بليز ممكن تساعدوني

1. بصراحه ترددت وايد قبل ما أطرح هاي مشكلتي بس بعد ما شفت المواضيع تشجعت


2. ومشكلتي هي :


3. آنه صج مستاءه من نفسي وما أعرف شنو أسوي


4. بليز ساعدوني


5. لا تقولون لي امتنعي عن النشويات والسكريات ما أقدر أمتنع عنهم

السلام عليكم
شخباركم حبيباتي الفراشات إن شاء الله تمام
طلبتكم طلبه وياريت تساعدوني فيها

بصراحه ترددت وايد قبل ما أطرح هاي مشكلتي بس بعد ما شفت المواضيع تشجعت

ومشكلتي هي :

أنا فتاه أبلغ من العمر 16عاماً قد تستغربون من صغر سني وتقولون شنو المشكله اللي تواجهني مشكلتي هي إني وايد متنانه وبالذات في آخر سنتين وبصراحه انصدمت لما شفت اني زايده أكثر 20 كيلو في هاي السنتين آنه الحين في 2 ثانوي وبصراحه حالي ما عاجبني كلش وكل ما إني أبي أسوي ريجيم ألتزم أول يوم وبعدين أكسره
وقمت المأساه اللي عندي إني انه من الناس اللي يتعرضون للأكل العاطفي يعني لما أتضايق ، أزعل ، أعصب ، أتوتر ، أكون في فترة الإمتحانات على طوول أروح للأكل وأحط حرتي فييه ولا أحس بالكميه اللي آنه آكلها وبالذات الشوكلييت وايد انجذب له ففي فترة الإمتحانات تلاقوني بالراحه زايده 3 أو 4 كيلواات

آنه صج مستاءه من نفسي وما أعرف شنو أسوي

بليز ساعدوني

انه ما طرحت مشكلتي الا عقب ما ارتحت لكم بتقولون شلون ارتحت لكم وانه ولا مشاركة مشاركه فيها من أول ما سجلت بس انه طول هاي الفتره وانه كنت اتصفح الموقع واشوف ردودكم وبصراحه من غير مجامله حسيت إن كل وحده منكم ما شاء الله عليكم تملك قلب أوسع من الثانيه وهاي اللي شجعني أكثر إني أطرح مشكلتي ويا ريت ألاقي عندكم حل لها
بليز أبي حد يساعدني أبي أرجع ضعيفه نفس ما كنت و خصوصا إنه راح تكون عندنا خطوبه في شهر 3 وعندي عرس في شهر 7 وما اعرف شنو أسوي
آنه إطلعت على الريجيمات الموجوده بس ما اعرف شنو أختار وما أعرف إن كانت الريجميات الموجوده تناسبني ولا لاء يعني أقصد بهاي الشي ما أعرف إن كانت تناسب سني ولا مب زينه لي

لا تقولون لي امتنعي عن النشويات والسكريات ما أقدر أمتنع عنهم

انه أعرف انه اللي أسويه يضرني بس ما اقدر أمسك نفسي ويوم عن يوم يزداد كرهي لجسمي وشكلي لدرجه اني لما أطلع أروح للأعراس أو أي مكان ما أطلع من غير ما ألبس المشد علشان يبيني أضعف بشوي وبعد مع المشد الكل قاعد يقول لي إني وايد متنانه وجسمي اخترب عن قبل
شاسوي
عندكم طريقه تساعدوني فيها ، عندكم ريجيم أقدر أتبعه من غير ما يضرني
أتمنى ذلك
سوري على الإطاله وجزاكم الله خير
ياريت تساعدوني
مع السلامة خواتي أحلى فراشات