أريد طريقة الكبسة السعودية

ابشري
ابعطيك طريقة الماما الله يحفظها ويرجعها بالسلامه
خذي:
1 بصله
1 طماطم
فلفل حار حسب الرغبة 2 او 3
تقطعين البصل والطماطم شرائح
وبعدين تحطين في قدر الضغط زيت<<<< حسب الرغبه
تحطين عليه البصل واذا صار لونه غامق تحطين الطماطم والفلفل
وبعدين حطي البهارات الخاصة بالكبسه والملح<<<<هذي حطيها مع الطماطم مو مع البصل
تخلينها لين يصير الطماطم ذايب<<<<على قولة الوالده
تاخذين دجاجه او حسب الكميه اللي تكفيكم
وتقطعينها نصين وتنظفينها
وتحطينها على الكشنه وبعدين حطي مويه <<<<حسب مايكفي الدجاج
الحين غطي القدر واحسبي له ثلث ساعه
بعد ثلث ساعه تفتحينه تلاقين الدجاج ناضج
خذي الكميه اللي تكفيك من الرز واغسليه زين
وحطيه على الدجاج ومويته
المويه لازم تكون مرتفعه عن الرز 4 سم تقريبا
وذوقي الملح قبل تقفلين
بعدين قفلي وخليه ربع ساعه
وافتحي تلقين الكبسه السعوديه
وبالهناء والعافيه
ان شالله اكون افدتك

هلا فيج يا أخت بدور
أشكرك عزيزتي شكرا كثيرا على الطريقة
والله يخلي لك أمك ويحفظها وإياك من كل شر إنشاءالله
والله يعودها لك بكل صحة وعافية وبالسلامة إنشاءالله
جزاك الله خيرا.