الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
& غلاهم &
24-06-2022 - 11:53 am
  1. بس زوجات اخواني ماني مرتاحه............

  2. المهم بدخل لكم بسالفتي

  3. وانا ياغافل لكم الله وحده ادعة انها انا .........

  4. المهم وبعد

  5. دقيت مره على بنت عمي وقلت لها ليش ماتكلميني .......... ليش قاطعتوني

  6. مطنشتهم وربي حاطتهم تحت رجليني الله يكرمكم


السلام عليكم
مساء & صباح الخير
انا اول مشاركم لي هنا .. وياليت تقبلوني صديقه واخت لكم
بفتح لكم قلبي وبقولكم كل شي عن الدنيا وش سويت فيني والناس بعد
اول شي انا مطلقه لي تقريبا سنتين ونصف
عمري 23 وعمري راح كله بهم وغم
طلاق صار بظلم وكيد الحريم ........ وغيبه ونميمه لدرجة انهم يدخلون غرفة النوم حقتي
وانا كنت على نياتي صادقين الي قالوا طيب القلب دايم يعيش مجروح ومهموم
انا عايشه الحين في بيت اهلي وحمدالله على كل شي مرتاح مع امي وابوي واخواني

بس زوجات اخواني ماني مرتاحه............

المهم بدخل لكم بسالفتي

تطلق وصار سوالف عني ابدا الي يبي يسالفه يتكلم عني ........ قسم بالله والي خلقني حتى عيالهم وبناتهم الصغار صارو يتكلكون عني بالمدارس صرة سالفة الموسم لهم ........... ورجال بعد ابد قطعوا جلدي تقطيع ............ على شي انا ماسويت وعلى شي انا ماقلته حتى وصل لهم يقولون
اني كنت البس ملابس عاريه عند عمه ....... الي هو عم زوجي سابقا بس الله حسيبهم
بعده صارت لي سالفه مع صديقاتي........ او بالاصح كانوا صديقاتي
وحده دقة على صديقتي وقالت انتي فلانه قالت ايه قالت انا بسمه الي هو انا ........... قالت انتي ماتطلقتي من هالكلام ........ وتهاوشة هي وياها ......... وكلمة زوجها وراحة تغازل زوجها

وانا ياغافل لكم الله وحده ادعة انها انا .........

دقت على صديقتي وقالت بالحرف الواحد ........ انقو عليكي انتي ماتستاهلين من يصادقك تخطفيني زوجي مني ومن هالكلام .......ز انا سكت ومدري وش السالفه وقالت والله لا اخلي اهلي يجون يربونك اهلك شكلهم ماربوك تطلقتي وتبين طلقيني معاك انتي مالقيتي غير زوجي ........ انا ساكته لااني مصدومه ومدري وش السالفه ؟... بعد ماسكرت بكيت وحسيت وقتها بالظلم على طول دقيت على ام صديقتي وقالتي انتي بسمه قلت ايوه قالت انا ابي ادق عليك بس دقفيتي ........ وراح تهاوش قلتها وحلفت انه مو انا ............ المهم صدقت الام ولا ادري منهي البنت الين الحين وعرفوا انه مو انا ............. لا دقوا علي ولا اعتذرو بس الله حسيبهم
مااقول غير حسبي الله ونعم الوكيل ....... لو انه الين الحين وهو في قلبي بس الله يعينا على الجروح
عدت هالسالفه ...... المهم
اشتركت مره في منتدى ........ومشيت من المنتدى الاعضاء حبوني وانا حبيت المنتدى
اشتركو فيه بنات اخوي معاي ........... وربي يابنات والي حلقني ليل ونهار وهم في المنتدى وانا ياغافل لكم اله اثرهم يخططون علي وانا مدري الي هم بنات اخوي.............
ارسل علي مره مدير المنتدى وبالحرف الواحد قالي ........ بسمه ضفي وجهك عن المنتدى
قلت ليش انا ماسويت مشاكل قال بس ضفي وجهك ...... قلت طيب اهون علي عزة نفسي الاعضاء استغربوا قالوا ليش يابسمه ليش ماتدخلني المنتدى قلت المدير طردني قالوا بنشوف المدير ......... بعد اشوي الا الاعضاء كلموني وقالوا المدير يقول ان في ثنتين من الاعضاء قالوا انك تسببين مشاكل وتحرشين فيهم علشان تبغينهم ينطردون وهم انشط منك بالمنتدى ومايبي يخسرهم علشانك قلت وربي ماسببت مشاكل انا علي من نفسي مالي شغل بي احد قلت منهم قالوا العضوه فلانه وفلانه
انصدمت اطلعوا بنات اخوي ادخلوا المنتدى علشان انطرد منهم ........... وربي انصدمت
قلت لهم انا ماتحرشت في احد وحلفت لهم الاعضاء عارفين ......... وقسم بالله بكيت الين حلصت ادموع اقول ليش ........ طيبوا خاطري الاعضاء هكرو المنتدى وهكرو اجهزة بنات اخوي شفتوا الغريب يجبر خاطرك وقريب يكسر خاطرك..........
واوقولكم بعد ..........
رحت مره انا زوجت اخوي وبنات اخوي لي المشغل كان عندنا زواج
المهم سويت شعري ومكياج خلصت قلت بجلس الين يخلصون علشان نطلع سوى ........
كل مامرت وحده يمي قالت لو سمحتي اقري على نفسك كل مامرت وحده قالت نفس الكلمه اقري على نفسك
المهم تجي هاذيك الحرمه وجلست جبي وقالت ماشالله عليك انت حلوه بدون مكياج وطول ماهي جالسه تناظر فيني وتقول ماشالله
وربي يابنات والي خلقني جت وحده اشوف جالسه بعيد عني وجت وقالت انتي متازوجه قلت لها لا
قلت كل هالجمال ومحد يخطبك قلت محد يدري وين نصيبي فيه قالت بتعرف عليك علشان نعرف بعض وخطبك لي اخوي قلت لا ماابي اتزوج الحين سالفه ورى سالفه ...... المهم يوم جت بتقوم حطت يدها على راسي وقلت اقري على نفسك وماشالله تبارك الرحمان .......جت زوجة اخوي قالت الله يخلي المكياج يزين الوحده انتم ويشفيكم مجتمعين عليها ترا بزين المكياج وربي تفشلة وسكت وراحت تكلم وهي والحرمه وبنات اخوي جلسوا بعيد عني ......... ماكلموني ازعلوا حتى جت الكوفيره وقالت بينكم شي انتم علاقتكم زينه مع بعض سكت مدري وش اقول ........ انصدمت حتى عند الناس يسون معاي هالحركات............ جت مديرة المشغل واخذتني عندها وقالت دقي على احد يجي ياخذك انا خايفه عليك .......... قلت اخوي بيجي الحين ....... والله يابنات حتى بالزواج مايكلموني ويسون معاي حركات مالها داعي لدرجحة بنت اخوي سويت نفس مكياج ............ وجلس مع اخت العروس واسولف معاها وقالت ماشالله انتي احلا وحده بالعرس الا بنت اخوي معاي قالت مكياجي نفس مكياجه انا بعد امدحوني ........زز قالت الحرمه المكياج مايزين عين ولا خشم وتزعل بنت اخوي وربي ساولي مشاكل
بنات انا ماابالغ بس وربي مو ذبي علشان ربي عطاني جمال كل هالمشاكل علي

المهم وبعد

دقيت مره على بنت عمي وقلت لها ليش ماتكلميني .......... ليش قاطعتوني

قالت ماابي احد يدري اني اكلمك قلت ليش انا وش فيني ........... قالت علشانك مطلقه ........ قلت علشاني مطلقه ماتكلموني قالت ايه ........... وربي يابانت محد يكلمني لا بنات عم ولا بنات خال ولا احد من بعد ماتطلقت علشاني مطلقه مايبغوني احسدهم ........ شفتوا الدنيا ماقساها على المطلقات
حتى مره كنت اكلم بنت عمتي بعد طلاقي وهي كانت الوحيده الي تكلمني ........ وبعدها انقلبت علي ودقت اتهاوش مدري على ايش تهاوش قالت اني انا اغتابها واني انقل كلام عنها انا ماكلم احد علشان اكلمها قلت من الي قالك قالت فلانه .............ز طلعت زوجة اخوي حسبي عليها هي الي ماخلت احد يكلمني ولا خلت احد يجيني ومن بعدها ماكلمتني ولا كلمتها قلت الباب الي يجي منك ريح سده واستريح
اخوي قالي مره انتي تحت رجليني وان النتي ماتسوي عند بنتي شي سكت
واختي الي صدقت الناس فيني وخلت الناس صح وانا الغلطانه حتى مره قالت المطلقه ماهي متزوجه من الي بتزوجها وسكت
زوجات اخواني اتهموني اني اغازل واني انا فسدة بناتهم على النت وخربات بناتهم وسكت
بنت اخوي قالت لي مره انتي صايعه و تصعين بلد وسكت
ولد اخوي قالي مره تطلقتي وجيت عندنا قاعده على قلوبنا وهم بعد سكت
الناس تخلو عني علشاني مطلقه ماابي احسدهم
صديقتي دقيت عليها قلت ليش مادقين علي مو انا صديقتك قالت وش ابي فيك انتي ماني داقه
مع هاذا كله .............
كلامهم لا همني ورميته ورا ظهري ولا يهمني احد اهم شي صحتي وسعادتي
اعرف ان هاذا كله غيره في غيره.............
وربي خالت طلقي قالت بسمه ماشالله عليكي ماكنك مطلقه كل مالك يزيد جمالك حاسدتني علشان ماهتميت في ولد اختها ........ الي يصد عني يوم اصد عنه سنه
والي يحسدني واشوفه اضحك في وجهه ........... عارفه لو على كيفه كان كسر اسناني علشان مااضحك
وانا ماارد عليهم لااني احبال الصوتيه غاليه عندي واذا لقيت شي رخيص مثلهم رديت عليهم

مطنشتهم وربي حاطتهم تحت رجليني الله يكرمكم

مشوف حياتي وسعادتي والدنيا مراح تاقف علشان رجال ولا هم فيني الدنيا بتكمل واكمل معاها
وربي يابنات مااباالغ تخيلو من زود مااكشخ واقهرهم صبغة مره شعري في السنه ثلاث مرات وكل سنه اقص واصبغ ولا احسب لي الفلوس حساب اشتري الغالي بس علشان اقهرهم وابين لهم اني مااهمني شي ادفع الالاف على اكسوارات والملابس لدرجة زوجة اخوي تمشي بين الناس وتقول الله يعين من يتزوجة ماتشري غير اغلغالي وتلعب بالفلوس لعب هاذي مايصلح لها غير التاجر لدرجة يراقبوني بالزواج والمناسبات وكل شوي يسؤلوني ماتزوجتي ومحد خطبك
ارد عليهم اقولولهم لا ليش اجيب نفسي الهم والغم انا مراح اتزوج من قبليتنا نهائي .........
والله يبنات من زود ماهم محتارين فيني مطلقه ولا يهمها كلام احد دايم كل زواج اسمع سالفه عني يقولون هاذي جايه علشان تشوفها وحده وتخطبها ........ ههه
وربي متخلفيني الله يهديهم
يابنات نصيحه مني لكم الدنيا تعلم ومراح يوقف عمرك اذا ماتزوجتي ولا تطلقتي ولا عندك مشاكل
بالعكس افرحي كل صبر بعدها فرج
واضحك لدنيا تضحكلك
وربي لو اقولكم بعد من الي يصير معاي وربي لدموعكم تنزل بس هاذا شويت من الي صارلي وبعدها يمكن ولا شي من الي عندي
بس عادي .............. هاذا الدنيا لازم يكون فيها الحلو والمر
وتحياتي
لكم
بسمه


التعليقات (9)
اغلى فراشة
اغلى فراشة
الله يوفقك يا ررب ويتفح ابواب رزقه لك
كلامك عين العقل
بالتوفيق

لحظه شوق
لحظه شوق
اللي يوفقك يارب ويكملك بعقلك يارب ويرزقك باللي يهنيكي يارب ويعوضك ان شاء الله ويسعدك

بنت البحرين1001
بنت البحرين1001
الله ايوفقك ويبعد عنك كل حاسد ونمام
عليكي بالاستغفار وكل هذا ابتلاء من رب العالمين
والله اذا احب عبدا ابتلاه
ترى من تشوف مصيبة غيرها تهون عليها مصيبته
لان الدنيا اتعلم اللي ماتعلم في المدرس
صدقيني ان انا جاتني مصايب الدنيا وانا متزوجة اش خذت من الزواج غير المصايب والهم
الله ييسر امورك ويعينك على ما ابتلاكي

عيون خجلا
عيون خجلا
ماشاء الله تبارك الرحمن عليك هذي الثقه والا بلاش خليك كذا وخليهم يتكلمون لين يقولو آآآمين وانتي خليك عادي(ياأرض اهتزي ما عليكي قدي)
وربي ما يتكلمون فيك بهذي الطريقه ويغايضونك الا لانهم عندهم نقص كامل عندك ما شاء الله ولابد الدنيا بتضحك لك ان شاء الله
ودائمآ رددي في بالك ( الخسران يقطع المصراان ) وامشي عليه
وربنا يعينك

عيون ماماتي
عيون ماماتي
طيبة القلب ما تنفع بها الزمن
وبنات اخوك لا تصيرين طيبه بزياده معاهم ولا تعلمينهم انتي بأي منتدى ولا تسولفين معاهم وتعطينهم وجه لانهم ما يستاهلون
وانتي ان شاء الله ربي بيعوضك باللي يقدرك
تحياتي لك وافتحي قلبك اي وقت تبين احنا نسمعك

التواصل الروحي
التواصل الروحي
فعلا الواحد لازم يتعلم منك ماشاء الله ربي يزيدك من نعيمه يارب

ملامح الليل
ملامح الليل
الله يعوضك بزوج احسن منه يمكن خير تطلقتي منه وام صديقتي تجي وحده اقوى منها تسوي لها نفس المشكله اللي سوتها لك وتتذكرك انها ظلمتك اما بنات اخوك حشى موبنات اخوك ذولي وحوش انا ابغتهم معايه عزوسند وهم لي كذب ونفاق
الله يوفقك ويسعدك دنياك واخرتك يارب
وشكرا تقلبي مروري

شهد روحي✿~
شهد روحي✿~
عانيتي الكثير وصبرتي فسأل الله ان يرزقك من حيث لاتحتسبي
صدق يعني مادري ليه خلقوا جو للمطلقه غير عن بقية البشر حسبهم الله ونعم الوكيل

حلم 111
حلم 111
الله يرزقك ان شاء الله باالرجال الى يعوضك وعليك باالدعاء على كل شخص ظلمك فادعوة المظلوم مستجابه

لكل امراة تطلقت وحاسة انه نهاية الدينا
سألتكم بالله اختي في امس الحاجة لدعائكم