الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
ام البتول2006
03-07-2022 - 06:46 pm
  1. السلام عليكم يا فتيات يا حلوات

  2. احلامها الورديه

  3. 4_ تجلسين اسبوع ماتحممتي مروحه محد طاق لك خبر < ههه خصوصا بالشتاء

  4. ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,


السلام عليكم يا فتيات يا حلوات

الوحدة مننا لما تفكر بالزواج تفكر انها بتجلس جنبه على الكنبه يشوفون فلم رومنسي وياكلون فشار ويشربون ببسي ويلعب بشعرها وبعدين تنام ويشيلها يوديها على السرير وهات ياافلام رومنسيه على كيف كيفك لما تنصدم بالواقع
تراك بتاخذين سعودي = ضب مايعرف يدلع وان دلعك ايام الخطبه والملكه بس بعدين اقوى شلوت
تبغون الواقع المرير لزوج السعودي اقرو تحت والي ماتبي تنصدم تسكر الموضوع وتطلع عشان ماتخرب

احلامها الورديه

والله انها صادقة الوحدة لاتزوجت ان نامت قال زوجها نوامه وان كلمت بالتلفون قال بربارة و ان سولفت معه قال صجتنا بسواليفها السامجه وان سكتت قال وشفيها (مغلدمه )< الي يفهمها يفلقني
لا ويبي لك تكونين اتكيت مع اهله وتجاملينهم مايكفي متحمله ولدهم بتتحملين اهله بعد وخواته ولا عاد اذا حملت الوحده لاعاد يمديها تشوف لافلم ولا تطلع ولاشي ماغير تروش بهالبزارين وترضع واحد يصيح يبي ياكل جوعان
والثاني جالس يرجم بالألعاب حقته يبي العاب جديده و الثالث والرابع يتاطقون على الريموت ويبداء الصرااخ بالبيت والمشاكل والأثاث يتوصخ الي يكب شاهي والي يستفرغ على الكنب لا كاابووس
على طول بقطع شعري انا واجيب سكين وانتحر مااقدر على صجه البزران ! ويجي الزوج من الدوام يبي ينام ويقول هجديهم ويجلسون يصارخون زياده عناد ويطلع يلعن اصلي يلي ماتعرفين تربين اروح اكرف عشانكم واتعب واشتغل
وحتى النوم ماقدر انام بهالبيت
ولانوم اليل يقومك باليوم مليون مره وان جبتي خدامه مستحيل تعتمدين عليها في تربيه ولدك
ولا عاد تتزوجين واحد معقد يصير كل ماسويتي شي قال ناقصات عقل ودين !
صديقاتي المتزوجات يلي افتقدتكم بالمسن ههه وربي ارحمكم وين ايام السهر والفرفره والدجه < ( رنداء ) < كيف حالك مع عريس الغفله يوم اون لاين و6 شهور اوف لاين
تحيا العزوبيه
مايستفاد من القرقره الي فوق /
1_ احمدو ربكم يابنات تنامون ماوراكم هم تشيلونه غير الجامعه واحيانا مشاكل اهلك
2_ قلبك مرتاح مافي احد تغارين عليه او تخافين يوم يتزوج عليك
3_ ماوراك بزر كل شوي تقومين ترضعينه او تغطين عيالك وتشوفين ان كان احد تعبان

4_ تجلسين اسبوع ماتحممتي مروحه محد طاق لك خبر < ههه خصوصا بالشتاء

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,

وحبيت اضيف نقطه مهمه : ترا الامهات لهم دور كبير في تشجيع البنات عالعرس ههه هااو بنت فلان اعرست وهي اصغر من بنتي !! وتجلس تندب حظها هي وبنتها تقولين خلاص فاتها العرس والا تجيك تدهر ببنتها بكل عرس بس عشان تنخطب !! ويضيق صدرها لا خلص العرس ولااحد طق لها خبر .. انا اشوف ان الامهات هم اللي يموتون بناتهم عالعرس
(( اقول بالفم المليان يابنات عيشوا حياتكم لاحقين عالشقى والغثى ..اطلقوا العنان لانفسكم والقلب داعيه لكم ))
لكل مشفوحه عالزواج.إليك الآتي
السلام
أخباركم يا بنات
بقولكم سالفه
بمناسبة قرب الأجازة
ويبدون البنات بالاستعداد للزوجات والأعراس
وكل وحده عاد ووضعها
اللي عروس واللي اخت عروس واللي اخت عريس واللي بس معزومة
وياعمري هالمعزومة
خاصة إذا كانت عازبه single
بالجامعة البنات مره وضعهم رديء
وإذا سمعوا طاري الزواج تنط عيونهم على برى
ويتحسرون على عزوبيتهم اللي طال مداها
بالرغم ان عمر الوحده فيهم ماتعدى 23
الزواج والعزوبية
قررت أكتشف الخلل في تفكير البنات وأسلط عليه الضوء<<<موب عاقله
المهم
يابنات ياعازبات
وش سر موتكم عالزواج والعرس
أنا بشرح لكم الزواج
أولا نظرية يبدأ الزواج بالهموم منذ اللحظة الأولى
وهذي النظرية يندرج تحتها الكثير من المفاهيم المهمة أبرزها
قبل لاتنخطبين وانتي تفكرين وتقلقين
وإذ حصل وانخطبتي تفكرين توافقين ولا ترفضين
وإذا وافقتي تبدين تخططين لعرسك لخطوبتك ملكتك شقتك و و و
يعني هواجيس وغثى من أولها
النظرية الثانية
الخطوبة حلوة وياليتها ماتنتهي
هالنظرية مهمة
إذا تمم ربي وتملكتي
تب دين أولا خجولة وخايفة لكن أنا أعطيك 12 ساعة وبعدها انتي فاصخة للحياء من اللهفه
وي لو تدري يالعريس بغيت أموت على مالقيتك
المهم
ويأخذ رقمك ويدق على جوالك وتسولفون سالفة بايخه بعدين يبدأ يصير رومنسي
ويدق الليل
ويسأل تعشيتي نمتي و و وناسسه
بعدها يتدرج
ممكن أزوركم
ويزوركم
ويجيب العشى والهدية والورد وتكرر الزيارات وكل زياره بهدية
وكل زيارة تتمادون أكثر
أول شي انتي بكنب وهو بكنب
خلال 3 أيام انتو في أصغر كنب بمجلسكم متفاعصيين
ههه
المهم ولازم ماتصير خناقه عاد خلال هالزيارت
وأبشركم هذا أول الغيث يكوون قطرة
والعازبات يابعد قلبي يتحمسون يموتون يظنون كل الزواج عسل ووناسة وانه بيستمر على هالمنوال
لا والله
النظرية الثالثة : لقد تزوجت
صار عرسكم
وطبعا كحال كل سعودي وسعودية حاجزين لماليزيا
لازم تتخانقون اذا مو في طريق المطار في الانتظار واذا مو في الانتظار في الطيارة
واذا مو في الطيارة في الفندق أهم شي تتخانقون
والصلح عاد أحلى شي
المهم هنا تكون البنت تخطت شوط كبير وينتظرها شوط تعيس
المهم في السفر هذا بتصير أشياء تقودنا للنظرية الرابعة
النظرية الرابعه:كل منا اكتشف الآخر
هنا عاد نقطة الحسم
يا تتطلقون لا سمح الله
ياتصبرين وتنطمين وتواصلين الحياة
لأن مافي انسان بدون عيوب وبتكتشفون بعض هنا
المهم في بنات يمكن ينصدمون
وتتزوج واحد لاسمح الله مدمن أو مريض أو سيء الخلق
وتندم على الزواج من هالمرحلة المبكرة وزي ماقلت ياتنفصل ولا تكمل
وبنات تكتشف عيوب زوجها انه حنان زنان يحب الطعام سخيف متذمر متطلب كثير النوم أو كثير السهر يدقق
ثقيل دم ..كريه.مغازلجي,غبي.فيلسوف.يتميلح,ممل,وغيرها من العيوب
والله يعين كل وحده فيكم
وما ابي اسمع وحده تتميلح وتقول لا والله رجلي بسم الله عليه كامل الكامل وجه
لا مافي احد كامل ولا تقعدين تقولين كذا لآن خواتنا المشفوحات على الزواج بيتحطمون زوود
النظرية الخامسة:وتستمر المناورات
خناقات تالي الليل
ودني لأهلي
النوم بغرف منفصله
السفهان والحقران
اعطاء كل منكما ظهره للآخر وغيرها
النظرية السادسة:لقد فعلناها بنجاح وها نحن ننتظر مولوداً
هنا عاد ان كثرت كثرت تقعد الفتاه السعودية 3 أشهر بلا حمل من غبائها وبعدها تشتغل الغيرة
وش معنى فلانه حملت وأنا لا
أو هو يبدأ يحن
يلا نبي بزر يملى الحياه
وهو لا والله بعد غيران من غيره وخايف من كلام أهله وزملائة
وهنا عاد يبتدي أكبر هم
النظرية السابعة:مولودي العزيز لقد دمرتني
نفس البنت بخشمها
تتوحم تسهر تطرش تطقع تتخانق كله خياس في خياس
استغفرالله بسس
ويبدى عاد نكد منفرد من نوعه
خناقات على اتفه شي
ريحة عطرك وع
أشم فيك خياس
كارهتك بالعربي وغيرها وماخفي أعظم
وبعد يندرج تحت هالنظرية الخوف من المسؤولية القادمة والولادة وتفكير ويمكن بكاء من غير سبب
النظرية الثامنة:انهيار تام
ولدتي يابنت مبروك
وابتدى مشورا الصياح المرض السهر التفكير تحمل الهم والغم والصبر والتضحية و و و
الله يعين الأمهات
والله يأجر امهاتنا اللي مروا بهذا كله وصبروا
مصاريف ومشتريات وتفكير وقلق وتعب وتضحيات
والله تبدين تحسين الحياة صعبة
وقتها
بتكتشف البنت ان العزوبية أحلى وأزين
ويممكن تقص على نفسها وتتحمل وتقول سنة الحياه وتصبر
وبتقول صدقوا صديقاتي يوم قالو الزواج هم وغم
تنويه: مهم
كلامي هذا لايعني بأن البنات لا يتزوجون
لا بالعكس تزوجوا أساسا كان أموت لو ماتجربون اللي جربناه وتندقون على روسكم من الحنه عالعرس
لكن ليس قبل
ان تتمتعي وتفليها وتسهري وتطلعي وتخرجي وتفرعي وتسوين كل مايخطر على بالك
وأهم شي تنامين زي ماتبين
وتشوفين كل الأفلام قبل النكد
مو كل الأزواج جنه ولا كلهم نار
فأنتي لو من البدايه خيروك بواحد زي كذا ولا العزوبية وش بتختارين
أكيد العزوبية
وفوق هذا انتي تجيك الدورة الشهرية وتتألمين وتولدين وانتي لازم بعد في عز ألمك تبتسمين وتضحكين وتكشخين وتتمكيجين وتلبسين وتشيلين شعر بالحلاوة والله انه يعور عاد ولازم تزورين أهله وتحترمين أمه و أخته
وياويلك هذول أهلي و و و
والرجل هنا مجرد متفرج ومستمتع
ما يستفاد من الموضوع
أولا كتب هالموضوع خصيصا بمناسبة قدوم موسم الأعراس والبنات ينقهرون لو ماانخطبو
ويبذلون كل الجهود في سبيل الخطبه
فهذا الموضوع إليكي أنتي يامن تنامين وتقومين على حلم بايخ اسمه الآرتباط
أختاه تريثي
وباي
ههه
ولا تزعلون لا اقصد الاسائه
واخيرا
انا مو ضد الزواج انا ضد شي اسمه تعلق بالزواج
طيب اذا ما تزوجتي وش بيصير لك يعني
انا حبيت اجيب هالكلام علشان يا حلوات ما تصيرون ميتين على الزواج وبس
وان شالله تكون سالفه خفيفه خ


التعليقات (9)
دلع طفوله
دلع طفوله
ههه
فديت هالسوالف اني خ
والله ضجكت ولا عاد البجايه يشربون بيبسي ويلعب بشعرها ويحملها الى السرير خ
يعنو احلامي ضاعت سدى ههه اجل خلاص مارح انحف..اني كنت ناويه اضعف عشان يحملني بس دام مافيها مابضعف وبضل دبه هع هع هع
الله يفرح قلبك يالغلا ويبلغك في بتول اذا انتي معرسه خ ترى حلو اسم بتول واي يجنن
دعواتك لنا ربي يوفقنا ويسهل امورنا

$لوعة الحرمان$
$لوعة الحرمان$
ههه الله يسعدك
تراك بتاخذين سعودي = ضب مايعرف يدلع وان دلعك ايام الخطبه والملكه بس بعدين اقوى شلوت <<<< ولو حاطين هالشي بالبال
والله انك صادقه في كل شي قلتيته حرف حرف بس جد خفت من الاكتشافات لاسمح الله مريض نفسي ولا مدمن الله يكافين يالشر ولا يبلنا
<<<< الله يسعدك ويوفقك دنيا واخره <<<<

تناهيد الصمت22
تناهيد الصمت22
ههه والله انك صادقة
موضوع رائع تسلمين
بس اكيد كل وحدة تبي تشوف عيالها عالاقل

-=& مشاعر &=-
-=& مشاعر &=-
خ
ياحبيلك يام البتول وربي جبتيها فديتك
وأنا معك في أن البنت ماتخلي الزواج تفكيرها وهمها الوحيد اللهم لاتجعل الدنيا أكبر همنا ولا مبلغا علما ولا الى النار مصيرنا
بس نسيتي شغله أن البنت أذا حطت براسها شي مستحيل ترتاح الا أذا جابته تجيبه يعني تجيبه والله لو تحطين أكثر من هالعيوب
المعنى ماراح يرتاحون الا أذا تزوجو واسال الله لي ولهم الزواج
يارب ههه

المآااسه حسآااسه
المآااسه حسآااسه
ههه الله يقطع بليسك والله ضحكت من قلب
كلامك صح من البدايه للنهايه
يعطيك الف عافيه ياحلوه

سكون الماضي
سكون الماضي
يسل لم بوك
ام بت بت ههه
كلام سلليم ميه بالميه
بالجامعة البنات مره وضعهم رديء
وإذا سمعوا طاري الزواج تنط عيونهم على برى
بهذي لاحول ولاقوه الابالله
صاحباتي لما يتكلمو عن الزواج اقلهم اسكتوا جيبو سالفه غيرهاا
يقوولون شكل فيكِ عقده من الزواج
اي عقده الله يصلحكم تووني صغيره<<احلفي
بعيش حياتي ناقصني وجع رأس
والاحلى اذا مريت من جنب جماعة بنات
<<اجل اولاد
اشوفهم متحمسين مع الهرجه واصواتهم على كبر الجامعه اسمعها برا<<ما كنها كبيره
ههه
عاد ياذا الفضوول <<الا قولي لقافه
ابغى اعرف بأيش يتكلموون
ومااشالله تطلع السالفه عن الزوواج
واء خلاص حسسوني اني عانس عمرها 19
تهي تهي
حتى الحريم الكبار بالسن
اذا شافت لها بنت لو عمرها 9 سنين تقوولها الله يرزقك بولد الحلال
امين ياخالها بس اصبري شوي تووها البنت صغيره
المختصر عيشو حياتكم كيف ماكانت بطولها بعرضها بكل اللي فيها
العمر مايتكرر
الله يسعدكِ ام بت بت <<مصره
ههه
ويزوج كل بنات المسلمين وشبابهم

جنى الطايف
جنى الطايف
ههه
يآحبي لك يعني لقيت وحده معآي ضد فكرة ان الزوآج هو كل شي بالحيآه
تو انآ وصحبتي نسوولف الا قعدنآ نتكلم عن اعمآرنآ وكذا هع
تدرون شقآلت تقوول انا عنست وهي توهآآ 23 <<وربي رحمتهآ بس ذآ الموضوع
فرصه برسله لهآ عشآن تقرآه يمكن تهوون <<هع
يعطيك الف الف عآفيه..
وشسمه يد بيد لتحيآ العزوبيه<<ترآ والله موب شآربه شي ابدا هع

ام البتول2006
ام البتول2006
دلع طفوله
هلا هلا وغلا
خ
شوفي انتي انحفي احتياط يمكن يطلع زوجك رشدي اباظه شدراك خ
وين معرسه الله يخليك حببتي انا متزوجه ماشيه في السنه السابعه وعندي بنت وولد واللحين بولد قربت في الثالث ماشالله شرايك
خ
اللهم لك الحمد على هذي النعمه

ام البتول2006
ام البتول2006
$لوعة الحرمان$
شوفي يا عيوني زي ما قلت مو كلهم سواسيه
انا اللي قصدته الوحده لا تجلس تفكر كثير وتشيل هم وكأن فيها عيب اذا ما تزوجت وفي النهايه يمكن تندم
لكن الوحده تدعي ربها كل يوم في سجودها ان الله يرزقها الزوج والذريه الصالحه
والدعاء له اثر بأذن الله
مو تتمنى وبس
سلام عيوني

معاناتي وطلاقي يالله رحمتك
أنات مطلقة