دليل الشركات والاماكن. فالويب


المسافرون العرب




تبين تتزوجين؟ عندي لك طريقة !!!!

بنت المطر بنت المطر
تبين تتزوجين؟ عندي لك طريقة !!!!
12-03-2011 - 01:35 pm

تبين تتزوجين؟ عندي لك طريقة !!!!





الى كل سحليه ناشبةفي حلق أهلهاوماتصرفت

مع انهم حاطين معها أختها مجانا (لترويج البضاعة المتحرجمة في البيت )

اليك عصارة راسي وبنات أفكاري أضعها بين يديك

كيف تصطادين تمساح دون اللجوء للأساليب المعهودة والسقيمة

(المغازل ،الترقيم،التميلح اللي ماله سنع،الترزز بالاسواق .الخ )

لاجابة على هذا السؤال اليك مايلي :

أهم نقطة :نشني على العجوز اللي حاطة عينك على ولدها ثمن نفذي مايلي :

1-خليك مع أمك لاتروحين مع البنات وتهيبلين اصبري عنهن كم شهر لين تتم العملية

2-امشي وانتي حاطة راسك بين كتوفك لاترفعينه أبدا حتى لو يصير كله صعارير (خلي الفكس دائما في متناول اليد ) علشان يقولون مؤدبة ومب متكبرة .

3-كلمة خالة خليها على لسانك وخاصة لأم التمساح علشان تحس بنوع من التميز عن بقية العجز .

لامانع تنادين وحدة ثانية بخالة علشان إذا مانجحت الخطة مع العجوز تنجح مع العجوز الثانية اتبعيها كخطة احتياطية (يعني استبنة )

4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري إن المثل ماله داعي بس مالقيت غيره

5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك

6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )

7-اذا جيتي بتمدين ايدك جعلها الكسر (خربها) اعبطي خشتك وتويجعي (مب قوة علشان مايقولون جوارة)

وخلي أمك تقول :قايلة لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )

8-دايم ارتزي كأنك بالعة قصبة علشان ماينقص من طولك ولا سنتيمتر (للقصيرات)

9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق

10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة

11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن .

12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم

13-في العروس لاترقصين اربضي واقضبي ارضك واعتبري الرقص عيب وشق جيب

14_اذا جا طاري السوق وطبعا هو لازم يجي الطاري لأنه ملح الجلسة عند الحريم

خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع )

(((((((احتمال وارد الحدوث))))))

ممكن تكون العجوز منشنة على بنت غيرك لكن بعد النقاط السابق ذكرها

بتصرف نظر عنك وعنها < (أمزح لاتصدقين )الحين بتكون العجوز وقعت باالفخ

نرووووووووح للتمساح الحين

اهجدي في بيت أهلك ولاعاد تطلعين واذا جاء المعرس بيشوفك

خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا والا نانسي عجرم مطيرات عقول عيالنا وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) ادهري من مشغل لمشغل(صبغه ،فرد،تنظيف بشره،الخ) لاتخلين على روحك قاصر

ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة بعدها عاد كيف بيشوفك هذي عليك مب كل شيء بعلمك اياه دبري عمرك بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا (البنت حوسة (مع انك طاقة كل زينك بس يعني اني في هاللحظة الولد بينط على راس أبوك وبيمطخه لين يشفط مخه

وبيقول متى العرس ياعم (اللهم ارحمه فقد كان ولدا بار بوالديه )

عاد الله يوفقك ولاتنسينا من حلاوة العرس والهدائاء

واياني واياك تعلمين الولد من اللي معلمك هالعلوم

???????????تحذير ???????????

ابعدي عن أمهات العيال اللي متعلمات راعيات الشنطة مثل لون الجزمة

لأن هذولي يبيلهم خطط بعيدة المدى


نصيحه """""""

رفيقاتك بيلاحظون التغيرات المفاجئة اللي صارت لك
فانتي قولي لهم :انك خلاص انسانه عرفتي درب السنع والعداله


مع تمنياتي بحياة سعيدة وادعو لنا بالتوفيق بين (راسين بالحلال)
ومع السلامة باباي




المشاركات

الدلووعة الدلووعة
تبين تتزوجين؟ عندي لك طريقة !!!!


ههههههههههههههههههاي...
كنت افكر اتزوج بسس الحيين هوونت ..
الصرااحة الشرووط قبل وبعد الزوااج واايد صعبة... :P


أم جويرية أم جويرية
تبين تتزوجين؟ عندي لك طريقة !!!!


8)


بنت المطر بنت المطر
تبين تتزوجين؟ عندي لك طريقة !!!!


ههههههههههههههههههههههههههه لا اتبعوا النصايح


فنووونه فنووونه
تبين تتزوجين؟ عندي لك طريقة !!!!


ههههههههههههههههههههههههههه...
حركه طيب واللي مالها في الزواج الحين وتخاف يطيرون العرسان منها؟؟


نسايم نسايم
تبين تتزوجين؟ عندي لك طريقة !!!!


اتصدقين انك فطستين ضحك الله يسبع ابليسك تراك رثعتي بالمسكين وامه بالله وش ذنب هلمسكين
لاجت اتصبح ولدها ولقت العروس عاملة بشعرها نيقرو
ولاعازمة العجوز وعامله اكل الله اعلم به

شكلي بنصح اخواتي هالمطانيخ بيها غدي ام اسعود تطيح بهن


سجى2004 سجى2004
تبين تتزوجين؟ عندي لك طريقة !!!!


ههههههههههههه
هههههههههههه
ههههههههههههه

8) 8) 8)


سيد المها سيد المها
تبين تتزوجين؟ عندي لك طريقة !!!!


يا حليلك بس ..
خساره بس لو اني مشاركه منذ مبطي ...
بمعنى قبل اطيح واتهور واعرس ..
بس ما عندك نصايح لي بالتعامل مع الخاله واخوات الزوج ولا يهون زوجات الاخوان بعد السقوط ...


خخخخخخخخخخخخخخخخخخخخخخخخخخ


يعطيك الف عافيه بس راح اقول لصديقاتي هالسحالي الجامدات مع وقف التنفيذ هالنصايح لعل وعسى تتسلك الامور...


اختك سِيد المها


نُسيبه نُسيبه
تبين تتزوجين؟ عندي لك طريقة !!!!


بصراحه موتيني من الضحك حتى اهلي ماتوا من الضحك على ضحكي الله يقطع ابليسك لكن هالنصايح مفيده للي تبي تصيد تمساح معين وبعدين تبين الفضايح هههههههههه.


لمحة طيف لمحة طيف
تبين تتزوجين؟ عندي لك طريقة !!!!


بنت المطر انت روووووووووووووووووعة الله يسعدك ،، بس ابى اقلك انا سويت طريقتك هذى مليون مرة وبصراحة نفعت بس العرسان ما اعجبونى ،،، بنات اسمعوا النصايح ترى والله تجيب وخصوصا بالزواجات اكتبوا هالنصايح وخذوها بورقة عشان ما تنسون شى منها


موضوع مغلق

تم غلق المشاركة على المواضيع القديمة، ولكن يمكنك فتح موضوع جديد للمناقشة او الاستفسار والمشاركة.


Share

تبين تتزوجين؟ عندي لك طريقة !!!!




بشرى سارة لكافة عضوات ورواد منتديات العرب الفراشة حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق elfrashah.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وسوف يتم نشر 500,000 ألف موضوع 5,000,000 مليون مشاركة وأكثر من 2,000,000 مليون صورة ما يقرب من 5,000 GB من المرفقات وهي إجمالي محتويات منتديات الفراشة للاستفادة منها والتفاعل معها كحق اساسي لكل عضوة قامت بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, منتديات الفراشة على Facebook