مسابقة عبارة عن أسئلة ثقافية وحددي لها موعد قريب لإستلام الاجوبة
طبعاً لازم تكون رئيسات المجالات الي انتي حددتيهم معاك لهم نشاط بارز وإذا احتجتي لتفصيل أكثر انا ماعندي مانع يعني أنا في الخدمة

أولا أشكر فراشة قطر على المشاركة وفكره حلوه
ثانيا أقول البنت الرياض أشكرك لتجاوبك وأنا رائدة نشاط للمرحله الثانويه والمتوسط وأبغ مساعدتك بشكل كبير وكيف أراسلك على الخاص وعلى فكره المدرسه أهليه وسويت للبنات محاضره دينيه رائعه لكن لم يكن هناك أي تفاعل تعرفين بنات الأهليه وخاصة ها المرحله ...... وبعدين سويت لوحه للاعلانات بس أبغ أفكار لتزين لوحه حتى أضع الأعلانات وشكر ا مقدما

مساء الخير أختي ...........وإذا بغيتي قولي........ صباح الخير
فكره للوحه أعلانات متجدده
ضعي فلين عريض وثبتيه في مكان مرور الطالبات مثلا في الساحه الخارجيه
( جلسه الطالبات)
بحيث يكون للفلين أيطار ومن الداخل ثلاث جيوب شفافه على
حسب الموضوع طبعاَ لأعلان الموضوع تكتبينه على ورق ثم تدخلينه
في الجيوب وكل مره تغير الموضوع بنفس الطريقه وضعي أسفل اللوحه
مساحه بحيث تكون مسابقه الأسبوع (اما تعليق على صوره أو سؤال)
تضعي كل أسبوع صوره أو رسمه مجسمه أو سؤال وتضعي ورقه تكتب
فيه الاجابه يعني الورقه مثبته على اللوحه تغيرينها مع تغير المسابقه
.........أنتي تعرفين بنات هذه المرحله عجازات و لعبات وهمهم ... .....و....
وتكتبين شروط المسابقه أسفل اللوحه مثلاَ:
*كتابه الاسم بشكل واضح * أخر موعد للأجابه
وانتبهي عند تضعي المسابقه
اكتبي تاريخها حتى يكون هناك علم لطالبات
ولا توخري توزيع هدايا المسابقه
لان ذلك يطفش البنات ويمتنعو عن المشاركه
مسايقة قدمتها
وضعت صوره يدين تسلم على بعض بشكل مجسم من الفلين وعلقو
عليها الطالبات حيث كنت وضعتها وكان هناك مشدات حصلت بين الطالبات
وانحلت بعد ما قرأ تلك العبارت طبعاَ أكون واقعيه معك
من العبارات صح ومنها مالها سنع ومن الممكن وضع
صور يحبونها البنات شرط عدم وجود ذاوات أرواح مثلا
قطه وضعت على رأسها كيس ثقيل يعني ما يطلع وجه القطه
أن شاء الله تعجبك الفكره
وأرجو أن تفيدوني في مجال رياض الأطفال ( الاركان)
مع تحيات
بين القمر والبشر