كيف تجعلين زوجك يعطيك مصروفك الشهري دون ان تطلبي منه

حبيبتي أشكرج على طرح هذا الموضوع المهم والحساس
أتمنى الخوات يساعدونا

هلا حبيبتي بصراحة هذا الموضوع جدا مهم بأمانه رغم انني لسه مو متزوجه((دعواتكم لي بالزوج الصالح)) لكن احس ان هذه مشكلة قد تواجهها الزوجة وخاصة الغير عامله واللي ماعندها بعد الله غير زوجها.....بصراحة انا ابي اتعلم من الحينه حق المستقبل بس انتو ادعولي يارب الله يسهل علي ويرزقني الزوج الصالح يارب

(((لازم ناخد لموضوع في الحسبان )))
عندي فكره او حل ,, بس لازم تتطبقيها خلال شهر ,, ماشي ,,
مع بداية الشهر احكيله اعطيني (لحظه انتي وين) اها من السعوديه
اول مره : يا حلو ... حابه اعمللك حلا ,, بس ما دياتي صعبه للغايه ,, ساعدني بكم ريال
بعد اسبوع: حياتي زهقت من القمصان اللي عندي ,, اشتريلي واحد باللون اللي انتا تحبه
بعد اسبوع : ياقلبي ,, والله خاطري اشتري العاب ولبسه حلوه للنونو الوحيد اللي عندنا ,,خلينا نحسسه انا مهتمين فيه .. شو رايك ؟؟
واخر كم يوم بالشهر : يا حبي,, اختي اشترت شنطه/ نعال/ جلابيه ,, وحبيتها ,, خليني اشتري مثلها ,, حبيبي حبيبي ...
******************************************
وقبل ما يستلم الراتب بيوم ,, قوليله : والله اني لعوزتك الشهر اللي طاف بكثرة الطلبات والحن , وحسيت عمري متفشله , وانا ادري الريال ما يحب جذي ..
اشرايك تعطيني كم ريال ,, انت اتحدده ,, عشان مو كل يوم والثاني اجيلك واطلبك ,,
ها اشرايك اشراك يا بعد قلبي ,,
( طبعا مو تنسي ,, تعملي اغراء بهاليوم اوكي ,,, واكله حلوهه يعشقها , مو شرط اكله رئيسيه ممكن حلا / جاتوه اي شي
ودمتي بخير عزيزتي واتمنى اكون افدتك

مره حلو الموضوع
تسلمين ومضت
انا بصراحه شايله هم هالموضوع من الحين
يعني خطيبي الحين يقولي مادياتي صعبه هالايام وخلاص ما عاد اقدر ارسلك كثير ومدري ايش
انا بصراحه زعلت على نفسي قلت من الحين بيبدأمادياتي صعبه:(
الله يعين بس ويفرجها من اوسع ابوابه يا رب
الفكره حلوة و الله يعطيك العافيه عليها يا الغلا

اشكرك اختي ومضت .............ياعيوني انا جربت هالاسلوب مع زوجي بس مانفع
تعرفي ايش قال قال مو كل شي تشوفينه تبغين تشترينه خليك اقتصاديه................
صدقوني الرجال اذا ماتعود من البدايه بيصير معاك بخيل طول عمره
وزوجي مو بخيل بالعكس كريم في كل شي الا المصروف

سهام ... الموضوع هذيه يبي له جلسه صراحه
يعني ...تقعدين وياه في وقت مناسب وجلسه حلوه .. وتقولين له : ياريت لو نحدد لي وللبيبي مصروف شهري يتناسب مع امكانياتك ... لان انا احيانا اكون محتاجه فلوس بس استحي اطلب منك ..و
واتفقوا على مبلغ معين مب لازم يكون زي ماانت تبين المهم في مصروف معقول
وبعدين قول لي له يحول المصروف على حسابك (اذا عندك حساب ) او سوي لك حساب ..وخليه يسويه بشكل اوتوماتيكي كل بدايه شهر يتحول من حسابه الى حسابك هالمبلغ ..وبدون موضوع الطلب والحنه

ومنكم نستفيد ياحلوين

ضحكتيني اختي بصراحه الحال من بعضه

والله انا المسكينه
زوجي مايقصر معاي في شي إلا المصروف هو مسوي لي حساب في البنك ومنه اسدد فاتوره الجوال يعني يحط 500 وتجي الفاتوره 400 او300 ويبقى 200 او 100 وطبعا مايكفي مصروف لي وانا اقله يديني مصروف في يدي
وهو يسدد الفواتير ومو راضي
انا ايش اسوي كيف اقنعه؟؟؟؟؟؟؟؟؟؟؟؟؟؟؟؟؟؟؟
حتى لما اطلبه ابغى اروح السوق اشتري حاجه يقول مو لازم ماعندي فلوس انا مو فاضي للأسواق
وابغى اروح اشتري ملابس للحمل ماعندي شي ... اجل لو جا الولد وش بيسوي الله يعينه على المصاريف...
غلطتي اني انا ماعودته من البداية..