الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
مودموزيل
03-07-2022 - 01:30 pm
مرحبا فيكم أخواتي....
طبعا رمضان ومع الصيام وطقوس الفطور والسحور والموائد اللي تنحط بكل وجبة ولاتنسون حلا القهوة اللي كله مقلي وسكر ههه ....... الخ
مين فيكم اتحدت نفسها واتعبت رجيم او نظام غذائي ، وياريت تشرح لنا اياه وهل نقصت او حافظت على وزنها بس...
بنات الموضوع مهم للنقاش فياريت تشاركونا بخبرتكم...
ببدأ انا اول وحده:
ماسويت رجيم ولا شي بس انا برمضان تنقص شهيتي الحمدلله يعني الفطور يالله افطر شي بسيط مثل 2 او 3 سمبوسة مع تمر وحبتين لقيمات واحيانا اقل والسحور تكون وجبة واتسحر على الساعة 2 تقريباً لان اكون مافطرت زين وجعت. بس الحمدلله تقدرون تقولون وزني ثابت مازاد
يلا نسمع منكم ...


التعليقات (9)
دانة الدنيا
دانة الدنيا
مرحبا حبيبتي مودموزيل,,,
عن نفسي اليوم السبت اول يوم لي بالريجيم
و حطيت لي نظام
الفطور: كاس مويه + حبتين سمبوسه+كاس عصير
الساعه 10 : كاس عصير
السحور: ساندوتش((يخص الحميه))
الرياضه : من 10 دقايق الى نص ساعه مشي....
وبس راح امشي على هذا النظام الى يوم السبت القادم
ان شاء الله واعلمكم بالنتيجه ويا رب تكون مفرحه لي
و دعواتكم
والله يكون بالعون

مودموزيل
مودموزيل
حلو نظامك يادانة بس موكأنه قليل.. احسه يعذب لانك ماتاكلين شي ابداً
عموما الله يسهلك وتنحفين
وبانتظار باقي الفراشات

شهــــــــــد
شهــــــــــد
غاليتي انا ماعمري صلحت رجيم
بس برمضان اهم شي اذا افطرت بعدها ما اكل شئ الا قبل صلاة الفجر قبل الاذان اكل شئ خفيف وعليها لليوم الثاني ما احب احرم نفسي من اي شئ بس ما اكل الا بقدر معين مو اذا اعجبني صنف اطيح فيه لا بقدر بسيط والحمد لله وزني ماينزل نفس ماهوة تحياتي

مودموزيل
مودموزيل
ياعمري عليك ياشهودة
من جد انتي صادقة اكثر شي يسمن ويخرب الجسم هو الاكل بين الوجبات والخربطة ولا لو نلتزم كان مايزيد الواحد ولا كيلو...
ومشكورة على المشاركة

دانة الدنيا
دانة الدنيا
باركوا لي يا بنات نقصت كيلوين ونص
وانا مستمره ان شاء الله الى اخر رمضان
الحمدلله والشكرلله

مودموزيل
مودموزيل
ياعمري يا دندون
ألف ألف مبروك
وان شاءالله الجاي اكثر وماينتهي الشهر الا وانتي مطيحه عشرة كيلو شرايك زينة ولا شوي ههه
الله يقوي ارادتك وتبشرينا بالجاي

rmrm2002
rmrm2002
مرحبا يابنات النتدى انا عضوه جديده وحابه ارد على الموضوع
وياليت ترحبون فبنى ترى تستحى مرره =========>
انا مستمره على الدايت فى رمضان بس نزولى بطى دا جاد :(
تقريبا متوقف النزول الحين شسوى بنات ساعدونى بليز محتاجه لارائكم بليز
ايى انزل 6 كيلو :(

دانة الدنيا
دانة الدنيا
الله عشره كيلو مره حلو موموزيل احسن من ولا شي
وان شاء الله يا رب الاراده تكون اقوى واقوى والله يكون بعوني
اختي رمرم
انا مثلك اعاني من النزول البطيء والحل بنظري انك تروحين لاخصائي تغذيه شاطر مره
بس خليك على الدايت حقك عشان ما تزيدين تكوني ثابته ولا زايده
وااله يعينك يا رب

rmrm2002
rmrm2002
مرحبا
شكرا اخت دانه الدنيا
انا قاعده اسوى رجيم نوع الجسم وهو ممتاز جدا بس عشان انا سمنتى مو كثيره عشان كذا مو راضى ينزل الوزن بس انا من النوع اللى مايحب السمنه احاربها محارب
بس ودى انزل 6 كيلو وارتاح عشان اوصل لايام الرشاقه صح هى ايام العصاقل بس انا ابى اوصلها ان شاء الله
وشكرا مره ثانيه على الرد
اتمنى التوفيق للجميع

تمارين شد الأرداف موضحة بالصورة
بليز ابى مساعدتكم