الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
الوان الوفاء
01-11-2022 - 02:16 pm
بنات كيفكم طيبون
وش اخبار الدايت معكم بشهر رمضان
انا بدخل بالموضوع على طول لاني شوي وانفجر والله..
الله يستر مني بس لافقع في وحده منكم ههه
امزح معكم طبعا لحد يزعل مني ..
يابنات من اول يوم برمضان وانا الاغلب من الفراشات شافوا ريجيمي بهالقسم ..
مانزل وزني ولا شي الا كيلوا واحد وبالغلط شكله بعد ..
وربي متضايقه ليه ليه مع اني ماشيه بالاكل تمام وملتزمه
بالرياضه والمشي
وحتى والله اكلي كله دايت
ياعلى شوربه او زيادي او سمبوسه بالفرن ولا سلطه او تونه
بيض مسلوق توست بر مو كلهم بوقت واحد ههه على حسب يعني التنظيم
يعني اكثر من كذا وش اسوي قالوا لي بعض الاخوات الله يجزاهن خير اني انوع الاكل بس مااكثر تخفيف يعني واكلت على خفه يادوب حبه او اذا كثرت حبتين ..
قسم بالله انا قلت الحين خلاص برجع اقيس وزني بلاقيه نازل على الاقل خمسه كيلوا الا انصدمت انه كيلوا واحد بس طول هالاسبوعين
حرام ياربي ودي خسرت الوزن اللي ابيه فترة هالشهر فرصه لي
بس العكس طلع لي تضايقت مره وانقهرت حتى فكرت اني اقطع الريجيم وخلاص اوقف..
اللي لاحظته علي انشد جسمي شويات مره
بس حتى شكلي مابين عليه نزول ولاشي ماتغير اي شي فيني
لاحد يقولي اكسري الدايت يوم ولا يومين اذا كسرته اخاف بدل مااعدل الامور وارتبها اخبص فيها بكسره
شوروا علي وش اسوي يابنات حيل حيل متضايقه وكارهه نفسي وزعلانه والله حتى اليوم اللي كتبت فيه المشكله مامشيت زين لاني افكر واقول ليه ليه ليه كذا صار معي
ادعوا لي لاتنسوني مع العلم اني اشرب الخلطه يوميا اللي وصفتها للفراشات (شاهي اخضر +نعناع+زنجبيل+كمون)
وزني حاليا/69
الطول/163 تقريبا
اتمنى اوصل 60 في العيد تتوقعون تضبط معي ولالا بس شلون
اذا على كذا ولا تحرك وزني ولاشي مع الالتزام بكل امور الدايت والرياضه ...
فيدوني في هالمشكله ولكم مني الدعوات الصادقه باذن الله
والله يشهد اني ادعي لكل عضوات المنتدى دون استثناء واقول يارب حقق حلم كل وحده فيهم امين..
اتمنى الكل يرد علي حتى لو رفع الموضوع ..
وتقبلوا تحياتي..


نظام دايت نظام تخسيس برامج دايت نظام انقاص الوزن
التعليقات (9)
سـحــ الورد ــــر
سـحــ الورد ــــر
خيتوو كل شيء مايجي إلا بالتعب وواصلي وربي يحقق امنيتك يارب وامياتنا كلنا

زهرانية والنعم فيه
زهرانية والنعم فيه
حبيبتي اقولك شئ أولا تكون عزيمتك قوية حيل
انا والحمدلله كان وزني 68بداية رمضان والآن 64 قولي ما شاءالله االمهم :
تبي تعرفي انا شو سويت ::
1- اكل اكل قليل مرة وهو عيش بالجنة والبيض واهلي ما شاء الله ياكلو سمبوسة وبف وكنافة وايس كريم ... الخ
2-بين الأفطار والسحور مافي اكل حتى لو اهلك اكلو اشغلي نفسك باي شئ لاب توب اوكي
وب س أتمنى يكون يفيدك

فراشة مملكتي
فراشة مملكتي
اسمعي سوي الدات حق الاوزان اثابته اللي 9 كيلو في اسبوع
مستحيل 9 لو 4 نعمه جربيه منتي خسرانه

яόђë ţђbк
яόђë ţђbк
يالغلا والله اني مثل حالتك انا بديت برجيم ورياضه نزلت اول اسبوع تقريبا 3.5
الاسبوع اللي بعده جتني الدوره تخيلي رجع وزني زاد 4 كيلو طول فتره الدوره مانزل
وبعدها باسبوع نقص كيلو ونص بغيت انجن من القهر رغم اني ملتزمه بنظامي وملتزمه بالمشي
بس مدري ليه مانزلت مثل الناس رغم انه وزني كبير المفروض انزل بسرعه في بدايه الدايت
بس الله كريم
وانا بتابع موضوعك وبشوف ردود البنات يمكن يفيدونك ويفيدوني,,
الله ينحفنا من غير شر يارب ..~

fofa sweetheart
fofa sweetheart
حتى انا جالسه اسوي فالرجيمات هذا رابع اسبوع ومانزل وزني ولاكيلو ثابت بس معليش اصبري تجي فترات عالجسم كده يصير اهم شئ ماتيأسي وتقولي خلاص بوقف وتخبصي التعب حقك استمري وبين فتره وفتره غيري نظام اكلك ولازم اليوم المفتوح عشان جسمك مايتعود وماينزل نهائي وزيدي فالاكل اللي يحرق السعرات زي الاناناس والكيوي والجريب فروت والزبادي الخالي الدسم ولاتاكلي بين الوجبات وبعد كل وجبه كوب شاهي اخضر وزيدي مدة التمارين او المشي ونوعي فالتمارين مره مشي مره رقص مره نط وزي كده عشان لاتملي وتيأسي وربك يسهل ان شاء الله وتنحفي وكلنا ننحف عالعيد يا ارب

<^واوا^&>
<^واوا^&>
يمكن لانك صرتي قريبة من الوزن المثالي صعب نزول الوزن
حاولي انك تاخذي السحور بدري بحيث انك ما تتعدين الساعة 2
غير كذا حاولي انك تاكلين علبتين زبادي في اليوم

فنون 2009
فنون 2009
حبيتى الله ينولك مرادك انشالله
اشربى موية كثير يمكن عندك احتباس المويات بجسمك
وامشى على الاقل ساعة حاولى تشترين مسجل وتحطين فية شريط قران او محاضرة وتحطينها باذنك وانتى ماشية راح ينسيك الوقت
واشربى عصير كيوى مع اناناس وشاهى اخضر هذا يساعد كثير على الحرق
الله يوفقك يارب
بشرينا عنك
بس اهم شى لاتياسى تخيلى جسمك شلون يطلع يهبل اية صح تراهم يجيبون الرابح الاكبر على ام بى سى فور الساعة تسعة شوفىية صدقينى راح تزيد همتك

سنابل
سنابل
الله ينحفك وينحفني على خير يارب
وكلالمتواجدات في هالصفحة ،،

كلي فدوه لعيونك
كلي فدوه لعيونك
واصلي وشدي حيلك
وان شاء الله يتحقق لك الي تبينه يارب

الشاي الاخضر مضر شي مايتصدق ادخلوا وتأكدوا
نبداء من 12 رمضان من معيرجيم التمر واللبن